ഭോപ്പാൽ: ജയിലിൽ കഴിയുന്ന സഹോദരനെക്കുറിച്ച് പരിഹസിച്ചു സംസാരിച്ചതിൽ പ്രകോപിതയായി യുവതി സഹോദരഭാര്യയെ കുത്തിക്കൊലപ്പെടുത്തി. മധ്യപ്രദേശിലെ ഇൻഡോറിൽ നടന്ന സംഭവത്തിൽ വന്ദന എന്ന യുവതിയാണ് കൊല്ലപ്പെട്ടത്. കൊലപാതകത്തിന് ശേഷം പൊലീസിനെയും വീട്ടുകാരെയും തെറ്റിദ്ധരിപ്പിക്കുന്നതിനായി മൃതദേഹം വീടിന് പുറത്തുള്ള വാട്ടർ ടാങ്കിൽ തള്ളുകയായിരുന്നു. തുടർന്ന് സി.സി.ടി.വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിൽ പ്രതിയായ പാർവതി ഭായ് കുശ്വാഹിനെ പൊലീസ് അറസ്റ്റ് ചെയ്തു. കൊല്ലപ്പെട്ട വന്ദനയും പാർവതിയുടെ സഹോദരൻ ഉപേന്ദ്രയും കുടുംബത്തിന്റെ എതിർപ്പ് അവഗണിച്ച് ഓഗസ്റ്റ് 11-നാണ് ക്ഷേത്രത്തിൽ വച്ച് വിവാഹിതരായത്. Read More…
