ഫിഫ ലോകകപ്പ് 2026 ഫൈനലിൽ ഇംഗ്ലണ്ടിനെ നേരിടാനൊരുങ്ങുന്ന സ്പെയിനിന്റെ യുവ സൂപ്പർ താരം ലാമിൻ യമാൽ മത്സരത്തിന് മുന്നോടിയായി പുതിയ ലുക്കിൽ എത്തിയിരിക്കുകയാണ്. ഫുട്ബോൾ താരങ്ങൾ മത്സരങ്ങൾക്ക് മുൻപ് പുതിയ ഹെയർസ്റ്റൈൽ പരീക്ഷിക്കുന്നത് സാധാരണമാണെങ്കിലും, യമാലിന് മുടി വെട്ടാനായി ബാർബർ റോൾസ് റോയ്സ് കാറിലെത്തിയതാണ് ഇപ്പോൾ എല്ലാവരുടെയും ശ്രദ്ധ പിടിച്ചുപറ്റിയിരിക്കുന്നത്.
ഈ വേനൽക്കാലത്ത് സ്പെയിൻ ദേശീയ ടീമിന്റെ ഔദ്യോഗിക ബാർബർ ചുമതലയുള്ളത് അമേരിക്കയിലെ പ്രശസ്തനായ 22 കാരൻ ബ്രയാൻ ഗ്വാർഡാഡോയ്ക്കാണ്. വെള്ളിയാഴ്ച ഇദ്ദേഹം സ്പാനിഷ് ടീം തങ്ങുന്ന ഹോട്ടലിലേക്ക് ആഡംബര കാറിൽ എത്തുന്നതിന്റെ വീഡിയോ സോഷ്യൽ മീഡിയയിൽ ഇതിനോടകം തന്നെ വൈറലായിക്കഴിഞ്ഞു.
പ്രചരിക്കുന്ന വീഡിയോയിൽ, റോൾസ് റോയ്സ് കാറിൽ നിന്നിറങ്ങി വരുന്ന ഗ്വാർഡാഡോ യമാലിന്റെ മുടി വെട്ടുന്നതായി കാണാം. ശേഷം ഈ പ്രശസ്ത ബാർബർക്ക് യമാൽ തന്റെ ഒപ്പിട്ട ജേഴ്സി സമ്മാനമായി നൽകുകയും ചെയ്തു.
അതേസമയം ഫൈനൽ മത്സരത്തിന് മുന്നോടിയായി അർജന്റീന ക്യാപ്റ്റൻ ലയണൽ മെസ്സി യമാലിനെ പ്രശംസിച്ചു രംഗത്തെത്തി. യമാൽ ഒരു അത്ഭുത താരമാണെന്ന് വിശേഷിപ്പിച്ച മെസ്സി, എന്നാൽ ഫൈനലിൽ താരം ഒരു ചരിത്ര നേട്ടം സ്വന്തമാക്കുന്നത് തടയാൻ അർജന്റീന തങ്ങളാലാകുന്നതെല്ലാം ചെയ്യുമെന്നും കൂട്ടിച്ചേർത്തു. താൻ ഒരുപാട് സ്നേഹിക്കുന്ന ബാഴ്സലോണ ക്ലബ്ബിന് വേണ്ടിയാണ് യമാൽ കളിക്കുന്നത് എന്നതുകൊണ്ട് തന്നെ താരത്തിന്റെ വളർച്ച താൻ വളരെ അടുത്തുനിന്ന് വീക്ഷിക്കുന്നുണ്ടെന്ന് ഇ.എസ്.പി.എൻ എഫ്.സി പങ്കുവെച്ച എക്സ് പോസ്റ്റിൽ മെസ്സി പറഞ്ഞു. ചരിത്രപരമായ നേട്ടത്തിലേക്ക് യമാലിന് ഒരു അവസരമുണ്ടെന്നും എന്നാൽ ഇത്തവണ അത് സംഭവിക്കാതിരിക്കാൻ തങ്ങൾ പരമാവധി ശ്രമിക്കുമെന്നും മെസ്സി വ്യക്തമാക്കി.
സെമി ഫൈനലിൽ ഇംഗ്ലണ്ടിനെതിരെ ഒന്നിനെതിരെ രണ്ട് ഗോളുകൾക്ക് പിന്നിട്ടുനിന്ന ശേഷമുള്ള തകർപ്പൻ തിരിച്ചുവരവിലൂടെയാണ് നിലവിലെ ചാമ്പ്യന്മാരായ അർജന്റീന ഫൈനലിൽ കടന്നത്. എൻസോ ഫെർണാണ്ടസ് അർജന്റീനയ്ക്കായി സമനില ഗോൾ നേടിയപ്പോൾ, ഇഞ്ചുറി ടൈമിൽ ലൗട്ടാരോ മാർട്ടിനസ് നേടിയ വിജയഗോളാണ് അർജന്റീനയെ സ്പെയിനിനെതിരായ കലാശപ്പോരാട്ടത്തിലേക്ക് നയിച്ചത്. ഈ തോൽവിയോടെ 1966-ന് ശേഷം ആദ്യമായി ലോകകപ്പ് ഫൈനലിൽ എത്താമെന്ന ഇംഗ്ലണ്ടിന്റെ സ്വപ്നങ്ങൾ തകരുകയായിരുന്നു.
മറുഭാഗത്ത്, ഫ്രാൻസിനെ എതിരില്ലാത്ത രണ്ട് ഗോളുകൾക്ക് പരാജയപ്പെടുത്തിയാണ് സ്പെയിൻ 2010-ന് ശേഷം ആദ്യമായി ഫിഫ ലോകകപ്പ് ഫൈനലിലേക്ക് യോഗ്യത നേടിയത്. ഈ വിജയത്തിൽ യമാൽ നിർണ്ണായക പങ്കുവഹിച്ചു. ഫ്രഞ്ച് താരം ലൂക്കാസ് ഡിഗ്നെയെ മറികടന്ന് യമാൽ നേടിയെടുത്ത പെനാൽറ്റി 22-ാം മിനിറ്റിൽ മിക്കൽ ഒയാർസബാൽ ഗോളാക്കി മാറ്റി സ്പെയിനിന് ലീഡ് നൽകി. പിന്നീട് രണ്ടാം പകുതിയിൽ ഡാനി ഓൽമോയുടെ മികച്ചൊരു നീക്കത്തിലൂടെ പെഡ്രോ പോറോ സ്പെയിനിന്റെ രണ്ടാം ഗോളും നേടി. മത്സരത്തിൽ വ്യക്തമായ അവസരങ്ങൾ സൃഷ്ടിക്കാൻ ഫ്രാൻസിന് സാധിച്ചതുമില്ല. ഈ വിജയത്തോടെ സ്പെയിൻ തങ്ങളുടെ ചരിത്രത്തിലെ രണ്ടാമത്തെ ലോകകപ്പ് ഫൈനൽ പ്രവേശനമാണ് ഉറപ്പിച്ചത്.
