പ്രശസ്ത പ്രവചനക്കാരി ബാബാ വംഗയുടെ പിൻഗാമിയായി അറിയപ്പെടുന്ന സെലീന അവലോൺ, ഇസ്രായേൽ-ഇറാൻ യുദ്ധത്തെക്കുറിച്ച് നടത്തിയ ഭയപ്പെടുത്തുന്ന പ്രവചനങ്ങൾ ഇപ്പോൾ ചർച്ചയാവുകയാണ്. ലോകം ഒരു ‘മഹാ ഉണർവിലേക്ക്’ നീങ്ങുകയാണെന്നും ഈ സംഘർഷം മൂന്നാം ലോകമഹായുദ്ധത്തിന് സമാനമായ സാഹചര്യത്തിലേക്ക് മാറുമെന്നും സെലീന മുന്നറിയിപ്പ് നൽകുന്നു. ലിസ് ട്രസ്സിന്റെ രാജി, ഫ്രാൻസിസ് മാർപാപ്പയുടെ മരണം എന്നിവ കൃത്യമായി പ്രവചിച്ചതിലൂടെ ശ്രദ്ധേയയായ വ്യക്തിയാണ് സെലീന. നിലവിലെ യുഎസ്-ഇസ്രായേൽ സഖ്യവും ഇറാനും തമ്മിലുള്ള പോരാട്ടം വരും ദിവസങ്ങളിൽ കൂടുതൽ വഷളാകുമെന്നാണ് ഇവരുടെ പക്ഷം.
ഇറാൻ പരമാധികാരി ഖമേനി വധിക്കപ്പെടുമെന്നും അദ്ദേഹത്തിന്റെ രക്തബന്ധത്തിൽപ്പെട്ട ഒരാൾ പകരം അധികാരത്തിൽ വരുമെന്നും സെലീന പ്രവചിക്കുന്നു. എന്നാൽ ഈ പുതിയ ഭരണാധികാരി നെപ്പോളിയനെപ്പോലെ പെരുമാറുന്ന ഒരു ഏകാധിപതിയായിരിക്കുമെന്നും അമേരിക്കയോട് പ്രതികാരം ചെയ്യാൻ ശ്രമിക്കുമെന്നും ഇവർ പറയുന്നു. അതേസമയം, അമേരിക്കൻ പ്രസിഡന്റ് ഡൊണാൾഡ് ട്രംപിനെ സംബന്ധിച്ചും നിർണ്ണായകമായ വെളിപ്പെടുത്തലുകൾ ഇവർ നടത്തിയിട്ടുണ്ട്. ട്രംപിന് നേരെ വീണ്ടും വധശ്രമമുണ്ടാകുമെന്നും ആരോഗ്യപ്രശ്നങ്ങൾ കാരണം അദ്ദേഹം സ്ഥാനമൊഴിയുമെന്നുമാണ് പ്രവചനം. ഇതിനെത്തുടർന്ന് ജെ.ഡി. വാൻസ് അമേരിക്കൻ പ്രസിഡന്റായി ചുമതലയേൽക്കുമെന്നും സെലീന അവകാശപ്പെടുന്നു.
ഭാവിയിൽ അമേരിക്കയും ഇസ്രായേലും ചേർന്ന് പഴയ റോമൻ സാമ്രാജ്യത്തിന് സമാനമായ ഒരു പുതിയ അധികാരം കെട്ടിപ്പടുക്കുമെന്നും വർഷങ്ങൾക്ക് ശേഷം ഇറാൻ ദുബായിയെപ്പോലെ വികസിതമായ ഒന്നായി മാറുമെന്നും ഇവർ സൂചിപ്പിക്കുന്നു. ഈ കാലഘട്ടം ആളുകൾക്ക് രണ്ട് വഴികളാണ് നൽകുന്നത്; ഒന്നുകിൽ ജീവിതം മെച്ചപ്പെടുത്തി മുന്നേറുക, അല്ലെങ്കിൽ പരാജയത്തിലേക്ക് കൂപ്പുകുത്തുക. 11-ാം വയസ്സ് മുതൽ പ്രവചനങ്ങൾ നടത്തുന്ന സെലീന, ശാസ്ത്രീയമായ രീതികളിലും സ്വന്തം അനുഭവങ്ങളിലുമാണ് താൻ വിശ്വസിക്കുന്നതെന്ന് വ്യക്തമാക്കുന്നു. ലോകനേതാക്കൾ മാറിക്കൊണ്ടിരിക്കുന്ന ഈ കാലഘട്ടത്തിൽ ആളുകൾ ശാന്തരായിരിക്കണമെന്നും ജീവിതത്തിൽ നല്ല മാറ്റങ്ങൾ വരുത്തണമെന്നും ഇവർ ഉപദേശിക്കുന്നു.
