ഗ്രേറ്റർ നോയിഡയിലെ സ്ത്രീധന പീഡനത്തിന് ഇരയായ നിക്കി ഭാട്ടി മരണശേഷം മെഴ്സിഡസ് കാർ ഓടിക്കുന്ന ഹൃദയഭേദകമായ വീഡിയോ പുറത്ത്.കൊല്ലപ്പെട്ട ഗ്രേറ്റർ നോയിഡയിലെ സ്ത്രീധന പീഡന ഇര നികി ഭാട്ടി കാറോടിക്കുന്നതിൻ്റെ വീഡിയോ സമൂഹമാധ്യമങ്ങളിൽ വൈറലാകുന്നു. ആഗസ്റ്റ് 21 ന് ഭർത്താവിൻ്റെ വീട്ടിൽവെച്ച് തീകൊളുത്തിയതിനെത്തുടർന്ന് ഗുരുതരമായി പൊള്ളലേറ്റ നിക്കി പിന്നീട് മരണത്തിന് കീഴടങ്ങുകയായിരുന്നു.
28 വയസായിരുന്നു.സ്വന്തമായി ബ്യൂട്ടിപാർലർ വീണ്ടും തുറക്കാനുള്ള നിക്കിയുടെ ആഗ്രഹത്തെച്ചൊല്ലിയുള്ള വഴക്കിനെത്തുടർന്നാണ് സംഭവമെന്ന് പോലീസ് പറയുന്നു. റീലുകൾ പോസ്റ്റ് ചെയ്യാനും പാർലർ നടത്താനും തൻ്റെ കുടുംബത്തിൽ അനുവാദമില്ലെന്ന് ഭർത്താവ് വിപിൻ ഭാട്ടി പറഞ്ഞതായാണ് ആരോപണം. തർക്കം രൂക്ഷമായതോടെ ശാരീരികമായി ഉപദ്രവിക്കുകയും, പിന്നീട് നിക്കിയെ തീ കൊളുത്തുകയും ചെയ്തു.
2016 ഡിസംബറിലാണ് നിക്കിയും സഹോദരി കാഞ്ചനും ഒരേ കുടുംബത്തിൽ വിവാഹിതരായത്. നിക്കി വിപിനെയും കാഞ്ചൻ വിപിൻ്റെ സഹോദരൻ രോഹിതിനെയും വിവാഹം കഴിച്ചു. വിവാഹം കഴിഞ്ഞതുമുതൽ നിക്കിക്ക് സ്ത്രീധനത്തിൻ്റെ പേരിൽ നിരന്തരമായ പീഡനം നേരിടേണ്ടി വന്നിരുന്നതായി നിക്കിയുടെ കുടുംബം ആരോപിച്ചു. സ്കോർപ്പിയോ എസ്യുവി, റോയൽ എൻഫീൽഡ് മോട്ടോർസൈക്കിൾ, സ്വർണ്ണം, പണം എന്നിവ നൽകിയിട്ടും, നിക്കിയുടെ ഭർതൃവീട്ടുകാർ 36 ലക്ഷം രൂപ കൂടി ആവശ്യപ്പെട്ടെന്നും കുടുംബം അവകാശപ്പെട്ടു.
രണ്ട് സഹോദരിമാരും ചേർന്ന് ഒരു ബ്യൂട്ടി പാർലർ നടത്തുകയും ഇൻസ്റ്റാഗ്രാം, യൂട്യൂബ് ചാനലുകളിലൂടെ അത് പ്രചരിപ്പിക്കുകയും ചെയ്തിരുന്നു. നിലവിൽ ഈ അക്കൗണ്ടുകളിലൊന്നിൽ 58,000-ത്തിലധികം ഫോളോവേഴ്സുണ്ട്. നിക്കി കാറിൽ ഇരിക്കുന്ന വീഡിയോ ഈ ഇൻസ്റ്റാഗ്രാം അക്കൗണ്ടിലാണ് പങ്കുവെച്ചിരുന്നത്.
ഓഗസ്റ്റ് 21-ലെ ആക്രമണംവിവാഹം കഴിഞ്ഞ് രണ്ട് വർഷത്തിന് ശേഷം നിക്കിക്ക് സ്ത്രീധനത്തിനായി വീണ്ടും സമ്മർദ്ദം നേരിടേണ്ടി വന്നതായി കുടുംബം പറഞ്ഞു. കഴിഞ്ഞ ഒൻപത് വർഷത്തിനിടെ പീഡനം കാരണം പലതവണ നിക്കി സ്വന്തം വീട്ടിലേക്ക് മടങ്ങിയിരുന്നു. ഓരോ തവണയും പ്രശ്നങ്ങൾ പരിഹരിച്ചതിന് ശേഷം തിരികെ അയക്കുകയായിരുന്നെന്ന് നിക്കിയുടെ സഹോദരൻ പറഞ്ഞു.
