പാൽ ഉൽപ്പന്നങ്ങൾ കാൻസറിന് കാരണമാകുമോ? വൈറൽ വാദത്തെക്കുറിച്ച് വിദഗ്ദ്ധരുടെ മറുപടി

വർഷങ്ങളായി, രാവിലെയോ കിടക്കുന്നതിനു മുന്‍പോ കുടിക്കുന്ന ഒരു കപ്പ് പാലായോ ഉച്ചഭക്ഷണത്തോടൊപ്പമുള്ള തൈര് രൂപത്തിലോ പാൽ ഉൽപ്പന്നങ്ങൾ നമ്മുടെ ദൈനംദിന ഭക്ഷണക്രമത്തിന്റെ അവിഭാജ്യ ഘടകമാണ്. എന്നാൽ, സോഷ്യൽ മീഡിയയിൽ എന്ത് കഴിക്കണം, എന്ത് സുരക്ഷിതമാണ് എന്നതിനെക്കുറിച്ച് എപ്പോഴും പുതിയ ചർച്ചകൾ ഉണ്ടാവാറുണ്ട്, ഇത്തവണ പാൽ ഉൽപ്പന്നങ്ങളാണ് ചർച്ചാവിഷയം.

നിത്യേനയുള്ള പാൽ ഉൽപ്പന്നങ്ങൾ കാൻസർ സാധ്യത വർദ്ധിപ്പിക്കുമെന്ന് അടുത്തിടെ വൈറലായ ഒരു വീഡിയോ മുന്നറിയിപ്പ് നൽകിയിരിക്കുന്നത്. ഇത് പലരെയും, തങ്ങളുടെ ഭക്ഷണക്രമത്തെക്കുറിച്ച് സംശയമുള്ളവരാക്കി.

വൈറലായ ഇൻസ്റ്റാഗ്രാം അവകാശവാദം

ദുബായ് ആസ്ഥാനമായുള്ള ഓങ്കോളജി, കാൻസർ പ്രതിരോധ വിദഗ്ദ്ധയായ ഡോ. ഷർമിൻ യഖീൻ അടുത്തിടെ ഒരു ഇൻസ്റ്റാഗ്രാം പോസ്റ്റിലൂടെ പങ്കുവെച്ചതാണ് ഈ അവകാശവാദം. ഇവരുടെ പ്രൊഫൈലിൽ ‘ഓങ്കോളജിയിൽ എംഡി’ എന്ന് രേഖപ്പെടുത്തിയിട്ടുള്ളതിനാൽ, പല കാഴ്ചക്കാരും ഇവരുടെ ഉപദേശം ഗൗരവമായി എടുക്കുകയുണ്ടായി.പശു, എരുമ, ആട് എന്നിവയുടെ പാലിൽ നിന്ന് ഉണ്ടാക്കുന്ന പാൽ ഉൽപ്പന്നങ്ങൾ വീക്കത്തിന് (inflammatory) കാരണമാകുമെന്നും, കാൻസറിന്റെ വളർച്ചയിൽ വീക്കത്തിന് വലിയ പങ്കുണ്ടെന്നും അവർ ഈ ക്ലിപ്പിൽ പറയുന്നു. ഇത് രോഗാവസ്ഥയിലുള്ളവർക്ക് മാത്രമല്ല, എല്ലാവർക്കും ബാധകമാണെന്നും അവർ കൂട്ടിച്ചേർത്തു. കൂടാതെ, പതിവായുള്ള പാൽ ഉപഭോഗത്തെ പ്രോസ്റ്റേറ്റ് കാൻസറുമായി ബന്ധിപ്പിക്കുന്ന ഗവേഷണങ്ങളെക്കുറിച്ചും അവർ ചൂണ്ടിക്കാട്ടി.

View this post on Instagram

Shared post on Time