83-കാരിയുടെ ഭയം ലവലേശമില്ലാത്ത ബംഗീ ജമ്പ് ഇന്റർനെറ്റിൽ തരംഗമായി; റിഷികേശിലെ ഉയരംകൂടിയ പ്ലാറ്റ്ഫോമിൽ നിന്നുള്ള ചാട്ടം ഹൃദയം കീഴടക്കുന്നു. പ്രായമെന്നത് ഒരു സംഖ്യ മാത്രമാണെന്ന് തെളിയിച്ച, ഇന്റർനെറ്റിനെ അത്ഭുതപ്പെടുത്തിയ ധൈര്യശാലിയായ ഒരു മുത്തശ്ശിയുടെ വാർത്തയാണിത്.
ഇന്ത്യയിലെ ഏറ്റവും ഉയരം കൂടിയ ബംഗി ജമ്പിങ് കേന്ദ്രങ്ങളിലൊന്നായ ഋഷികേശിലെ ശിവപുരിയിൽ ബഞ്ചി ജംപ് ചെയ്തുകൊണ്ടാണ് മുത്തശ്ശി തന്റെ ആഗ്രഹം സാക്ഷാത്കരിച്ചതും സമൂഹമാധ്യമങ്ങളിൽ തരംഗമായതും. @globesomeindia എന്ന ഇൻസ്റ്റാഗ്രാം പേജിലാണ് 82 വയസ്സുകാരിയുടെ ബഞ്ചി ജംപ് വിഡിയോ ആദ്യം പ്രത്യക്ഷ്യപ്പെട്ടത്. സാഹസികമായ ബഞ്ചി ജംപിന് പ്രായത്തെക്കൂസാതെ തയാറായ മുത്തശ്ശിയുടെ ആവേശവും ഉത്സാഹവും സമൂഹമാധ്യമങ്ങൾ വൈകാതെ ഏറ്റെടുത്തു.
വീഡിയോ ഇതിനോടകം 42 ലക്ഷത്തിലധികം കാഴ്ചക്കാരെ നേടി.വൈറലായ ഈ വീഡിയോയിൽ, മുത്തശ്ശി സന്തോഷത്തോടെ നൃത്തം ചെയ്യുന്നതും അങ്ങേയറ്റം ആവേശത്തോടെ ചാട്ടത്തിനായി തയ്യാറെടുക്കുന്നതും കാണാം.
ഒരു കൊച്ചു കുഞ്ഞിനെപ്പോലെ സന്തോഷത്തോടെ തുള്ളിച്ചാടിക്കൊണ്ടാണ് മുത്തശ്ശി ബഞ്ചി ജംപിങ്ങിനു തയാറെടുത്തത്. 2025 ഒക്ടോബർ 19ന് പങ്കുവച്ച വിഡിയോ വളരെപ്പെട്ടെന്നാണ് സമൂഹമാധ്യമങ്ങളിൽ തരംഗമായത്.
ഭയത്തിന്റെ ഒരു കണികപോലുമില്ലാതെ അവർ ആത്മവിശ്വാസത്തോടെ താഴേക്ക് ചാടുന്ന രംഗം, അവരുടെ ധൈര്യവും തിളക്കമുള്ള പുഞ്ചിരിയും കാരണം എല്ലാവരുടെയും ഹൃദയം കീഴടക്കി. സോഷ്യൽ മീഡിയ ഉപയോക്താക്കൾ പ്രശംസകളാൽ കമന്റ് ബോക്സ് നിറച്ചു. പലരും അവരെ പ്രചോദനമാണെന്ന് വിളിക്കുകയും, ധൈര്യത്തിനും ആവേശത്തിനും പ്രായപരിധിയില്ലെന്ന് തെളിയിച്ചതിന് അഭിനന്ദിക്കുകയും ചെയ്തു.
മുഖം നിറയെ പുഞ്ചിരിയും ആത്മവിശ്വാസവുമായി ബഞ്ചി ജംപിങ്ങിന് തയാറായ ക്യൂട്ട് മുത്തശ്ശിയെ നിറഞ്ഞ മനസ്സോടെ അഭിനന്ദിക്കുകയാണ് വെർച്വൽ ലോകം. പ്രായം വെറും നമ്പറാണെന്നു പറയുന്നത് ഈ മുത്തശ്ശിയുടെ കാര്യത്തിൽ സത്യമാണെന്ന് ഒരാൾ അഭിപ്രായപ്പെട്ടപ്പോൾ, ഈ പ്രായത്തിൽ ഇത്രയും ആത്മവിശ്വാസത്തോടെയും സന്തോഷത്തോടെയും ഒരാൾ ഇത്തരമൊരു സാഹസികതയ്ക്കിറങ്ങിത്തിരിക്കുന്നത് അപൂർവമാണെന്നായിരുന്നു മറ്റു ചിലരുടെ കമന്റ്. ഏതു തലമുറയിൽപ്പെട്ടവർക്കും ഈ മുത്തശ്ശിയെ കണ്ണുമടച്ച് മാതൃകയാക്കാമെന്നാണ് മറ്റൊരാൾ പറഞ്ഞത്. ധൈര്യത്തിന് പ്രായപരിധിയില്ലെന്ന ശക്തമായ സന്ദേശമാണ് ഈ മുത്തശ്ശി നൽകുന്നതെന്നാണ് മറ്റു ചിലർ കുറിച്ചത്.
