ഉത്തർപ്രദേശിലെ ബുദൗൺ ജില്ലയിൽ വിവാഹം കഴിഞ്ഞ് ഒരു മാസം തികയുന്നതിനു മുമ്പ് ഒരു യുവതി കാമുകനൊപ്പം ഒളിച്ചോടി, എന്നാൽ പലരെയും അത്ഭുതപ്പെടുത്തിയത് സംഭവത്തോടുള്ള അവളുടെ ഭർത്താവിന്റെ ശാന്തമായി പ്രതികരണമാണ്. 20 വയസ്സുള്ള യുവതിമെയ് 17 ന് 23 കാരനായ സുനിലിനെ വിവാഹം കഴിച്ചു. ഭർത്താവിന്റെ കുടുംബത്തോടൊപ്പം ഒമ്പത് ദിവസം താമസിച്ച ശേഷം സ്വന്തം വീട്ടിലേക്ക് പോയി. എന്നാൽ തിരികെ വരുന്നതിനുപകരം ശേഷം കാമുകനൊപ്പം ഒളിച്ചോടി.
ഭാര്യയെ കാണാനില്ലെന്ന് സുനിൽ പോലീസിൽ പരാതി നൽകി. തുടർന്ന് യുവതി ലോക്കൽ പോലീസ് സ്റ്റേഷനില് സ്വയം ഹാജരായി ഇരു കുടുംബങ്ങളുടെയും മുന്നിൽ വെച്ച് തന്റെ കാമുകനൊപ്പം ജീവിക്കാൻ ആഗ്രഹിക്കുന്നുവെന്ന് പോലീസിനോട് പറഞ്ഞു. ഇതോടെ പരസ്പര ധാരണയിലെത്താൻ പോലീസ് ഇരു കുടുംബങ്ങളോടും ആവശ്യപ്പെട്ടു.
ആഭരണങ്ങളും വീട്ടുപകരണങ്ങളും ഉൾപ്പെടെ എല്ലാ വിവാഹ സമ്മാനങ്ങളും തിരികെ നൽകി. ആരും നിയമപരമായ പരാതികളൊന്നും നൽകിയില്ല, കാര്യങ്ങള് സമാധാനപരമായി അവിടെ അവസാനിച്ചു. കാര്യങ്ങൾ കൂടുതൽ വഷളാകാതിരുന്നതിൽ തനിക്ക് ആശ്വാസമുണ്ടെന്ന് വരൻ സുനിൽ പറഞ്ഞു.
“ഞങ്ങളുടെ ഹണിമൂണിന് അവളെ നൈനിറ്റാളിലേക്ക് കൊണ്ടുപോകാൻ ഞാൻ പദ്ധതിയിട്ടിരുന്നു. പക്ഷേ അവൾക്ക് മറ്റൊരാളെയാണ് ഇഷ്ടമെങ്കില് എനിക്ക് കുഴപ്പമില്ല. കുറഞ്ഞത് ഞാൻ രാജ രഘുവംശിയെപ്പോലെയാകാതിരുന്നത് എന്റെ ഭാഗ്യമാണ്,” അദ്ദേഹം പറഞ്ഞു.
ഇൻഡോറിൽ നിന്നുള്ള ഞെട്ടിക്കുന്ന കൊലപാതക കേസിനെക്കുറിച്ചാണ് സുനിൽ പരാമർശിച്ചത്, മേഘാലയയിൽ ഹണിമൂണിനിടെ രാജ രഘുവംശി എന്നയാൾ കൊല്ലപ്പെട്ടു. കൊലപാതകം ആസൂത്രണം ചെയ്തതിന് ഭാര്യ സോനം, അവരുടെ കാമുകൻ, മൂന്ന് വാടക കൊലയാളികൾ എന്നിവരെ പിന്നീട് അറസ്റ്റ് ചെയ്തു. ജൂൺ 2 ന് രാജയുടെ മൃതദേഹം ഒരു മലയിടുക്കിൽ നിന്ന് കണ്ടെത്തി.
സുനിലിന്റെ സഹോദരഭാര്യ രാധ പറഞ്ഞു, “അവൾ ഒന്പത് ദിവസം മാത്രമേ ഞങ്ങളോടൊപ്പം താമസിച്ചുള്ളൂ. സ്വന്തം വീട്ടിൽ പോയ ശേഷം അവൾ കാമുകനോടൊപ്പം ഒളിച്ചോടി. ഞങ്ങൾ ഞങ്ങളുടെ സമ്മാനങ്ങൾ തിരികെ ചോദിച്ചു. അത്രമാത്രം. ഇപ്പോൾ കാര്യം അവസാനിച്ചു.”
ബിസൗലി പോലീസ് സ്റ്റേഷന്റെ ചുമതലയുള്ള പോലീസ് ഓഫീസർ ഹരേന്ദ്ര സിംഗ്, ഇരു കുടുംബങ്ങളും കാര്യങ്ങൾ സമാധാനപരമായി പരിഹരിച്ചതായി സ്ഥിരീകരിച്ചു. “കാമുകനോടൊപ്പം താമസിക്കാൻ ആഗ്രഹിക്കുന്നുവെന്ന് യുവതി വ്യക്തമായി പറഞ്ഞു. എല്ലാം തിരികെ നൽകി എഴുതി നൽകി. അവൾ കാമുകനോടൊപ്പം പോയി. വരന്റെ കുടുംബത്തിനും പരാതിയില്ലാത്തതിനാല് കൂടുതൽ നടപടിയൊന്നും ആവശ്യമില്ല,” അദ്ദേഹം പറഞ്ഞു.
രാജ്യത്തെ ഞെട്ടിച്ചതും ബന്ധങ്ങളിലെ വിശ്വാസത്തെയും വഞ്ചനയെയും കുറിച്ച് വലിയ ചോദ്യങ്ങൾ ഉയർത്തിയതുമായ രാജ രഘുവംശി കേസിനുശേഷം, ഈ കഥ വ്യാപകമായി ചർച്ച ചെയ്യപ്പെടുന്നു.
