ഛത്തീസ്ഗഡിലെ ബൽറാംപൂർ ജില്ലയിലെ ഒരു സർക്കാർ സ്കൂൾ ഹെഡ്മാസ്റ്ററെ സ്കൂൾ സമയത്ത് മദ്യപിച്ച് ക്ലാസ് മുറിയിൽ വിദ്യാർത്ഥിനികൾക്കൊപ്പം അനുചിതമായി നൃത്തം ചെയ്യുന്നതിന്റെ വീഡിയോ പുറത്തുവന്നതിനെ തുടർന്ന് സസ്പെൻഡ് ചെയ്തു.
വാദ്രഫ്നഗർ ബ്ലോക്കിന് കീഴിലുള്ള പശുപതിപൂർ പ്രൈമറി സ്കൂളിലാണ് ഹെഡ്മാസ്റ്റർ ലക്ഷ്മി നാരായൺ സിംഗാണ് സസ്പെന്ഡ് ചെയ്യപ്പെട്ടത്. ഒരു സ്റ്റാഫ് അംഗം ചിത്രീകരിച്ച വീഡിയോയിൽ, സിംഗ് തന്റെ ഫോണിൽ സംഗീതം പ്ലേ ചെയ്യുന്നതും ക്ലാസ് മുറിക്കുള്ളിൽ വിദ്യാർത്ഥികളോടൊപ്പം നൃത്തം ചെയ്യുന്നതും സോഷ്യൽ മീഡിയയിൽ പ്രചരിച്ചതിനെത്തുടർന്ന് വ്യാപകമായ പ്രതിഷേധം ഉയർന്നിട്ടുണ്ട്.
വീഡിയോ പ്രചരിച്ചതിനെത്തുടർന്ന്, നിരവധി വിദ്യാർത്ഥികൾ പരാതികളുമായി മുന്നോട്ടുവന്നു, സിംഗ് ഇടയ്ക്കിടെ മദ്യപിച്ച് സ്കൂളിൽ വരാറുണ്ടെന്നും, കാരണമില്ലാതെ തങ്ങളെ ശകാരിക്കാറുണ്ടെന്നും, തങ്ങളുടേതല്ലാത്ത തെറ്റിന് പലപ്പോഴും മർദിക്കാറുണ്ടെന്നും അവര് ആരോപിച്ചു.
വീഡിയോ പുറത്തുവന്നതിനെത്തുടർന്ന് ജില്ലാ വിദ്യാഭ്യാസ ഓഫീസർ ഡിഎൻ മിശ്ര, വിദ്യാർത്ഥികൾ നൽകിയ പരാതികൾ കണക്കിലെടുത്ത് ഉടനടി നടപടി സ്വീകരിച്ചു. വാദ്രഫ്നഗർ ബ്ലോക്ക് വിദ്യാഭ്യാസ ഓഫീസർ മനീഷ് കുമാർ സമർപ്പിച്ച റിപ്പോർട്ടിന്റെ അടിസ്ഥാനത്തിൽ, പ്രധാനാധ്യാപകനെ സസ്പെൻഡ് ചെയ്തു. നിലവിൽ, സസ്പെൻഡ് ചെയ്യപ്പെട്ട പ്രധാനാധ്യാപകനെ ബൽറാംപൂരിലെ ഡിഇഒ ഓഫീസിലേക്ക് അറ്റാച്ച് ചെയ്തിട്ടുണ്ട്.
സംഭവത്തിൽ പ്രാദേശിക എംഎൽഎ ശകുന്തള പോർട്ടെ കടുത്ത അതൃപ്തി പ്രകടിപ്പിക്കുകയും കർശന നടപടി സ്വീകരിക്കാൻ ഉദ്യോഗസ്ഥർക്ക് നിർദ്ദേശം നൽകുകയും ചെയ്തു. ഇത്തരം അധ്യാപകരെ സ്കൂളുകളിൽ തുടരാൻ അനുവദിക്കരുതെന്നും, ഇത്തരം പെരുമാറ്റം വിദ്യാഭ്യാസത്തെ മാത്രമല്ല, കുട്ടികളുടെ സുരക്ഷയെയും ബാധിക്കുമെന്നും അവർ കൂട്ടിച്ചേർത്തു.
