ഭാഗ്യംകൊണ്ട് ക്രിക്കറ്റ് ഇതിഹാസം വെസ്റ്റിന്ഡീസിന്റെ ബ്രയാന്ലാറയുടെ റെക്കോഡ്് അവിടെ തന്നെയുണ്ടാകും. സിംബാബ്വേയ്ക്ക് എതിരേ നടക്കുന്ന രണ്ടാം ടെസ്റ്റിന്റെ രണ്ടാം ദിവസം ദക്ഷിണാഫ്രിക്കന് നായകന് വിയാന് മുള്ഡര് ലാറയുടെ റെക്കോഡിന് 30 റണ്സ് പുറകില് ഇന്നിംഗ്സ് ഡിക്ലയര് ചെയ്തു. പുറത്താകാതെ 367 റണ്സ് നേടി ദക്ഷിണാഫ്രിക്കന് സ്കോര് 625 ന് എത്തിച്ചു.
ഉച്ചഭക്ഷണത്തിന് ഇറങ്ങുമ്പോള് ദക്ഷിണാഫ്രിക്കന് നായകന് 367 റണ്സുമായി പുറത്താകാതെ നിന്നതോടെ ടെസ്റ്റ് ക്രിക്കറ്റിലെ എക്കാലത്തെയും ഉയര്ന്ന വ്യക്തിഗത സ്കോറായ ബ്രയാന് ലാറ ഇംഗ്ലണ്ടിനെതിരെ നേടിയ 400* ന് 33 റണ്സ് അകലെ മുള്ഡര് ഫിനിഷ് ചെയ്തു. 297 പന്തില് നിന്ന് ട്രിപ്പിള് സെഞ്ച്വറി നേടിയ മുള്ഡര്, 2008 ല് ദക്ഷിണാഫ്രിക്കയ്ക്കെതിരെ വീരേന്ദര് സെവാഗ് 278 പന്തില് നിന്ന് ട്രിപ്പിള് സെഞ്ച്വറി നേടിയതിന് ശേഷം ഏറ്റവും വേഗത്തില് ഈ നേട്ടം കൈവരിക്കുന്ന രണ്ടാമത്തെ താരമായി മാറി.
ഹാഷിം അംലയ്ക്ക് ശേഷം ട്രിപ്പിള് സെഞ്ച്വറി നേടുന്ന രണ്ടാമത്തെ ദക്ഷിണാഫ്രിക്കന് താരമായി മുള്ഡര് മാറി. മുന് ബാറ്റ്സ്മാനു വേണ്ടി ട്രിപ്പിള് സെഞ്ച്വറി നേടിയ 311 റണ്സ് മറികടന്ന് ഒരു ദക്ഷിണാഫ്രിക്കന് താരത്തിന്റെ ഏറ്റവും ഉയര്ന്ന വ്യക്തിഗത സ്കോര് എന്ന റെക്കോര്ഡും മുള്ഡര് സ്വന്തമാക്കി. ബ്ലെസ്സിംഗ് മുസാരബാനിയുടെ ഓവര്പിച്ച് പന്ത് കവറിലൂടെ ബൗണ്ടറിയിലേക്ക് പായിച്ചുകൊണ്ട് മുള്ഡര് അംലയുടെ റെക്കോര്ഡ് മറികടന്നു. 1958-ല് വെസ്റ്റ് ഇന്ഡീസിനെതിരെ ഹനീഫ് മുഹമ്മദ് നേടിയ 337 റണ്സ് മറികടന്ന്, ഒരു വിദേശ ടെസ്റ്റിലെ ഏറ്റവും ഉയര്ന്ന വ്യക്തിഗത സ്കോര് എന്ന റെക്കോര്ഡും ദക്ഷിണാഫ്രിക്കന് ഓള്റൗണ്ടര് സ്വന്തമാക്കി.
സനത് ജയസൂര്യ (340), ലെന് ഹട്ടണ് (364), സര് ഗാരി സോബേഴ്സ് (365) എന്നിവരെ മറികടന്ന് ടെസ്റ്റിലെ ഏറ്റവും മികച്ച സ്കോറുകളില് അഞ്ചാം സ്ഥാനത്താണ് അദ്ദേഹം. ലാറയുടെ 400 ന് പുറമേ, മാത്യു ഹെയ്ഡന്റെ 380, ബ്രയാന് ലാറയുടെ 375, മഹേല ജയവര്ധനയുടെ 374 എന്നിവ മുള്ഡറുടെ 367 ന് മുന്നിലുള്ള മറ്റ് മൂന്ന് സ്കോറുകളാണ്.
