ആഗോള കാന്സര് ചികില്സാ രംഗത്ത് അദ്ഭുതങ്ങള് സൃഷ്ടിക്കാന് റഷ്യയുടെ കാന്സര് വാക്സിന് ഒരുങ്ങുന്നു. എന്ററോമിക്സ് കാന്സര് വാക്സിന് പരീക്ഷണം വിജയമെന്നു റഷ്യ. തങ്ങളുടെ പുതിയ കാന്സര് വാക്സിന്, എന്ററോമിക്സ്, പ്രാരംഭ മനുഷ്യ പരീക്ഷണങ്ങളില് 100% ഫലപ്രാപ്തിയും സുരക്ഷയും കാണിച്ചതായി റഷ്യ പ്രഖ്യാപിച്ചു.
വാക്സിനെടുത്ത രോഗികളില് രോഗികള്ക്ക് ട്യൂമര് ചെറുതായതായി റഷ്യ അറിയിച്ചു. ഗുരുതരമായ പാര്ശ്വഫലങ്ങളൊന്നും കണ്ടെത്തിയിട്ടില്ല. കോവിഡ് 19 വാക്സിനുകളിലെന്നപോലെ എംആര്എന്എ സാങ്കേതികവിദ്യ ഉപയോഗിച്ചാണ് എന്ററോമിക്സ് വികസിപ്പിച്ചെടുത്തത്.
കാന്സര് കോശങ്ങളെ തിരിച്ചറിയാനും നീക്കം ചെയ്യാനും രോഗപ്രതിരോധ സംവിധാനത്തെ പരിശീലിപ്പിക്കുക എന്നതാണ് ഇതിന്റെ ലക്ഷ്യം.
കീമോതെറാപ്പി പോലുള്ള പരമ്പരാഗത ചികിത്സകളേക്കാള് സുരക്ഷിതമായ ബദലാണു എന്ററോമിക്സ് കാന്സര് വാക്സിനെന്നാണ് അവകാശവാദം. ഓരോ രോഗിയുടെയും ട്യൂമര് പ്രൊഫൈലിനെ അടിസ്ഥാനമാക്കിയുള്ള കസ്റ്റം ഇമ്മ്യൂണോതെറാപ്പിയാണിത്. റഷ്യയുടെ നാഷണല് മെഡിക്കല് റിസര്ച്ച് റേഡിയോളജിക്കല് സെന്ററും എംഗല്ഹാര്ഡ് ഇന്സ്റ്റിറ്റ്യൂട്ട് ഓഫ് മോളിക്യുലാര് ബയോളജിയും ചേര്ന്നാണ് 48 വോളണ്ടിയര്മാരില് പരീക്ഷണം നടത്തിയത്.
കൊളോറെക്ടൽ കാൻസറിനെ ചികിത്സിക്കാൻ വാക്സിനിന്റെ ആദ്യ രൂപം ഉപയോഗിക്കുമെന്നും ഗ്ലിയോബ്ലാസ്റ്റോമ, മെലനോമ, സ്കിന് കാന്സര് എന്നിവയ്ക്കുള്ള പതിപ്പുകള് വികസിപ്പിച്ചുകൊണ്ടിരിക്കുകയാണെന്നും അവർ കൂട്ടിച്ചേർത്തു. ഡിജിറ്റൽ വാർത്താ സേവനമായ സ്പുട്നികാണ് റിപ്പോര്ട്ടുകള് പുറത്തുവിട്ടത്.
തങ്ങളുടെ കണ്ടെത്തല് ഓങ്കോളജിയില് സമൂലമായ മാറ്റം വരുത്താന് കഴിയുന്ന ഒന്നായി റഷ്യ പറയുന്നു, റഷ്യയുടെ ആരോഗ്യ മന്ത്രാലയത്തിന്റെ അംഗീകാരം വൈകാതെ വാക്സിനു ലഭിക്കും. തുടര് പരീക്ഷണങ്ങളിലൂടെ ഈ ഫലങ്ങള് സ്ഥിരീകരിക്കപ്പെട്ടാല്, വ്യക്തികളില് ഫലപ്രദമായ, പാര്ശ്വഫലങ്ങള് കുറഞ്ഞ കാന്സര് ചികിത്സയുടെ ഒരു പുതിയ കാലഘട്ടത്തിലേക്ക് എന്ററോമിക്സ് വഴിതുറക്കും.
റഷ്യയുടെ നാഷണല് മെഡിക്കല് റിസര്ച്ച് റേഡിയോളജിക്കല് സെന്ററും എംഗല്ഹാര്ഡ് ഇന്സ്റ്റിറ്റ്യൂട്ട് ഓഫ് മോളിക്യുലാര് ബയോളജിയും ചേര്ന്ന വര്ഷങ്ങളോളം നീണ്ട സംയുക്ത ഗവേഷണത്തിന്റെ ഫലമാണ് എന്ററോമിക്സ്. ഓരോ ഡോസും വ്യക്തിയുടെ ട്യൂമര് ജനിതകശാസ്ത്രത്തെ അടിസ്ഥാനമാക്കിയാണ് നല്കുന്നത്.
മറ്റ് കാന്സര് വാക്സിനുകളില്നിന്നുള്ള വ്യത്യാസം
പരമ്പരാഗത കാന്സര് വാക്സിനുകളില്നിന്ന് വ്യത്യസ്തമായി, പൂര്ണമായും വ്യക്തിഗതമാക്കിയ രൂപകല്പ്പനയാണു റഷ്യന് വാക്സിനെ വ്യത്യസ്തമാക്കുന്നത്. ഓരോ വാക്സിനും വ്യക്തിയുടെ ട്യൂമറിന്റെ ജനിതകഘടനയെ അടിസ്ഥാനമാക്കിയാണ് നിര്മിക്കുന്നത് . കഠിനമായ ചികിത്സകളില്നിന്ന് സുരക്ഷിതവും വ്യക്തിഗതമാക്കിയതുമായ ഇമ്മ്യൂണോതെറാപ്പികളിലേക്കുള്ള ഒരു മാറ്റം പാര്ശ്വഫലങ്ങള് കുറയ്ക്കുകയും ഫലങ്ങള് മെച്ചപ്പെടുത്തുകയും ചെയ്യും.
