2025 സെപ്തംബർ 13-ന് ന്യൂസ്18-ൽ നടന്ന ഒരു ചർച്ചയ്ക്കിടെ ബിജെപി വക്താവ് ഗൗരവ് ഭാട്ടിയ പാന്റില്ലാതെ ടെലിവിഷൻ ചർച്ചയിൽ പങ്കെടുത്തതിൻ്റെ വീഡിയോ സമൂഹമാധ്യമങ്ങളിൽ വൈറലാവുകയാണ്. ദേശീയ ടെലിവിഷനിൽ പാന്റില്ലാതെ പ്രത്യക്ഷപ്പെട്ടതിൻ്റെ പേരിൽ പ്രതിപക്ഷ പാർട്ടികൾ ഉൾപ്പെടെയുള്ള ഇൻ്റർനെറ്റ് ഉപയോക്താക്കൾ അദ്ദേഹത്തെ പരിഹസിക്കുന്നു . ന്യൂസ്18-ൽ നടന്ന ഒരു ചർച്ചയ്ക്കിടെയാണ് സംഭവം.
വെള്ളിയാഴ്ച (സെപ്റ്റംബർ 12) അമിഷ് ദേവ്ഗൻ അവതരിപ്പിച്ച ‘ആർ പാർ’ എന്ന ടെലിവിഷൻ ഷോയിലാണ് സംഭവം . ഷോയിലെ അതിഥികളെ പരിചയപ്പെടുത്തുമ്പോൾ ഗൗരവ് ഭാട്ടിയ പിങ്ക് കുർത്ത മാത്രം ധരിച്ചാണ് പ്രത്യക്ഷപ്പെട്ടത്. പാനലിൻ്റെ ഭാഗമായിരുന്ന ഗൗരവ് ഭാട്ടിയ പാന്റില്ലാതെ കുർത്ത മാത്രം ധരിച്ചാണ് ടെലിവിഷൻ ഷോയിൽ പങ്കെടുത്തത്. അദ്ദേഹം കുർത്ത നേരെയാക്കാൻ ശ്രമിക്കുന്നതായി വീഡിയോയിൽ കാണാം. ഈ ദൃശ്യം ക്യാമറയിൽ പതിഞ്ഞു, വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നു.
സമാജ്വാദി പാർട്ടിയുടെ ഐടി സെല്ലും ഗൗരവ് ഭാട്ടിയയെ വിമർശിച്ചുകൊണ്ട് ഈ വീഡിയോ സമൂഹമാധ്യമങ്ങളിൽ പങ്കുവെച്ചു. “ടിവി ചർച്ചയിൽ പാന്റില്ലാതെ ഇരിക്കുന്ന ലജ്ജയില്ലാത്ത, ബിജെപിക്കാരനായ ഗൗരവ് ഭാട്ടിയയെ നോക്കൂ. അയാൾക്ക് നാണമില്ലേ? അതോ ഏതെങ്കിലും അയൽക്കാരൻ്റെ പൈപ്പിൽ നിന്ന് വെള്ളം എടുക്കുകയായിരുന്നോ?
എല്ലാവർക്കും കാണാൻ കഴിയുന്ന ഗൗരവ് ഭാട്ടിയയുടെ ഈ കാഴ്ചയാണ് യഥാർത്ഥ ബിജെപി സ്വഭാവം. ഈ ലജ്ജയില്ലാത്തവർ ദിവസം മുഴുവൻ മറ്റുള്ളവരെക്കുറിച്ച് അസംബന്ധം പറയുന്നു, എന്നാൽ അവരുടെ സ്വന്തം സ്വഭാവവും പെരുമാറ്റവും എല്ലാവർക്കും കാണാൻ കഴിയുന്നതാണ്.” വീഡിയോ പങ്കുവെച്ചുകൊണ്ട് സമാജ്വാദി പാർട്ടി ഐടി സെൽ പറഞ്ഞു,
ടെലിവിഷൻ ഷോയുടെ മുഴുവൻ എപ്പിസോഡും അവരുടെ ഔദ്യോഗിക യൂട്യൂബ് അക്കൗണ്ടിൽ ഇപ്പോഴും ലഭ്യമാണ്. ഈ അബദ്ധം 6.20 മിനിറ്റ് വീഡിയോയിൽ കാണാം. ഗൗരവ് ഭാട്ടിയ വീട്ടിൽ നിന്നാണ് ചർച്ചയിൽ പങ്കെടുത്തതെന്നാണ് കരുതുന്നത്. പാന്റില്ലാതെ നഗ്നമായ കാലുകൾ കുർത്തകൊണ്ട് മറയ്ക്കാൻ അദ്ദേഹം ശ്രമിക്കുന്നുണ്ടെങ്കിലും അപ്പോഴേക്കും സംഭവം ക്യാമറയിൽ പതിഞ്ഞുകഴിഞ്ഞിരുന്നു.
ഗൗരവ് ഭാട്ടിയക്കെതിരെ അശ്ലീലം പ്രചരിപ്പിച്ചതിന് നിയമനടപടി ആവശ്യപ്പെട്ട് ഒരു വനിതാ അഭിഭാഷക രംഗത്തെത്തി. “ബിജെപി വക്താവ് ഗൗരവ് ഭാട്ടിയ പാന്റില്ലാതെ വീഡിയോ കോളിലൂടെ ടിവി ചർച്ചയിൽ പങ്കെടുക്കുന്ന വീഡിയോ വൈറലായിരിക്കുകയാണ്. അയാൾ ക്യാമറ ഫ്രെയിം പരിശോധിച്ചില്ല. ഇത് തീർത്തും അശ്ലീലമാണ്. എത്ര ലജ്ജയില്ലാത്ത മനുഷ്യൻ. പൊതുസ്ഥലത്ത് അശ്ലീലം കാണിച്ചതിന് ഇയാൾക്കെതിരെ കേസെടുക്കണം.” അവർ പറഞ്ഞു
വിവാദവുമായി ബന്ധപ്പെട്ട് ഗൗരവ് ഭാട്ടിയ ഇതുവരെ ഒരു പ്രസ്താവനയും പുറത്തിറക്കിയിട്ടില്ല. എന്നാൽ വീഡിയോ ഇൻ്റർനെറ്റിൽ വൈറലായതിന് ശേഷം സമൂഹമാധ്യമങ്ങളിൽ അദ്ദേഹത്തെ വ്യാപകമായി പരിഹസിക്കുന്നുണ്ട്.
