രജനീകാന്ത്, ചിരഞ്ജീവി, മോഹന്ലാല് പോലെയുള്ള തെന്നിന്ത്യയിലെ മുന്നിര താരങ്ങള്ക്കൊപ്പം നായികയും പ്രതിനായികയും ക്യാരക്ടര് വേഷവും എന്തിനും അനുയോജ്യയായ നടിയായി ഇപ്പോഴും രമ്യാകൃഷ്ണന് തിരക്കില് തന്നെയാണ്. തെലുങ്കില് നാഗാര്ജുന അക്കിനേനി, എന്.ടി. രാമറാവു ജൂനിയര് തുടങ്ങിയ താരങ്ങളുമായും സ്ക്രീന് പങ്കിട്ട അവര് ഇപ്പോള് അമ്മവേഷത്തിലാണ് തിളങ്ങുന്നത്.
എന്നാല് സൂപ്പര്താരം മഹേഷ് ബാബുവിനൊപ്പം രണ്ട് തെലുങ്ക് ചിത്രങ്ങളില് അഭിനയിച്ചപ്പോള് അവരുടെ കരിയറില് ഒരു സവിശേഷമായ മാറ്റം സംഭവിച്ചു. ഒരേ സമയത്ത് താരത്തിന്റെ നായികയും അമ്മയായും അഭിനയിച്ചയാള് എന്ന നേട്ടം. 2004-ല് എസ്.ജെ. സൂര്യ സംവിധാനം ചെയ്ത ‘നാനി’യില് മഹേഷ് ബാബുവിനൊപ്പം രമ്യ അഭിനയിച്ചു. ‘മാര്ക്കണ്ഡേയ’ എന്ന പ്രത്യേക ഗാനത്തില് ഗ്ലാമറസായി അഭിനയിച്ചു. നാനി ബോക്സ് ഓഫീസില് മികച്ച പ്രകടനം കാഴ്ചവച്ചില്ലെങ്കിലും, ഗാനം യൂട്യൂബില് ജനപ്രീതി നേടി.
മഹേഷിനൊപ്പം അന്ന് റൊമാന്റിക്, ബോള്ഡ് വേഷം അവതരിപ്പിച്ച നടി, ‘നാനി’ റിലീസ് ചെയ്ത് 20 വര്ഷങ്ങള്ക്ക് ശേഷം അദ്ദേഹത്തിന്റെ അമ്മയായും വേഷമിട്ടു. ത്രിവിക്രം ശ്രീനിവാസ് സംവിധാനം ചെയ്ത ‘ഗുണ്ടൂര് കരം’ (2024) എന്ന ചിത്രത്തില് മഹേഷിന്റെ അമ്മയായി വളരെ വൈകാരികമായ ഒരു വേഷമാണ് അവര് അവതരിപ്പിച്ചത്. സംക്രാന്തി സീസണില് പുറത്തിറങ്ങിയ ചിത്രം ബോക്സ് ഓഫീസില് മികച്ച പ്രകടനം കാഴ്ചവയ്ക്കുന്നതില് പരാജയപ്പെട്ടു. ശ്രീലീലയും മീനാക്ഷി ചൗധരിയുമായിരുന്നു നായികമാര്.
രമ്യാകൃഷ്ണന് അടുത്തിടെ പ്രഭാസ്, റാണ ദഗ്ഗുബതി, എസ്.എസ്. രാജമൗലി എന്നിവര്ക്കൊപ്പം ബ്ലോക്ക്ബസ്റ്റര് ഹിറ്റ് ബാഹുബലിയുടെ 10 വര്ഷം ആഘോഷിച്ചു. രജനീകാന്തിനൊപ്പം ‘ജയിലര്’ എന്ന ചിത്രത്തിലാണ് അവര് അവസാനമായി അഭിനയിച്ചത്, ഇപ്പോള് നെല്സണ് ദിലീപ്കുമാറിന്റെ സംവിധാന സംരംഭത്തിന്റെ രണ്ടാം ഭാഗത്തിന്റെ ഷൂട്ടിംഗ് തിരക്കിലാണ്. മഹേഷ് ബാബു ഇപ്പോള് എസ്.എസ്. രാജമൗലിയുടെ സംവിധാനത്തില് തന്റെ അടുത്ത പ്രോജക്റ്റ് ‘എസ്.എസ്.എം.ബി29’ ന്റെ പണിപ്പുരയിലാണ്.
