‘കാശു തന്നില്ലെങ്കില്‍ അത് അമ്മയെ കേള്‍പ്പിക്കും’; അച്ഛനെ ‘പറ്റിച്ച്’ പണം തട്ടിയെടുത്ത് മകൾ, വീഡിയോ കണ്ട് പൊട്ടിച്ചിരിച്ച് സോഷ്യൽ മീഡിയ

കുട്ടികൾ മാതാപിതാക്കളോട് വളരെ സ്നേഹമുള്ളവരും അവരുടെ ചൂടുപറ്റി വളരുന്നവരും അതിലുപരിയായി അവരെ ബഹുമാനിക്കുന്നവരുമാണ്. എന്നാൽ ചില സമയങ്ങളിൽ, കുട്ടികൾ കുസൃതികൾ കാണിച്ച് മാതാപിതാക്കളുടെ മനസമാധാനം നഷ്ടപ്പെടുത്താറുമുണ്ട്. ഇതിനുദാഹരണമാണ് കഴിഞ്ഞ ദിവസം വൈറലായ ഒരു വീഡിയോ. മിടുക്കിയായ മകൾ തൻ്റെ മിടുക്കനായ അച്ഛനെ കബളിപ്പിച്ച് പണം തട്ടുന്നതിന്റെ രസകരമായ ദൃശ്യങ്ങളാണിത്.

അതീവ ബുദ്ധശാലിയായ ഒരു മകൾ പിതാവിൽ നിന്ന് പണം തട്ടുന്നത് എങ്ങനെയെന്നാണ് വീഡിയോ കാണിക്കുന്നത്. ഏതായാലും വേറെ വഴിയില്ലാതെ വന്നതോടെ അച്ഛൻ അവൾക്ക് പണം നൽകുകയാണ്.

വീഡിയോയുടെ തുടക്കത്തിൽ ഒരു മകൾ അച്ഛന്റെ അടുക്കൽ ചെന്നിരിക്കുന്നതാണ് കാണുന്നത്. തുടർന്ന് “നിൻ്റെ അമ്മ ഒരു വായാടിയാണ്” എന്ന ഒരു വാചകം അവൾ അച്ഛനെ വായിക്കാൻ പ്രേരിപ്പിക്കുന്നു. അച്ഛൻ ഈ വാചകം വായിക്കുമ്പോൾ, മകൾ മൊബൈലിൽ അച്ഛന്റെ ശബ്ദം റെക്കോർഡുചെയ്യുകയും 500 രൂപ നൽകാൻ വിസമ്മതിച്ചാൽ ഈ വാചകം അമ്മയെ കേൾപ്പിക്കുമെന്നും അവൾ അച്ഛനോട് പറയുന്നു.

View this post on Instagram

Shared post on Time