ശരീരഭാരം കുറയ്ക്കുക എന്നത് വെറുമൊരു ശാരീരിക മാറ്റം മാത്രമല്ല, അത് മികച്ചൊരു ജീവിതശൈലിയിലേക്കുള്ള ചുവടുവെപ്പാണ്. ഇന്നത്തെ തിരക്കേറിയ ജീവിതത്തിനിടയില് തെറ്റായ ഭക്ഷണരീതികളും വ്യായാമമില്ലായ്മയും പലരിലും അമിതഭാരത്തിന് കാരണമാകുന്നു. 30 മുതല് 60 ദിവസത്തിനുള്ളില് 10 കിലോ ഭാരം കുറയ്ക്കാന് സഹായിക്കുന്ന 5 പ്രധാന കാര്യങ്ങള് പ്രമുഖ പോഷകാഹാര വിദഗ്ദ്ധയായ അമക (Shred with Amaka) ഇന്സ്റ്റഗ്രാമിലൂടെ പങ്കുവെച്ച നിര്ദ്ദേശങ്ങള് ഇവയാണ്…..
30-60 ദിവസത്തിനുള്ളില് ഭാരം കുറയ്ക്കാനുള്ള 5 വഴികള് ഏതൊക്കെയെന്ന് നോക്കാം…..
1. ദിവസവും പ്രോട്ടീന് അടങ്ങിയ ഭക്ഷണം കഴിക്കുക – ദിവസവും കുറഞ്ഞത് ഒരു നേരമെങ്കിലും പ്രോട്ടീന് ധാരാളമായി അടങ്ങിയ ഭക്ഷണം കഴിക്കാന് അമക ശുപാര്ശ ചെയ്യുന്നു. ഇത് വിശപ്പ് കുറയ്ക്കാനും ഉപാപചയ പ്രവര്ത്തനം (metabolism) വര്ദ്ധിപ്പിക്കാനും സഹായിക്കും.
ഉദാഹരണത്തിന്: ഗ്രില് ചെയ്ത ചിക്കന്, പുഴുങ്ങിയ മുട്ട, പച്ചക്കറികള്, ഗ്രീക്ക് യോഗര്ട്ട്, ചിയ വിത്തുകള് തുടങ്ങിയവ ഉള്പ്പെടുത്താം.
2. ദിവസവും 10,000 ചുവടുകള് നടക്കുക – ദിവസേന 10,000 ചുവടുകള് നടക്കുന്നത് കലോറി എരിച്ചുകളയാന് സഹായിക്കും. ഇത് ആഴ്ചതോറും വയറിലെ കൊഴുപ്പ് കുറയ്ക്കാന് ഫലപ്രദമാണ്. ഇതിനോടൊപ്പം ഭാരമെടുത്തുള്ള വ്യായാമങ്ങള് (weight training) കൂടി ചെയ്യുന്നത് കൊഴുപ്പ് വേഗത്തില് ഉരുകാന് സഹായിക്കും.
3. നാരങ്ങ-ഇഞ്ചി വെള്ളം കുടിക്കുക – എല്ലാ ദിവസവും രാവിലെ ചെറുചൂടുള്ള നാരങ്ങ-ഇഞ്ചി വെള്ളം കുടിക്കുന്നത് ദഹനം മെച്ചപ്പെടുത്താനും വയറിലെ വീക്കം (bloating) കുറയ്ക്കാനും സഹായിക്കും. ഇത് കരളിനെ ഉത്തേജിപ്പിക്കുകയും കൊഴുപ്പ് കുറയ്ക്കാനുള്ള വഴി തുറക്കുകയും ചെയ്യുന്നു.
4. നേരത്തെയുള്ള അത്താഴം – രാത്രി 7 മണിക്ക് ശേഷം ഭക്ഷണം കഴിക്കുന്നത് ഒഴിവാക്കുക. അത്താഴം വളരെ ലഘുവായിരിക്കണം. ഇത് ഹോര്മോണുകളുടെ സന്തുലിതാവസ്ഥ നിലനിര്ത്താനും രാത്രിയിലെ അനാവശ്യ വിശപ്പ് ഒഴിവാക്കാനും സഹായിക്കും. നിങ്ങള് ഉറങ്ങുമ്പോള് ശരീരം കൊഴുപ്പ് എരിച്ചുകളയാന് ഇത് സഹായിക്കുന്നു.
5. ആഴ്ചയില് ഒന്നോ രണ്ടോ ദിവസം ഡിറ്റക്സിഫിക്കേഷന് (Detoxify) – ആഴ്ചയില് ഒന്നോ രണ്ടോ ദിവസം ശരീരത്തിലെ വിഷാംശങ്ങള് നീക്കം ചെയ്യുന്ന ഭക്ഷണരീതി പിന്തുടരുക.
*രാവിലെ പഴങ്ങള് മാത്രം കഴിക്കുക.
*ഉച്ചയ്ക്ക് പ്രോട്ടീന് അടങ്ങിയ സാലഡ്.
*രാത്രിയില് ഗ്രീന് സ്മൂത്തികള്.
ഇത് കലോറി കുറയ്ക്കാനും വിശപ്പ് അനുഭവപ്പെടാതെ തന്നെ ഭാരം കുറയ്ക്കാനും സഹായിക്കുന്നു.
