ബോളിവുഡിന് ഏറെയിഷ്ടമുള്ള താരമാണ് സംവിധായകനും അവതാരകനുമായ കരണ്‍ ജോഹര്‍. പ്രണയസിനിമകളുടെ കാല്പനിക നിര്‍മ്മാതാവായ യാഷ് ജോഹറിന്റെ മകനായ കരണ്‍ അഭിനയത്തിലൂടെയാണ് ആദ്യം വെള്ളിത്തിരയിലെത്തുന്നത്. ബോളിവുഡിന്റെ കിംഗ് ഖാന്‍ ഷാരൂഖ് ഖാന്റെ സുഹൃത്തായി ‘ദില്‍വാലെ ദുല്‍ഹാനിയ ലേ ജായേഗേ’ എന്ന ചിത്രത്തിലൂടെയാണ് കരണ്‍ സിനിമയിലെത്തുന്നത്. പിന്നീട് ഒന്നു രണ്ട് സിനിമകളില്‍ തെളിഞ്ഞെങ്കിലും തന്റെ മേഖല സംവിധാനമാണെന്ന് തിരിച്ചറിഞ്ഞ താരം അവിടെ തന്റെ സ്ഥാനം നേടിയെടുത്തു. അതോടെ കരണ്‍ തന്റെ മേഖലകളില്‍ തിളങ്ങാന്‍ തുടങ്ങി. ഇപ്പോള്‍ ഷാരൂഖ് ഖാനും കരൺ ജോഹറും അവരുടെ ക്രാഫ്റ്റിൽ മാസ്റ്റേഴ്സ് ആണ്. ഏകദേശം 30 വർഷമായി നീണ്ടുനിൽക്കുന്ന അവരുടെ സൗഹൃദബന്ധത്തിന് ആമുഖം ആവശ്യമില്ല. മൈ നെയിം ഈസ് ഖാൻ, കുച്ച് കുച്ച് ഹോതാ ഹേ എന്നിവയുൾപ്പെടെയുള്ള വിജയകരവും ഐതിഹാസികവുമായ നിരവധി പ്രോജക്ടുകളിൽ ഇരുവരും സഹകരിച്ചിട്ടുണ്ട്.
ആദ്യമായി ഷാരൂഖിനെ കാണുന്നത് 1993-ൽ കരൺ അർജുന്റെ സെറ്റിൽവെച്ച് തന്റെ പിതാവിനൊപ്പം അവിടെ എത്തിയപ്പോഴാണെന്ന് കരണ്‍ പറഞ്ഞിട്ടുണ്ട്. അതിനു മുമ്പ് പരസ്പരം അറിയാതെ ഇന്ദ്രധനുഷ് എന്ന ഷോയില്‍ അഭിനയിക്കാന്‍ ആനന്ദ് മഹേന്ദ്രുവിന്റെ ഓഫീസില്‍ ഇരിക്കുമ്പോള്‍ താനും ഷാരൂഖും കണ്ടിരുന്നു എന്നും കരണ്‍ പറഞ്ഞിട്ടുണ്ട്. രണ്ടു മൂന്നു മണിക്കൂറുകള്‍ അവിടെ ഇരുന്നപ്പോള്‍ പരസ്പരം നോക്കിയെന്നും ഒന്നും മിണ്ടിയില്ലെന്നും പിന്നീട് ആനന്ദ് ജിയോട് അതാരാണെന്ന് ചോദിച്ചോള്‍ ഷാരൂഖ് ഖാൻ ആണെന്നും ഫൗജി എന്ന സീരിയില്‍ ചെയ്തിട്ടുണെന്നും പറഞ്ഞെന്ന് മുന്‍പ് പലപ്പോഴും കരണ്‍ പങ്കുവച്ചിട്ടുണ്ട്.
ഇപ്പോഴിതാ കുച്ച് കുച്ച് ഹോത്താ ഹേയുടെ സില്‍വര്‍ ജൂബിലി ആഘോഷവേളയില്‍ കരണിനെക്കുറിച്ച് ഷാരൂഖ് പറയുന്ന വാക്കുകളാണ് സോഷ്യല്‍ മീഡിയ ഏറ്റെടുക്കുന്നത്. ‘‘എല്ലാവരും ചിന്തിക്കുന്നത് ഞാനും കരണും സുഹൃത്തുക്കളാണ് എന്നാണ്. പക്ഷേ സത്യത്തില്‍ കരണ്‍ എന്റെ സുഹൃത്തായ യാഷ് ജോഹറിന്റെ മകനാണ്. കരണ്‍ സംവിധാനത്തില്‍ എത്തും മുമ്പ് ഒരുപാട് നല്ല സിനിമകളില്‍ ഞാന്‍ അദ്ദേഹത്തിനൊപ്പം വര്‍ക്ക് ചെയ്തിട്ടുണ്ട്. അദ്ദേഹം നിര്‍മ്മിച്ച അഗ്നിപഥ് എന്ന സിനിമയൊക്കെ എന്റെ പേഴ്സണല്‍ ഫേവറൈറ്റാണ്. പിന്നീട് ഒരുപാട് വിവാദങ്ങളുമായി കരണത് വീണ്ടും നിര്‍മ്മിച്ചിരുന്നു….സത്യത്തില്‍ കരണ്‍ ഒരു സുഹൃത്ത് എന്നതിലുപരി കരുതലുള്ള ഒരു അങ്കിളാണ്…’’ ഷാരൂഖ് പറയുന്നു. ഇൻഡസ്‌ട്രിയിൽ 25 വർഷം പൂർത്തിയാക്കിയ ചലച്ചിത്ര നിർമ്മാതാവ് തന്റെ കാലാതീതമായ ക്ലാസിക് ‘കുച്ച് കുച്ച് ഹോതാ ഹേ’യുടെ രജത ജൂബിലിയും ആഘോഷിച്ചപ്പോള്‍ ആ മനോഹരമായ നാഴികക്കല്ല് ആഘോഷിക്കാൻ കരൺ, റാണി, എസ്ആർകെ എന്നിവർ മുംബൈയിൽ ചിത്രത്തിന്റെ പ്രത്യേക പ്രദർശനത്തിനായി വീണ്ടും ഒന്നിച്ച് എത്തിയിരുന്നു.
2023 കരൺ ജോഹറിന് ഒരു ആഘോഷ വർഷമാണ്. ഷാരൂഖ് ഖാൻ, റാണി മുഖർജി, കജോൾ എന്നിവരാണ് ഈ ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചത്. 1998 ഒക്‌ടോബർ 16-ന് റിലീസ് ചെയ്‌ത ഈ ചിത്രം, ഹൃദയസ്പർശിയായ കഥപറച്ചിൽ, അടിപൊളി സംഗീതം, മികച്ച പ്രകടനങ്ങൾ എന്നിവയിലൂടെ പ്രേക്ഷകരെ ആകർഷിക്കുന്ന ഒരു തൽക്ഷണ ബ്ലോക്ക്ബസ്റ്റർ ആയിരുന്നു. ഇന്ത്യൻ സിനിമയിൽ മായാത്ത മുദ്ര പതിപ്പിച്ച് സൗഹൃദത്തിന്റെയും പ്രണയത്തിന്റെയും രണ്ടാം അവസരങ്ങളുടെയും മനോഹരമായ ഒരു കഥ ഈ സിനിമ നെയ്തു.
25 വർഷങ്ങൾക്ക് ശേഷമുള്ള ചിത്രമെന്ന നിലയിൽ, കരൺ ജോഹറും റാണി മുഖർജിയും ഷാരൂഖ് ഖാനും ചിത്രത്തിന്റെ പ്രത്യേക പ്രദർശനത്തിനായി എത്തി. പ്രത്യേക സ്‌ക്രീനിങ്ങില്‍ പങ്കെടുക്കാന്‍ കറുത്ത ബോർഡറുള്ള വെളുത്ത സാരിയുടുത്ത് റാണിയും ബ്ലാക്ക് ഫോര്‍മല്‍ സ്യൂട്ടില്‍ ഷാരൂഖും ബ്ലാക്ക് ഫോര്‍മലില്‍ കരണും എത്തിയിരുന്നു. പരിപാടിയുടെ ചിത്രങ്ങളും വീഡിയോകളും സോഷ്യൽ മീഡിയയിലൂടെ ആരാധകര്‍ ഏറ്റെടുത്തിരുന്നു. ഷാരൂഖ് ഖാൻ, കജോൾ, റാണി മുഖർജി എന്നിവർ ഒക്‌ടോബർ 15 ന് വീണ്ടും ബിഗ് സ്‌ക്രീനുകളിൽ എത്തും. ‘കുച്ച് കുച്ച് ഹോതാ ഹേ’ 25 വർഷം തികയുന്ന വേളയിലാണത്. ധർമ്മ പ്രൊഡക്ഷൻസിന്റെ സോഷ്യൽ മീഡിയ ഹാൻഡിൽ ചിത്രത്തിന്റെ ടിക്കറ്റുകൾ മുംബൈയിലെ പിവിആര്‍ INOX തിയേറ്റർ വിൽക്കുന്നുണ്ട്. ഈ ടിക്കറ്റുകളുടെ വില വെറും 25 രൂപയാണ്. മുംബൈയിലെ മൂന്ന് സ്‌ക്രീനുകളിലാണ് ‘കുച്ച് കുച്ച് ഹോതാ ഹേ’ പ്രദർശിപ്പിക്കുക.കുമാറിന്റെ അയാളിലും രാജ്കുമാർ പെരിയസാമിയുടെ എസ്കെ 21 എന്ന ചിത്രത്തിലും അഭിനയിക്കും. സായി പല്ലവിയാണ് എസ്കെ 21 ല്‍ നായിക.
https://www.instagram.com/reel/Cybmg_AyvjG/?utm_source=ig_web_copy_link
