ദുരൂഹ സാഹചര്യത്തില് റോഡരികില് യുവതിയുടെ മൃതദേഹം കണ്ടെത്തിയ സംഭവത്തില് സബ് ഇന്സ്പെക്ടര് അറസ്റ്റില്. പ്രണയത്തിലായിരുന്ന ഇരുവരും തമ്മിലുണ്ടായ തര്ക്കത്തിനൊടുവിലാണ് കൊലപാതകം. മൊഹോബ ജില്ലയില് നിന്നുള്ള കിരണ് സിങാണ് (30) കൊല്ലപ്പെട്ടത്. കേസില് പ്രതിയായ സബ് ഇന്സ്പെക്ടര് അങ്കിത് യാദവിനെ പൊലീസ് അറസ്റ്റ് ചെയ്തു. ഉത്തര് പ്രദേശിലെ ഹമ്രിപൂരിലാണ് സംവം. റോഡരികിലെ കുറ്റിക്കാട്ടിൽ ഉപേക്ഷിച്ച നിലയിലായിരുന്ന മൃതദേഹം വഴിയാത്രക്കാരാണ് കണ്ടെത്തിയത്. ആ സമയം തെരുവ് നായ്ക്കൾ മൃതദേഹത്തിന്റെ അവശിഷ്ടങ്ങൾ കടിച്ചു കീറുകയായിരുന്നു.
മഹോബയിലെ കബ്രായിൽ താമസിക്കുന്ന കിരൺ സിംഗ് സി.ആർ.പി.എഫ് ജവാനായ വിനോദ് സിംഗിന്റെ ഭാര്യയാണ്. ഇവർക്ക് കുട്ടികളില്ല. വിവാഹം കഴിഞ്ഞ് ഒരു വർഷത്തിന് ശേഷം വിനോദ് 2 ലക്ഷം രൂപയും ഒരു ബ്രെസ്സ കാറും സ്ത്രീധനമായി ആവശ്യപ്പെട്ട് തുടങ്ങിയെന്ന് കിരണിന്റെ പിതാവ് ആരോപിച്ചു.
സ്ത്രീധനം നൽകാൻ വിസമ്മതിച്ചതിനെ തുടർന്ന് വിനോദും ബന്ധുക്കളും കിരണിനെ മർദിക്കുകയും വിഷം കഴിപ്പിക്കാൻ ശ്രമിക്കുകയും ചെയ്തു. ഇതിനെ തുടർന്ന് കിരൺ ഗാർഹിക പീഡനത്തിന് കേസ് നൽകിയിരുന്നു. 2024 മുതൽ കബ്രായ് പോലീസ് സ്റ്റേഷനിൽ ജോലി ചെയ്തിരുന്ന ഇൻസ്പെക്ടർ അങ്കിത് യാദവായിരുന്നു ഈ കേസിന്റെ അന്വേഷണ ഉദ്യോഗസ്ഥൻ.
ഈ കേസ് അന്വേഷിച്ചത് സബ് ഇന്സ്പെക്ടറായ അന്ങ്കിത് യാദവാണ്. അന്വേഷണവുമായി ബന്ധപ്പെട്ട് പരിചയപ്പെട്ട ഇരുവരും അടുപ്പത്തിലായി. കിരണ് നിരന്തരം ഫോണ് വിളിക്കുകയും അങ്കിത്തിനെ പലകാര്യങ്ങള്ക്കും സമ്മര്ദ്ദം ചെലുത്തുകയും ചെയ്തു. ഇതോടെ അങ്കിത് ഫോണ് നമ്പര് ബ്ലോക്ക് ചെയ്തു. പല നമ്പറില് നിന്നും വിളിച്ച് ശല്യം ചെയ്തു. നംവബര് 11 ന് വിളിച്ച് നേരില് കാണണമെന്ന് ആവശ്യപ്പെട്ടതോടെ പ്രശ്നം പരിഹരിക്കാന് അങ്കിത് സമ്മതിക്കുകയായിരുന്നു.
പോലീസ് പറയുന്നതനുസരിച്ച്, നവംബർ 12-ന് അങ്കിതും കിരണും രാത്രി വൈകി ഒരുമിച്ച് യാത്ര പോയിരുന്നു. എസ്.പി. ദീക്ഷ ശർമ്മ പറഞ്ഞത്, ഇതിനിടെ ഇരുവരും തമ്മിൽ തർക്കമുണ്ടായെന്നാണ്. ഈ വാഗ്വാദത്തിനിടെ കാറിനുള്ളിൽ കിടന്നിരുന്ന ഇരുമ്പ് ദണ്ഡ് എടുത്ത് അങ്കിത് കിരണിന്റെ തലയ്ക്ക് അടിച്ചു. ആക്രമണത്തിൽ കിരൺ തൽക്ഷണം മരിച്ചു.
അന്വേഷകരെ തെറ്റിദ്ധരിപ്പിക്കാനായി അങ്കിത് കിരണിന്റെ വസ്ത്രങ്ങൾ നീക്കം ചെയ്യുകയും മൗദഹ കൊട്വാലി ഏരിയയിലെ രഥ് റോഡരികിലെ കുറ്റിക്കാട്ടിൽ മൃതദേഹം ഉപേക്ഷിക്കുകയും ചെയ്തതായി പോലീസ് പറയുന്നു. അടുത്ത ദിവസം രാവിലെ മൃതദേഹം കണ്ടെത്തിയ സ്ഥലത്തിന് 20 മീറ്ററോളം ചുറ്റളവിൽ രക്തം തളംകെട്ടിയിരുന്നു.
അന്വേഷണം അതിവേഗം ഇൻസ്പെക്ടർ അങ്കിത് യാദവിലേക്ക് എത്തി. കോൾ റെക്കോർഡുകൾ, കുടുംബാംഗങ്ങളെ ചോദ്യം ചെയ്യൽ, സംഭവത്തിന്റെ സമയം എന്നിവ ഇയാളുടെ പങ്കാളിത്തം സ്ഥിരീകരിച്ചു. മഹോബയിലെ സർക്കാർ താമസസ്ഥലത്ത് വെച്ച് ഇയാൾ അറസ്റ്റിലായി.
ഇൻസ്പെക്ടറും കിരണിന്റെ ഭർത്താവ് വിനോദും കൊലപാതകത്തിൽ ഉൾപ്പെട്ടിട്ടുണ്ടെന്ന് കിരണിന്റെ സഹോദരൻ സതീഷ് കുമാർ ആരോപിച്ചു. നവംബർ 12-ന് കിരൺ സ്ത്രീധനക്കേസുമായി ബന്ധപ്പെട്ട് തനിച്ചാണ് കോടതിയിൽ പോയതെന്നും അതിനുശേഷം തട്ടിക്കൊണ്ടുപോകപ്പെടുകയായിരുന്നുവെന്നും അദ്ദേഹം അവകാശപ്പെട്ടു. കിരണിനെ മൗദഹ പോലീസ് സ്റ്റേഷൻ പരിധിയിൽ കൊണ്ടുപോയി ഭർതൃവീട്ടുകാരുടെ പങ്കാളിത്തത്തോടെ കൊലപ്പെടുത്തിയതായി സതീഷ് ആരോപിച്ചു.
പ്രതിയായ ഇൻസ്പെക്ടർ തന്റെ ഭാഗം പറയുന്നു
സ്ത്രീധന പീഡനക്കേസിന്റെ അന്വേഷണത്തിന്റെ ഭാഗമായി താൻ പലതവണ കിരണിന്റെ വീട്ടിൽ പോയിട്ടുണ്ടെന്ന് ഇയാൾ പറഞ്ഞു. ഈ സമയത്താണ് കിരൺ തന്റെ നമ്പർ വാങ്ങുകയും പതിവായി വിളിക്കാൻ തുടങ്ങുകയും ചെയ്തത്.
ദിവസവും 10 തവണ കിരൺ വിളിക്കുമായിരുന്നുവെന്നും, താൻ പ്രതികരിക്കുന്നത് നിർത്തിയപ്പോൾ ഒന്നിലധികം നമ്പറുകളിൽ നിന്ന് വിളിക്കാൻ തുടങ്ങിയെന്നും കള്ളക്കേസിൽ കുടുക്കുമെന്ന് ഭീഷണിപ്പെടുത്തിയെന്നും ഇയാൾ പറഞ്ഞു. താൻ കിരണിന്റെ നമ്പർ ബ്ലാക്ക്ലിസ്റ്റ് ചെയ്യുകയും അകലം പാലിക്കാൻ ശ്രമിക്കുകയും ചെയ്തു .
നവംബർ 11-ന് കിരൺ വീണ്ടും വിളിച്ച് കാണണമെന്ന് ആവശ്യപ്പെട്ടതായി അങ്കിത് അവകാശപ്പെട്ടു. “ഒടുവിലായി കാര്യങ്ങൾ പറഞ്ഞു മനസ്സിലാക്കാൻ” വേണ്ടിയാണ് താൻ സമ്മതിച്ചതെന്ന് ഇയാൾ പറഞ്ഞു. നവംബർ 12-ന് രാത്രി കിരൺ വീട്ടുകാരെ അറിയിക്കാതെ തന്നോടൊപ്പം വന്നെന്നും ഇയാൾ പറഞ്ഞു.
കാർ ആളൊഴിഞ്ഞ സ്ഥലത്ത് നിർത്തി കിരൺ വെള്ളം കുടിക്കാൻ പുറത്തിറങ്ങിയപ്പോൾ, അവർ തന്നെ വീണ്ടും ഭീഷണിപ്പെടുത്തി. തനിക്ക് നിയന്ത്രണം നഷ്ടപ്പെട്ടെന്നും വാഹനത്തിൽ വെച്ചിരുന്ന ഇരുമ്പ് ദണ്ഡ് എടുത്ത് തലയ്ക്ക് അടിക്കുകയും തൽക്ഷണം കൊലപ്പെടുത്തുകയും ചെയ്തുവെന്നും ഇയാൾ പറഞ്ഞു. അതിനുശേഷം മൃതദേഹം ഉപേക്ഷിച്ചതായും ഇയാൾ സമ്മതിച്ചു.
