ബരാക് ഒബാമയും മിഷേല്‍ ഒബാമയും തമ്മിലുള്ള ദാമ്പത്യപ്രശ്‌നങ്ങള്‍ ഹോളീവുഡ് നടീനടന്മാരുടെ വേര്‍പിരിയലിനേക്കാള്‍ വേഗത്തിലാണ് നീങ്ങുന്നത്. അവരുടെ ദാമ്പത്യത്തെക്കുറിച്ചുള്ള ഊഹാപോഹങ്ങള്‍ക്കിടയില്‍ ഇരുവരും ഒരുമിച്ച് പ്രത്യക്ഷപ്പെടാതിരിക്കുന്നതും ഒബാമ തനിച്ച് പരിപാടികളില്‍ പങ്കെടുക്കുന്നതുമാണ് ഇരുവരും വേര്‍പിരിയുകയാണെന്ന പ്രചാരത്തിന് കരുത്തു കൂട്ടുന്നത്. എന്നാല്‍ മിഷേലിന്റെ ഈ അസാന്നിദ്ധ്യം ഹോളിവുഡ് നടി ജെന്നിഫര്‍ ആനിസ്റ്റണ്‍ അവസരമാക്കുകയാണോ?
ബ്രേക്കിംഗ് ഇവന്റുകളില്‍ ഒബാമയ്‌ക്കൊപ്പം പ്രത്യക്ഷപ്പെടാന്‍ മിഷേല്‍ വിസമ്മതിക്കുന്ന സാഹചര്യത്തില്‍ നടി ജെന്നിഫര്‍ ആനിസ്റ്റണ്‍ ബരാക് ഒബാമയുമായി ഡേറ്റിംഗ് നടത്തുന്നുണ്ടെന്ന അഭ്യൂഹങ്ങള്‍ സോഷ്യല്‍ മീഡിയയില്‍ വീണ്ടും ഉയര്‍ന്നു. ഒരു മാഗസിന്‍ ഈ കിംവദന്തിയുമായി ബന്ധപ്പെട്ട് ഒരു കവര്‍ സ്റ്റോറി തന്നെ എഴുതുകയും ചെയ്തിരിക്കുകയാണ്. എന്നിരുന്നാലും ഒക്ടോബറിലെ ജിമ്മി കിമ്മല്‍ ഷോയില്‍, കവര്‍ സ്റ്റോറിയെക്കുറിച്ച് ജെന്നിഫര്‍ ആനിസ്റ്റണിനോട് ചോദിക്കുകയും ആനിസ്റ്റണ്‍ അവകാശവാദങ്ങള്‍ ശക്തമായി നിഷേധിക്കുകയും ചെയ്തു.
”ഒബാമയെ ഒരിക്കല്‍ ഞാന്‍ കണ്ടിട്ടുണ്ട്. മിഷേലിനെ എനിക്ക് അദ്ദേഹത്തെക്കാള്‍ കൂടുതല്‍ അറിയാം.” ജെന്നിഫര്‍ ആനിസ്റ്റണ്‍ പറഞ്ഞു. അതേസമയം ഇരുവരേയും ബന്ധിപ്പിക്കുന്നത് കിംവദന്തിയാണെന്നാണ് മറ്റു മാധ്യമങ്ങളുടേയും കണ്ടെത്തല്‍. റിപ്പോര്‍ട്ടുകള്‍ പ്രകാരം ജെന്നിഫര്‍ ആനിസ്റ്റണ്‍ ബരാക് ഒബാമയെ ആദ്യമായി കണ്ടുമുട്ടിയത് 2007 ല്‍ ഒരു ഹോളിവുഡ് ഗാലയില്‍ ഒരേയൊരു തവണയാണ്. അതേസമയം ഒബാമയുടേയും മിഷേലിന്റെയും ദാമ്പത്യം തകര്‍ത്തത് ജെന്നിഫര്‍ ആണെന്ന് ഒരു റിപ്പോര്‍ട്ടില്‍ പറയുന്നു.
അടുത്ത കാലത്തായി അവര്‍ കൂടുതല്‍ വേറിട്ട ജീവിതമാണ് നയിക്കുന്നത്, ജെന്നിഫര്‍ ആനിസ്റ്റണ്‍ കിംവദന്തികളാണ് മിഷേലിനെ നിരാശപ്പെടുത്തിയതെന്നും റിപ്പോര്‍ട്ടില്‍ പറയുന്നു. ഊഹാപോഹങ്ങള്‍ക്കിടയില്‍ കഴിഞ്ഞദിവസം ബരാക് ഒബാമ മിഷേലിന് ഹൃദയംഗമമായ ജന്മദിന ആശംസകള്‍ പോസ്റ്റ് ചെയ്തു. ‘എന്റെ ജീവിതത്തിലെ സ്നേഹം’ എന്നായിരുന്നു ഒബാമ കുറിപ്പിട്ടത്. ”എന്റെ ജീവിതത്തിലെ സ്നേഹത്തിന് ജന്മദിനാശംസകള്‍. നിങ്ങള്‍ എല്ലാ മുറികളും ഊഷ്മളതയും വിവേകവും നര്‍മ്മവും കൃപയും നിറച്ചു. നിങ്ങളോടൊപ്പം ജീവിതത്തിലെ സാഹസികതകള്‍ ഏറ്റെടുക്കാന്‍ കഴിഞ്ഞതില്‍ ഞാന്‍ ഭാഗ്യവാനാണ്. നിന്നെ സ്നേഹിക്കുന്നു!’ ബരാക്ക് പോസ്റ്റ് ചെയ്തു.
ജിമ്മി കാര്‍ട്ടറിന്റെ ശവസംസ്‌കാര ചടങ്ങുകളില്‍ മിഷേല്‍ ഒബാമ പങ്കെടുത്തിരുന്നില്ല. ടൈം ഷെഡ്യൂളിംഗ് പ്രശ്‌നമായെന്നാണ് ഇതിന് മിഷേലിന്റെ ഓഫീസിന്റെ പ്രതികരണം. ഈ സമയത്ത് ഹവായിയില്‍ വിപുലമായ അവധിയിലായിരുന്നു മിഷേല്‍. തുടര്‍ന്ന് ഡൊണാള്‍ഡ് ട്രംപിന്റെ സ്ഥാനാരോഹണ ചടങ്ങില്‍ പങ്കെടുക്കില്ലെന്നും അറിയിച്ചു. ഡൊണാള്‍ഡ് ട്രംപിനോടുള്ള മിഷേലിന്റെ വെറുപ്പാണ് രണ്ട് തീരുമാനങ്ങള്‍ക്കും കാരണമായത് എങ്കിലും കാര്‍ട്ടറിന്റെ ശവസംസ്‌കാര ചടങ്ങില്‍ ബരാക് ഒബാമ ഡൊണാള്‍ഡ് ട്രംപുമായി ചാറ്റ് ചെയ്യുന്നത് കണ്ടിരുന്നു. എന്നാല്‍ ഒബാമയുടെ മുഖത്ത് സന്തോഷമില്ലായിരുന്നു എന്നും മിഷേലിന്റെ അഭാവമാണ് കാരണമെന്നും ഇത് ഇരുവരുടേയും ദാമ്പത്യ തര്‍ക്കത്തിന്റെ സന്ദേശമായും വിലയിരുത്തപ്പെട്ടു.
