സൂപ്പര്താരങ്ങളായ മമ്മൂട്ടിയും മോഹന്ലാലും ഒരുമിക്കുന്ന സിനിമ എക്കാലവും മലയാളി ആരാധകരുടെ പ്രതീക്ഷയാണ്. ഇരുവരും അവസാനമായി ഒരുമിച്ച സിനിമ ട്വന്റി20 ആയിരുന്നു. എന്നാല് വീണ്ടും ഈ പ്രതീക്ഷ വെച്ചുപുലര്ത്താന് ആശയം വെച്ചുതരികയാണ് സംവിധായകന് മഹേഷ് നാരായണന്. മമ്മൂട്ടിയെ നായകനാക്കിയുള്ള തന്റെ അടുത്ത സിനിമയില് മോഹന്ലാല് ഒരു പ്രധാന കഥാപാത്രത്തെ അവതരിപ്പിക്കും.
റിപ്പോര്ട്ടുകള് പ്രകാരം മോഹന്ലാല് ചിത്രത്തില് അതിഥി വേഷത്തിലായിരിക്കും എത്തുക. താരത്തിന്റെ ഭാഗങ്ങള് രണ്ടോ മൂന്നോ ഷെഡ്യൂളുകളിലായി ചിത്രീകരിക്കും, അത് 30 ദിവസത്തിലധികം നീണ്ടുനില്ക്കുമെന്ന് പ്രതീക്ഷിക്കുന്നു. മമ്മൂട്ടിയും മോഹന്ലാലും ഉള്പ്പെടുന്ന ഫ്ലാഷ്ബാക്ക് ഭാഗങ്ങള്ക്കായി പ്രോജക്റ്റ് ഡി-ഏജിംഗ് സാങ്കേതികവിദ്യ ഉപയോഗിക്കുമെന്നും റിപ്പോര്ട്ടുകള് സൂചിപ്പിക്കുന്നു.
പ്രോജക്ടില് മോഹന്ലാലിന്റെ പങ്കാളിത്തത്തെക്കുറിച്ചും ഡി-ഏജിംഗ് സാങ്കേതികവിദ്യയുടെ ഉപയോഗത്തെക്കുറിച്ചും നിര്മ്മാതാക്കളില് നിന്ന് ഔദ്യോഗിക സ്ഥിരീകരണം കാത്തിരിക്കുകയാണ്. 2024 അവസാനത്തോടെ സിനിമ തുടങ്ങിയേക്കും. വരാനിരിക്കുന്ന ജിതിന് കെ ജോസ് സംവിധാനം ചെയ്യുന്ന വിനായകനെ നായകനാക്കിയുള്ള സിനിമയുടെ ചിത്രീകരണം പൂര്ത്തിയാക്കിയാല് മമ്മൂട്ടി ഈ പ്രോജക്റ്റില് ജോയിന് ചെയ്യും. അതേസമയം, മമ്മൂട്ടിയും വിനായകനും ഒന്നിക്കുന്ന പേരിടാത്ത പ്രൊജക്റ്റ് കഴിഞ്ഞ ദിവസം പൂജാ ചടങ്ങുകളോടെ ആരംഭിച്ചു. നീണ്ട ഇടവേളയ്ക്ക് ശേഷമാണ് മമ്മൂട്ടിയും വിനായകനും ഒരു സിനിമയ്ക്കായി ഒന്നിക്കുന്നത്. .
ദീനോ ഡെന്നിസ് സംവിധാനം ചെയ്യുന്ന ‘ബസൂക്ക’ യാണ് മമ്മൂട്ടിയെ കാത്തിരിക്കുന്ന അടുത്ത സിനിമ. നടനും സംവിധായകനുമായ ഗൗതം വാസുദേവ് മേനോന് ചിത്രത്തില് ഒരു പ്രധാന വേഷത്തില് എത്തും. അതേസമയം, മിഥുന് മാനുവല് തോമസിന്റെ തിരക്കഥയില് വൈശാഖ് സംവിധാനം ചെയ്ത ‘ടര്ബോ’ എന്ന ചിത്രത്തിനൊപ്പമായിരുന്നു മമ്മൂട്ടിയുടെ മുമ്പ് പുറത്തിറങ്ങിയത്. ആക്ഷന് ത്രില്ലര് സൂപ്പര്ഹിറ്റായി മാറി.