സ്തുത്യര്ഹമായ സേവനത്തിന് തന്റെയും മകന്റെയും ഡ്രൈവറായ വ്യക്തിക്ക് വമ്പന് സമ്മാനം നല്കി മഹാരാഷ്ട്ര എം.പി. കഴിഞ്ഞ പതിമൂന്ന് വര്ഷമായി ശിവസേന എംപി സന്ദീപന് ഭുംറെയ്ക്കും മകനായ പൈത്താന് എംഎല്എ വിലാസ് ഭുമ്രെയ്ക്കുമൊപ്പം ജോലി ചെയ്യുന്ന ഡ്രൈവറായ ജാവേദ് റസൂല് ഷെയ്ക്ക് എന്നയാള്ക്ക് നല്കിയത് 150 കോടിയുടെ സ്വത്ത്.
ലോക്കല് പോലീസിന്റെ സാമ്പത്തിക കുറ്റകൃത്യ വിഭാഗം (ഇഒഡബ്ല്യു) പ്രാഥമിക അന്വേഷണത്തിന് തുടക്കമിട്ടു. തന്റെ കണ്ണായ ഭൂമിയില് നിന്നും മൂന്ന് ഏക്കറാണ് നല്കിയത്. വസ്തുവില് സ്ഥാപിച്ചിട്ടുള്ള ബോര്ഡുകള് ഇപ്പോള് ഷെയ്ഖിനെ ഉടമയായി നാമകരണം ചെയ്യുന്നു. കഴിഞ്ഞ പതിമൂന്ന് വര്ഷമായി ഇയാള് ശിവസേന എംപിയ്ക്കും മകന് എംഎല്എയ്ക്കുമൊപ്പം ജോലി ചെയ്യുന്നു.
കുടുംബവുമായി തനിക്ക് അടുത്ത പരിചയമുണ്ടെന്നും അതിനാലാണ് ഭൂമി സമ്മാനമായി നല്കിയതെന്നും ഷെയ്ഖ് പോലീസിനോട് പറഞ്ഞു. എന്നാല് സംഗതി അല്പ്പം വിവാദമാകുകയും ചെയ്തിട്ടുണ്ട്. അഡ്വക്കേറ്റ് മുജാഹിദ് ഖാന്റെ പരാതിയെ തുടര്ന്നാണ് ഇഒഡബ്ല്യു അന്വേഷണം ആരംഭിച്ചിരിക്കുകയാണ്. തന്റെ കുടുംബത്തെ അറിയാവുന്നതിനാല് ഹിബാനാമ വഴിയാണ് ഭൂമി നല്കിയതെന്നാണ് ഷെയ്ഖിന്റെ വാദം. നിസാം ഭരണകാലത്ത് ദിവാന്മാരായോ പ്രധാനമന്ത്രിമാരായോ സേവനമനുഷ്ഠിച്ച സലാര് ജംഗ് കുടുംബത്തിലെ അംഗങ്ങള്ക്ക് ഭൂമി നല്കിയിരുന്ന സമ്മാനരേഖയാണ് ഹിബാനാമ. മിര് മഹ്മൂദ് അലി മസര് അലി ഖാനും മറ്റ് അഞ്ച് പിന്ഗാമികളും ഹിബാനമ മുഖേനെ കിട്ടിയ ഭൂമിയെ ചൊല്ലി സലാര് ജംഗ് പിന്ഗാമികള് നീണ്ട നിയമയുദ്ധത്തില് ഏര്പ്പെട്ടിരുന്നു.
ഒടുവില് സലാര്ജംഗ് കുടുംബത്തിന് അനുകൂലമായി 2022-ല് തര്ക്കം പരിഹരിക്കുകയായിരുന്നു. രക്തബന്ധം ഇല്ലാത്ത ഒരാള്ക്ക് ഇത്രയും വിലയേറിയ ഭൂമി സമ്മാനിച്ചതിന് പിന്നിലെ ഉദ്ദേശ്യത്തെ അഭിഭാഷകന് ഖാന് ചോദ്യം ചെയ്തു. പ്രാഥമിക അന്വേഷണം നടന്നുവരികയാണ് എന്നും ഹിബാനമയില് ഒപ്പിട്ട സലാര് ജംഗ് കുടുംബാംഗങ്ങള് ഉള്പ്പെടെ ബന്ധപ്പെട്ട കക്ഷികള്ക്ക് സമന്സ് അയച്ചിട്ടുണ്ടെന്നും ഛത്രപതി സംഭാജി നഗറിലെ മുതിര്ന്ന പോലീസ് ഉദ്യോഗസ്ഥര് സ്ഥിരീകരിച്ചു. ഭൂമി കൈമാറ്റ രേഖകളും ഡ്രൈവറും രാജകീയ പിന്ഗാമികളും തമ്മിലുള്ള ബന്ധത്തിന്റെ സ്വഭാവവും ഇഒഡബ്ല്യു സൂക്ഷ്മമായി പരിശോധിച്ചുവരികയാണ്.
എം.എല്.എ വിലാസ് ഭുമ്രെ വിഷയവുമായി ബന്ധപ്പെട്ട് പോലീസ് ബന്ധപ്പെട്ടതായി സമ്മതിച്ചു. ‘എനിക്ക് പോലീസില് നിന്ന് ഒരു കോള് ലഭിച്ചു, ഷെയ്ഖ് എത്ര വര്ഷമായി കുടുംബത്തോടൊപ്പം ജോലി ചെയ്യുന്നു,’ അദ്ദേഹം പറഞ്ഞു. മുന് രാജകുടുംബത്തില് നിന്നുള്ള ഭൂമി കൈമാറ്റത്തെക്കുറിച്ച് ചോദിച്ചപ്പോള്, ‘എനിക്ക് അതേക്കുറിച്ച് പൂര്ണ്ണമായ വിശദാംശങ്ങള് ഇല്ല’ എന്നായിരുന്നു ഭുമ്രെയുടെ പ്രതികരണം.
