ലീക്കായിക്കൊണ്ടിരിക്കുന്ന ഗ്യാസ് സിലിണ്ടര് അടുക്കളയില്നിന്ന് പുറത്തേക്ക് വലിച്ചിടുന്ന ഒരു സ്ത്രീയുടെ വിഡിയോയാണ് ഇപ്പോള് സമൂഹമാധ്യമത്തില് വൈറലായിരിക്കുന്നത്. ഒരു ഗ്യാസ് സിലിണ്ടര് പൊട്ടിത്തെറിച്ചാലുള്ള അപകടം എത്ര ഭീകരമായിരിക്കുമെന്നുള്ളതിന് ഈ വീഡിയോ ഉദാഹരണമാണ്.
ലീക്കായി ചീറ്റിക്കൊണ്ടിരിക്കുന്ന ഗ്യാസ് സിലിണ്ടറാണ് ആദ്യം സ്ത്രീ അടുക്കളയില് നിന്നും വര്ക്ക് ഏരിയയിലേക്ക് വലിച്ചിടുന്നത്. തുടര്ന്ന് അവര് മുറിയില് നിന്ന് ഇറങ്ങിയോടി. കുറച്ചുനേരത്തിന്ശേഷം അവര് സഹായത്തിന് മറ്റൊരാളെയും കൂട്ടി തിരിച്ചെത്തി.
യുവാവിനോടൊപ്പം സിലിണ്ടര് പുറത്തേക്ക് മാറ്റാനോ മറ്റോ ശ്രമിക്കുമ്പോള് അടുക്കളയില് നിന്ന് പെട്ടെന്ന് വീട് മുഴുവന് തീയാളി പടരുകയാണ്. ഉടുത്തിരുന്ന സാരിയില് വരെ തീ പടര്ന്നു പിടിച്ചതോടെ അത് വലിച്ചൂരിയെറിഞ്ഞ് ഓടിമാറുകയാണ് സ്ത്രീ . കൂടെയുണ്ടായിരുന്ന യുവാവ് മറ്റൊരു വാതിലിലൂടെ പുറത്തേക്ക് ഓടി . ആയുസ്സിന്റെ ബലംകൊണ്ടാണ് വലിയൊരു അപകടത്തില് നിന്ന് രണ്ടുപേരും രക്ഷപ്പെട്ടതെന്നാണ് കമന്റുകള്.
ജീവന് അപകടപ്പെടുത്തിയാണ് രണ്ടുപേരും ഗ്യാസ് സിലിണ്ടറിന്റെ അടുത്തേയ്ക്ക് പോയത്. ഗ്യാസ് ലീക്കായി എന്നു കണ്ടാല് വാതിലും ജനലുകളുമെല്ലാം തുറന്നിട്ട് ഓടിരക്ഷപ്പെടുകയല്ലേ വേണ്ടത്, ഇങ്ങനെ അതിനടുത്ത് പോയി നില്ക്കാമോ എന്ന് ചോദിക്കുന്നവരുമുണ്ട്.
