പത്തനംതിട്ട: പതിനാലുകാരിയെ ലൈംഗികമായി പീഡിപ്പിച്ച കേസില് ഇളകൊള്ളൂര് കളര് നില്ക്കുന്നതില് സുനിലിനെ (27) പോക്സോ പ്രിന്സിപ്പല് ജഡ്ജ് ജയകുമാര് ജോണ് 77 വര്ഷം കഠിന തടവിനും മൂന്നര ലക്ഷം രൂപ പിഴ ഒടുക്കുന്നതിനും ശിക്ഷ വിധിച്ചു. പിഴ ഒടുക്കാതിരുന്നാല് ഒന്നര വര്ഷം അധിക കഠിന തടവും അനുഭവിക്കണം. 2019 ലാണ് എട്ടാം ക്ലാസില് പഠിച്ചിരുന്ന പെണ്കുട്ടിക്ക് പീഡനം ഏല്ക്കേണ്ടി വന്നത്.
വനിതാ പോലീസ് സ്റ്റേഷനില് രജിസ്റ്റര് ചെയ്ത് കേസിന്റെ അന്വേഷണ ചുമതല ഇന്സ്പെക്ടര് എ.ആര്. ലീലാമ്മയ്ക്ക് ആയിരുന്നു. പ്രോസിക്യൂഷന് വേണ്ടി സ്പെഷല് പബ്ലിക് പ്രോസിക്യൂട്ടര് അഡ്വ: ജയ്സണ് മാത്യൂസ് ഹാജരായി.