സാധാരണ വീടുകളില് എല്ലാവരും മിക്ക ഭക്ഷണങ്ങളും ചീത്തയാകാതെ സൂക്ഷിക്കുന്നത് ഫ്രിഡ്ജിലാണ്. ഭക്ഷണം പുതുമയോടെ ഇരിക്കാനാണ് ഇങ്ങനെ ചെയ്യുന്നത്. എന്നാല് ഒരിക്കലും ഫ്രിഡ്ജില് വയ്ക്കരുതാത്ത ഭക്ഷണങ്ങളും ഉണ്ട്. ഇത്തരം ഭക്ഷണങ്ങള് നിങ്ങളുടെ മുറിയിലെ താപനിലയില് തന്നെ സൂക്ഷിക്കണമെന്നാണ് വിദഗ്ദര് ചൂണ്ടിക്കാട്ടുന്നത്. ഫ്രിഡ്ജില് വയ്ക്കരുതെന്ന് വിദഗ്ദര് പറയുന്ന ഭക്ഷണങ്ങള് ഏതൊക്കെയെന്ന് നോക്കാം…
* ഉരുളക്കിഴങ്ങ് – ഉരുളക്കിളങ്ങ് പുറത്തിരുന്ന് വേഗത്തില് മുളയ്ക്കാതിരിക്കുന്നതിനും, വേഗത്തില് ചീത്തയാകാതിരിക്കാനും ഫ്രിഡ്ജില് വയ്ക്കും. എന്നാല്, ഫ്രിഡ്ജില് ഇത് ഇരിക്കുമ്പോള് ഉരുളക്കിഴങ്ങ് കൂടുതല് കടുപ്പമുള്ളതും, ഇതിന്റെ സോഫ്റ്റ്നസ്സ് നഷ്ടപ്പെടുകയുമാണ് ചെയ്യുന്നത്.
* ഇലകള് – മല്ലിയില, പുതിനയില, റോസ്മേരി എന്നിവയെല്ലാം ഫ്രിഡ്ജില് വെച്ചാല് വേഗത്തില് ചീത്തയാകില്ല എന്ന തെറ്റിധാരണ പലര്ക്കും ഉണ്ട്. എന്നാല്, സത്യാവസ്ഥ ഇതല്ല. മറിച്ച് ഫ്രിഡ്ജില് വയ്ക്കുമ്പോള് ഇവ വേഗത്തില് ഉണങ്ങിപ്പോവുകയാണ് ചെയ്യുന്നത്. മല്ലിയിലയും പുതിനയിലയും സൂക്ഷിക്കാന് ഏറ്റവും നല്ല മാര്ഗ്ഗം, ഒരു ഗ്ലാസ്സില് കുറച്ച് വെള്ളം ഒഴിച്ച് അതില് ഇവ മുക്കി വയ്ക്കുന്നതാണ്.
* പഴം – പുറത്തിരുന്നാല് വേഗത്തില് ചീത്തയാകും എന്ന് വിചാരിച്ച് പലരും പഴം ഫ്രിഡ്ജില് സൂക്ഷിക്കുന്നവരുണ്ട്. ചിലര് വാങ്ങിക്കൊണ്ട് വന്ന ഉടനെ തന്നെ ഫ്രിജ്ഡില് സൂക്ഷിക്കും. ഇത്തരത്തില് ഫ്രിഡ്ജില് സൂക്ഷിക്കുന്നത് പഴത്തിന്റെ സ്വാദ് നഷ്ടപ്പെടുത്തുന്നതിനും അതുപോലെ, പഴം നന്നായി പഴുക്കാതിരിക്കുകയും ചെയ്യും. പഴത്തിന്റെ തനത് രുചിക്കായി എല്ലായ്പ്പോഴും സാധാരണ ടെംപറേച്ചറില് പഴം സൂക്ഷിക്കുന്നതാണ് നല്ലത്.
* തേന് – ഒരിക്കലും ഫ്രിഡ്ജില് സൂക്ഷിക്കാന് പാടില്ലാത്ത ഒരു വസ്തുവാണ് തേന്. തേന് ഫ്രിഡ്ജില് ഇരിക്കും തോറും ഇത് അതില് ഇരുന്ന് പ്രവര്ത്തനത്തിന് വിധേയമാവുകയും, പിന്നീട് നമ്മള് തേന് ഉപയോഗിക്കാന് എടുക്കുമ്പോള് അതിന്റെ സ്വാദും ഗുണവും നഷ്ടപ്പെട്ടിരിക്കുന്നതായി മനസ്സിലാക്കാന് സാധിക്കും. അതിനാല്, തേന് ഫ്രിഡ്ജില് സൂക്ഷിക്കാതിരിക്കുന്നതാണ് നല്ലത്.
* കാപ്പിപ്പൊടി – നമ്മള് കാപ്പിപ്പൊടി ഫ്രിഡ്ജില് സൂക്ഷിച്ചാല്, കാപ്പിപ്പൊടിയ്ക്ക് ഫ്രിഡ്ജിലെ മറ്റ് സാധനങ്ങളുടെ മണം വലിച്ചെടുക്കാനുള്ള കഴിവുണ്ട്. അതിനാല്, കാപ്പിപ്പൊടിയുടെ തനത് മനവും രുചിയും ഇതുമൂലം നഷ്ടപ്പെടും. അതിനാല്, രുചികരമായ കാപ്പികുടിക്കണമെങ്കില് കാപ്പിപ്പൊടി ഫ്രിജ്ഡില് വയ്ക്കാതിരിക്കുന്നതാണ് നല്ലത്.
* സവാള – സവാള തൊലി കളഞ്ഞതിനു ശേഷം നുറുക്കുന്നതിന് മുന്പ് കണ്ണില് നിന്നും വെള്ളം വരാതിരിക്കാന് നമ്മള് ഫ്രിഡ്ജല് വയ്ക്കാറുണ്ട്. എന്നാല്, വാങ്ങിയ ഉടനെ സവാള ഫ്രിഡ്ജില് തൊലിയോടുകൂടി വയ്ക്കുന്നത് സവാള കേടാകുവാന് കാരണമാകും. ഇതിന്റെ പുറംഭാഗം വേഗത്തില് കേടാകാതിരിക്കാന് പുറത്ത് സാധാരണ താപനിലയുള്ള സ്ഥലത്ത് സവാള വയ്ക്കുന്നതാണ് നല്ലത്.
* ബ്രെഡ് – നല്ല സോഫ്റ്റ് ബ്രെഡ് വാങ്ങി ഫ്രിഡ്ജില് വെച്ചു നോക്കിക്കെ… ഇവ പിന്നീട് എടുക്കുമ്പോള് ആ സോഫ്റ്റ്നസ്സ് പോയിരിക്കുന്നത് കാണാം. അതിനാല്, ഫ്രിഡ്ജില് പരമാവധി ബ്രെഡ് വയ്ക്കാതിരിക്കുന്നതാണ് നല്ലത്. നല്ല സോഫ്റ്റായി രുചികരമായി ബ്രെഡ് കഴിക്കാന് ഇഷ്ടപ്പെടുന്നവര് ഇത് ഒരിക്കലും ചെയ്യരുത്.
* തക്കാളി – തക്കാളി വേഗത്തില് ചീത്തയാകരുത് എന്ന് ചിന്തിച്ചിട്ടാണ് പലരും ഫ്രിഡ്ജില് കയറ്റി വയ്ക്കുന്നത്. എന്നാല്, ഫ്രിഡ്ജിലെ തണുപ്പ് കാരണം, തക്കാളിയുടെ പുറംഭാഗം വേഗത്തില് ചീത്തയാകുവാനും നിറം മങ്ങാനുമുള്ള സാധ്യത കൂടുതലാണ്. അതിനാല് തക്കാളി, ഫ്രിഡ്ജില് സൂക്ഷിക്കാതിരിക്കാം.