വര്ഷങ്ങളായി നിരവധി ഉന്നതമായ വേര്പിരിയലുകള്ക്കും വിവാഹമോചനങ്ങള്ക്കും ബോളിവുഡ് സാക്ഷ്യം വഹിച്ചിട്ടുണ്ട്. സെയ്ഫ് അലി ഖാനും അമൃത സിംഗും മുതല് മലൈക അറോറയും അര്ബാസ് ഖാനും വരെ ഇന്ഡസ്ട്രിയിലെ പല താരങ്ങളും ദാമ്പത്യ ബന്ധത്തിലെ വിള്ളലുകള് കൊണ്ട് വേര്പിരിഞ്ഞവരാണ്. ചില ദമ്പതികള് ഗണ്യമായ ജീവനാംശം നല്കിയാണ് വിവാഹമോചനം നേടിയത്. അവയൊക്കെ വളരെയധികം ചര്ച്ചയായിട്ടുമുണ്ട്. ഹൃത്വിക് റോഷന്, ആമിര് ഖാന്, തുടങ്ങിയ നടന്മാര് വിവാഹമോചനം നേടാന് കോടികള് നല്കിയതായാണ് റിപ്പോര്ട്ടുകള്.
ഹൃത്വിക് റോഷനും സുസാനെ ഖാനും – 2000-ലാണ് ഹൃത്വിക് റോഷനും സുസാനെ ഖാനും വിവാഹിതരായത്. എന്നാല് 14 വര്ഷത്തിന് ശേഷം അവര് വേര്പിരിയാന് തീരുമാനിക്കുകയും 2014-ല് വിവാഹമോചനം നേടുകയും ചെയ്തു. ഈ ദമ്പതികള്ക്ക് രണ്ട് ആണ്മക്കളാണുള്ളത്. ഹ്രേഹാന്, ഹൃദന്. മാധ്യമ റിപ്പോര്ട്ടുകള് പ്രകാരം, ഹൃത്വിക്-സുസാനെ വിവാഹമോചനം ബോളിവുഡിലെ ഏറ്റവും ചെലവേറിയ ഒന്നായി കണക്കാക്കപ്പെടുന്നു. ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നത്, സുസെയ്ന് ആദ്യം ജീവനാംശമായി 400 കോടി രൂപ ആവശ്യപ്പെട്ടിരുന്നു. അവസാനമായി സെറ്റില്മെന്റ് ഏകദേശം 380 കോടി രൂപയായിരുന്നു എന്നാണ്.
ആമിര് ഖാനും റീന ദത്തയും – ആമിര് ഖാന്റെയും റീന ദത്തയുടെയും പ്രണയകഥ 1980 കളുടെ തുടക്കത്തിലാണ് ആരംഭിച്ചത്. തുടര്ന്ന് ഇരുവരും ഡേറ്റിംഗ് ആരംഭിച്ചു. ആമിറിന്റെ ആദ്യ ചിത്രമായ ഖയാമത്ത് സേ ഖയാമത് തക്കിലെ പാപ്പാ കെഹ്തേ ഹേ എന്ന ഗാനത്തില് റീന ചെറിയ വേഷത്തില് പ്രത്യക്ഷപ്പെട്ടിരുന്നു. 1986-ല്, ദമ്പതികള് രഹസ്യമായി ഒളിച്ചോടി കോടതിയില് വിവാഹിതരായി. അപ്പോള് ആമിറിന് 21-ഉം റീനയ്ക്ക് 19-ഉം വയസ്സായിരുന്നു. തുടര്ന്ന് അവര്ക്ക് ഇറ, ജുനൈദ് എന്നീ രണ്ട് കുട്ടികളുണ്ടായി. 16 വര്ഷത്തെ ദാമ്പത്യത്തിന് ശേഷം 2002-ല് അവര് വേര്പിരിഞ്ഞു. റിപ്പോര്ട്ടുകള് സൂചിപ്പിക്കുന്നത് റീന ദത്തയ്ക്ക് ആമിര് 50 കോടി രൂപ ജീവനാംശമായി നല്കിയെന്നാണ്.
മലൈക അറോറയും അര്ബാസ് ഖാനും – 1998 ഡിസംബര് 12 ന് മലൈക അറോറയും അര്ബാസ് ഖാനും വിവാഹിതരായി. എന്നാല് 2017 മെയ് മാസത്തില് ദമ്പതികള് വേര്പിരിഞ്ഞു. റിപ്പോര്ട്ടുകള് പ്രകാരം, മലൈകയ്ക്ക് 10-15 കോടി രൂപയുടെ ജീവനാംശമാണ് നല്കിയത്.
സെയ്ഫ് അലി ഖാനും അമൃത സിംഗും – പ്രമുഖ ബോളിവുഡ് ദമ്പതികളായ സെയ്ഫ് അലി ഖാനും അമൃത സിംഗും 1991-ലാണ് വിവാഹിതരായത്. എന്നാല് 13 വര്ഷത്തെ ദാമ്പത്യത്തിന് ശേഷം 2004-ല് വേര്പിരിഞ്ഞു. ഒരു അഭിമുഖത്തില്, സെയ്ഫ് തന്റെ വിവാഹമോചനത്തിന്റെ സാമ്പത്തിക വശത്തെക്കുറിച്ച് പറഞ്ഞു, ”ഞാന് അമൃതയ്ക്ക് 5 കോടി രൂപ നല്കണം, അതില് ഞാന് അവള്ക്ക് ഏകദേശം 2.5 കോടി രൂപ നല്കി. കൂടാതെ, എന്റെ മകന് 18 വയസ്സ് തികയുന്നതുവരെ ഞാന് പ്രതിമാസം ഒരു ലക്ഷം രൂപ നല്കുന്നുണ്ട്. ഞാന് ഷാരൂഖ് ഖാന് അല്ല. എന്റെ പക്കല് അത്തരത്തിലുള്ള പണമില്ല. ബാക്കിയുള്ളത് ഞാന് നല്കാമെന്ന് ഞാന് അവളോട് വാഗ്ദാനം ചെയ്തിട്ടുണ്ട്, ഞാന് മരിക്കുന്നത് വരെ ഞാന് അത് നല്കും.” – സെയ്ഫ് അലി ഖാന് പറയുന്നു.
ഫര്ഹാന് അക്തറും അധുന ഭബാനിയും – ഫര്ഹാന് അക്തറും അധുന ഭബാനിയും 17 വര്ഷമാണ് ദാമ്പത്യ ജീവിതം മുന്നോട്ട് കൊണ്ടു പോയത്. എന്നാല് 2017-ല് അവര് വേര്പിരിഞ്ഞു. വിവാഹമോചനത്തിന്റെ ഭാഗമായി ഫര്ഹാന് അധുനയ്ക്ക് ഒറ്റത്തവണ ജീവനാംശം നല്കിയതായി റിപ്പോര്ട്ടുണ്ട്. കൂടാതെ, അവര്ക്ക് മുംബൈയിലെ ബാന്ഡ്സ്റ്റാന്ഡിലുള്ള അവരുടെ 10,000 ചതുരശ്ര അടി ബംഗ്ലാവ് വിപാസന എന്ന പേരില് ലഭിച്ചുവെന്നും റിപ്പോര്ട്ടുകള് പറയുന്നു.
