ചെറുപ്പത്തില്‍ തന്നെ തന്റെ സിനിമാ യാത്ര ആരംഭിച്ച നടി കെയ്റ നൈറ്റ്‌ലി വളരെ പെട്ടന്ന് തന്നെ പ്രശസ്തിയും അംഗീകാരവും നേടി. പ്രൈഡ് ആന്റ് പ്രിജുഡീസ് എന്ന സിനിമ അവരുടെ ഏറ്റവും ജനപ്രിയമായ പ്രണയ നാടകങ്ങളിലൊന്നാണ്. എന്നിരുന്നാലും എലിസബത്ത് ബെന്നറ്റിന്റെ വേഷം ചെയ്യാന്‍ സംവിധായകന്‍ ജോ റൈറ്റ്, നൈറ്റ്‌ലിയെ കണ്ടതിന് ശേഷം പിന്നെ ബാക്കിയുള്ളത് ചരിത്രം.
പൈറേറ്റ്‌സ് ഓഫ് ദ കരീബിയന്‍ താരം ബീച്ചില്‍ നിന്ന് ബിക്കിനിയില്‍ നില്‍ക്കുന്ന ചിത്രം ഉള്‍പ്പെടുത്തി ഒരു ദശാബ്ദത്തിന് മുമ്പ് ദ ഡെയ്ലി മെയില്‍ എന്ന മാധ്യമം ഒരു ലേഖനം പ്രസിദ്ധീകരിച്ചിരുന്നു. കെയ്റ നൈറ്റ്ലിക്ക് ഭക്ഷണ ക്രമക്കേടുണ്ടെന്ന് അവളുടെ മെലിഞ്ഞ രൂപത്തെ പരാമര്‍ശിച്ച് മാധ്യമങ്ങള്‍ ആരോപിച്ചു. അതേ ലേഖനത്തില്‍, അവര്‍ സോഫി മസുറെക് എന്ന 19 വയസ്സുള്ള ഒരു പെണ്‍കുട്ടി അനോറെക്‌സിയ മൂലം മരിച്ചതിന്റെ ഒരു കഥയും പ്രസിദ്ധീകരിച്ചു. ദി ഗാര്‍ഡിയന്‍ പറയുന്നതനുസരിച്ച്, ദി ഡെയ്ലി മെയിലിന്റെ തലക്കെട്ട് ഇങ്ങനെ വായിക്കുന്നു, ‘കെയ്റയുടെ ഇതുപോലുള്ള ചിത്രങ്ങള്‍ ആരോഗ്യ മുന്നറിയിപ്പ് നല്‍കിയിരുന്നെങ്കില്‍, എന്റെ പ്രിയപ്പെട്ട മകള്‍ ജീവിച്ചിരുന്നേനെ എന്നായിരുന്നു.
പെണ്‍കുട്ടിയുടെ മരണത്തിന് ഉത്തരവാദികളായെന്ന ആരോപണം വന്നതിനെ തുടര്‍ന്ന് പൈറേറ്റ്‌സ് ഓഫ് കരീബിയന്‍ താരം നിയമനടപടി സ്വീകരിച്ചു. മാധ്യമ സ്ഥാപനം തങ്ങളുടെ റിപ്പോര്‍ട്ടിംഗില്‍ എത്ര നിരുത്തരവാദപരമായാണ് പെരുമാറിയതെന്ന് ചൂണ്ടിക്കാണിക്കാനും ഒരു മാതൃക കാണിക്കാനും അവര്‍ ഡെയ്ലി മെയിലിനെതിരെ കേസെടുത്തു. അവള്‍ക്ക് നഷ്ടപരിഹാരമായി വന്‍തുകയാണ് കിട്ടിയത്.
താരം ആ പണത്തിനൊപ്പം കുറച്ചു തുക കൂടി ചേര്‍ത്ത് ഇരട്ടിയാക്കിയ ശേഷം ചാരിറ്റിക്ക് സംഭാവന നല്‍കി. മറുവശത്ത്, ഒരു പ്രസ്താവന പ്രസിദ്ധീകരിച്ചുകൊണ്ട് ദ ഡെയ്ലി മെയില്‍ ക്ഷമാപണം നടത്താന്‍ സമ്മതിച്ചു. തന്റെ കുടുംബത്തിലെ ഒരു അംഗത്തിന് അനോറെക്‌സിയ ഉണ്ടെന്ന് മുമ്പ് പരസ്യമായി സമ്മതിച്ചതിനാല്‍ നടി നിര്‍ദ്ദേശങ്ങള്‍ കൂടുതല്‍ കുറ്റകരമാണെന്ന് വെളിപ്പെടുത്തി.
