സഹോദരനുമായുള്ള തര്‍ക്കത്തെ തുടര്‍ന്ന് വിദ്യാര്‍ത്ഥികള്‍ കോച്ചിംഗ്ക്ലാസ്സിലെത്തി അധ്യാപകനെ വെടിവച്ചു. ആക്രമണത്തിന് ശേഷം കുട്ടികള്‍ അവിടെ നിന്നും മുങ്ങി. ഉത്തര്‍പ്രദേശിലെ ആഗ്രയില്‍ നടന്ന സംഭവത്തില്‍ കുട്ടികള്‍ 39 വെടിയുണ്ടകള്‍ കൂടി ഉതിര്‍ക്കുമെന്ന് വിദ്യാര്‍ത്ഥികള്‍ അദ്ധ്യാപികയെ ഭീഷണിപ്പെടുത്തുകയും ചെയ്തു. സംഭവത്തിന്റെ 25 സെക്കന്റ് വീഡിയോ പുറത്തുവന്നിട്ടുണ്ട്.
സുമിത് എന്ന അദ്ധ്യാപകനാണ് വെടിയേറ്റത്. ഇയാളുടെ വിദ്യാര്‍ത്ഥികളാണ് രണ്ടു കുട്ടികളും. ക്ലാസ്സ് നടന്നുകൊണ്ടിരിക്കെ വിളിച്ച് ക്ലാസ്‌റൂമിന് വെളിയില്‍ ഇറക്കിയ ശേഷമായിരുന്നു വെടിയുതിര്‍ത്തത്. വെടിയേറ്റ് അദ്ധ്യാപകന്റെ ഇടതുകാലിന് പരിക്കേല്‍ക്കുകയും ചെയ്തിട്ടുണ്ട്. അധ്യാപികയെ വെടിവച്ച ശേഷം മോട്ടോര്‍ സൈക്കിളില്‍ പോയ വിദ്യാര്‍ഥികള്‍ ഭീഷണി വീഡിയോ പകര്‍ത്താന്‍ പാതിവഴിയില്‍ നിര്‍ത്തി.
വിദ്യാര്‍ത്ഥികളില്‍ ഒരാള്‍ ടീച്ചര്‍ക്ക് 40 ബുള്ളറ്റുകള്‍ ഇടാന്‍ ആഗ്രഹിക്കുന്നുവെന്നും അടുത്ത ആറ് മാസത്തിനുള്ളില്‍ 39 ബുള്ളറ്റുകള്‍ കൂടി ശരീരത്തിലേക്ക് കേറ്റുമെന്നും ഭീഷണിപ്പെടുത്തുന്നതും കേള്‍ക്കാം. ആശങ്ക ഉയര്‍ത്തുന്ന വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. വിദ്യാര്‍ത്ഥികളും അധ്യാപകന്റെ ജ്യേഷ്ഠനും തമ്മിലുള്ള തര്‍ക്കമാണ് ആക്രമണത്തിന് പിന്നിലെന്ന് ഡെപ്യൂട്ടി പോലീസ് കമ്മീഷണര്‍ (ഡിസിപി) വെസ്റ്റ് സോനം കുമാര്‍ പറഞ്ഞു.
പ്രതികളും ഇരയും മാലുപൂര്‍ ഗ്രാമത്തില്‍ നിന്നുള്ളവരാണ്. അതേസമയം, പരിക്കേറ്റ അധ്യാപകനെ ആശുപത്രിയില്‍ പ്രവേശിപ്പിച്ചു, ഇപ്പോള്‍ ചികിത്സയിലാണ്. സംഭവത്തില്‍ ഖന്ദൗലി പൊലീസ് കേസെടുത്തു. പ്രായപൂര്‍ത്തിയാകാത്ത പ്രതികളെ പിടികൂടാന്‍ പോലീസ് സംഘത്തെ നിയോഗിച്ചിട്ടുണ്ടെന്ന് ഡിസിപി സോനം കുമാര്‍ പറഞ്ഞു. കേസില്‍ കൂടുതല്‍ അന്വേഷണം നടന്നുവരികയാണ്.
