എറണാകുളം ബോള്ഗാട്ടിക്ക് സമീപത്തുനിന്നു രാസലഹരിയായ എം.ഡി.എം.എയുമായി ടി.ടി.ഇ പിടിയില്. ഇടപ്പള്ളി, ചങ്ങമ്പുഴ റോഡ് എളവുങ്കല് വീട്ടില് അഖില് ജോസഫി(35)നെയാണു നാര്ക്കോട്ടിക് സെല് അസി. കമ്മിഷണര് കെ.എ അബ്ദുല് സലാമിന്റെ നേതൃത്വത്തിലുള്ള കൊച്ചി സിറ്റി ഡാന്സാഫ് ടീം പിടികൂടിയത്.
2.63 ഗ്രാം എം.ഡി.എം.എയും 3.76 ഗ്രാം ഹാഷിഷ് ഓയിലും പ്രതിയില്നിന്നും പിടിച്ചെടുത്തു. പതിവായി ലഹരി ഉപയോഗിച്ചിരുന്ന പ്രതി കൊച്ചി സിറ്റി ഡാന്സാഫ് ടീമിന്റെ നിരീക്ഷണത്തിലായിരുന്നു. കൊച്ചിയിലെ പ്രധാന ലഹരി വിതരണക്കാരന് കൂടിയായ അഖിലിനു പിതാവ് മരിച്ചതിനെ തുടര്ന്നാണ് ടി.ടി.ഇ-യുടെ ജോലി ലഭിച്ചത്. കൊച്ചി സിറ്റി പോലീസ് കമ്മീഷണര് പുട്ട വിമലാദിത്യയുടെ നിര്ദേശപ്രകാരം കൊച്ചി സിറ്റി ഡി.സി.പിമാരായ അശ്വതി ജിജി, ജുവനപ്പുടി മഹേഷ് എന്നിവരുടെ മേല്നോട്ടത്തിലായിരുന്നു.
