2016-ൽ തന്റെ ജീവിതം തലകീഴായി മാറ്റിയ സായുധ കവർച്ചയുടെ വിചാരണയിൽ സാക്ഷി പറയാന്‍ കിം കർദാഷിയാൻ ചൊവ്വാഴ്ച പാരീസ് കോടതിമുറിയിൽ ഹാജരായി. രാത്രിയിൽ മുഖംമൂടി ധരിച്ച പുരുഷന്മാർ തോക്കിൻമുനയിൽ കെട്ടിയിട്ട് 9 മില്യൺ ഡോളറിലധികം വിലമതിക്കുന്ന ആഭരണങ്ങൾ മോഷ്ടിച്ചസംഭവം കോടതിയില്‍ വിവരിക്കവേ കിം കർദാഷിയാൻ വികാരാധീനയായി
തോക്കിൻമുനയിൽ കൊള്ളയടിക്കപ്പെട്ട സംഭവത്തില്‍ പാരീസിലെ കോടതിയില്‍ നേരിട്ടെത്തിയാണ് അമേരിക്കൻ റിയാലിറ്റി ഷോ താരവും മോഡലുമായ കിം കർദാഷിയാൻ ജഡ്ജിക്ക് മുമ്പാകെ മൊഴി നൽകിയത്. പാരിസ് ഫാഷന്‍ വിക്കിനിടയ്ക്ക് ആഡംബര ഹോട്ടലില്‍ വച്ചാണ് കിം കൊള്ളയടിക്കപ്പെട്ടത്.
‘രാത്രി ഉറങ്ങാൻ കിടന്നപ്പോൾ പുറത്ത് ആരോ നടക്കുന്നതായി തോന്നി. പൊലീസ് യൂണിഫോമിലുള്ള പുരുഷന്മാരും കൈവിലങ്ങിട്ട നിലയിൽ മറ്റൊരാളും അകത്തേക്ക് വന്നു. കൈവിലങ്ങിട്ടിരുന്നയാൾ ഹോട്ടലിന്റെ ഒന്നാം നിലയിലെ സഹായി ആയിരുന്നു. എന്താണ് നടക്കുന്നതെന്ന് അയാളോട് ചോദിച്ചു . അയാളും തന്നെപ്പോലെ അക്രമികളുടെ ഇരയായിരുന്നു.
കൊള്ളക്കാർ പിന്നീട് എന്നെ കിടക്കയിലേക്ക് തള്ളിയിട്ടിട്ട് മോതിരം ചോദിച്ചു.
“എനിക്ക് കുഞ്ഞുങ്ങളുണ്ട്,” അവൾ കൊള്ളക്കാരോട് പറഞ്ഞത് ഓർത്തു. “എനിക്ക് വീട്ടിലെത്തണം. നിങ്ങള്‍ക്ക് എല്ലാം കൊണ്ടുപോകാം. എനിക്ക് വീട്ടിലേക്ക് മടങ്ങണം.”
ഒരാൾ തലയ്ക്കുനേരെ തോക്കുചൂണ്ടി. മറ്റൊരാൾ വായിലും കൈകളിലും ടേപ്പ് ചുറ്റി. അയാൾ കാലുകൾ പിടിച്ചു വലിച്ചു. അവളുടെ മേലങ്കി അഴിഞ്ഞു വീണു – നഗ്നയാണെന്ന് അവൾ അറിഞ്ഞു – ഒരാൾ അവളെ അവന്റെ അടുത്തേക്ക് വലിച്ചപ്പോൾ. “അയാൾ എന്നെ ബലാത്സംഗം ചെയ്യാൻ പോകുന്ന നിമിഷം അതാണെന്ന് എനിക്ക് ഉറപ്പായിരുന്നു,” കർദാഷിയാൻ പറഞ്ഞു.
ഒരു അക്രമി ചാരി നിന്ന് അവളോട് പറഞ്ഞു, അവൾ മിണ്ടാതിരുന്നാൽ കുഴപ്പമില്ലെന്ന്. പുറത്തുപോയ സഹോദരി കോർട്ട്നി തിരിച്ചുവരുമ്പോൾ തന്റെ മൃതദേഹം കാണുമോ എന്നും ഭയപ്പെട്ടുവെന്നും കിം പറഞ്ഞു. ഞാൻ ശരിക്കും മരിക്കുമെന്ന് കരുതി . ആഭരണങ്ങൾ എടുത്തശേഷം അവർ എന്നെ ബാത്ത്റൂമിൽ ഉപേക്ഷിക്കുകയായിരുന്നു.
പിന്നീട് കർദാഷിയാൻ ബാത്ത്റൂം സിങ്കിൽ ടേപ്പ് ഉരച്ച് കൈകൾ സ്വതന്ത്രമാക്കി. താഴത്തെ നിലയിലുണ്ടായിരുന്ന സ്റ്റൈലിസ്റ്റിനെ വിവരമറിയിച്ചശേഷം പുറത്തൊരിടത്ത് ഒളിച്ചിരിക്കുകയായിരുന്നെന്നും കിം കർദാഷിയാൻ പറഞ്ഞു.
ഹൈസ്കൂളിൽ നിന്ന് ബിരുദം നേടിയപ്പോൾ അവളുടെ പരേതനായ അച്ഛൻ അവൾക്ക് നൽകിയ വാച്ച് ഉൾപ്പെടെയുള്ള സാധനങ്ങൾ അവർ കൊണ്ടുപോയി. “അത് വെറും ആഭരണങ്ങൾ മാത്രമായിരുന്നില്ല. ഒരുപാട് ഓർമ്മകൾ ആയിരുന്നു,” അവൾ പറഞ്ഞു.
അതേസമയം കേസിലെ പ്രധാന പ്രതിക്ക് കിം കോടതിയിൽവെച്ച് മാപ്പുനൽകി. 9 മില്യൺ ഡോളറിന്റെ ആഭരണങ്ങൾ (ഏകദേശം 85 കോടി ഇന്ത്യൻ രൂപ) ആണ് അന്ന് മോഷണംപോയത്.
