യൂറോപ്പിലെ കനത്ത ശൈത്യ കാലത്ത് പോലും 20 ഡിഗ്രി താപനില. ഇതിനൊപ്പം വിലകുറഞ്ഞ റമ്മും മനോഹരമായ കാഴ്ചകളും വാഗ്ദാനം ചെയ്യുന്ന അധികം കേട്ടിട്ടില്ലാത്ത സ്പാനിഷ് ദ്വീപ് ‘ലാ പാല്‍മ’ സഞ്ചാരികള്‍ക്ക് നല്‍കുന്നത് അസാധാരണമായ യാത്രാനുഭവം. ദ്വീപിന്റെ സൂഷ്മ കാലാവസ്ഥ പലപ്പോഴും ഒരു വശത്ത് മേഘാവൃതവും മറുവശത്ത് ശോഭയുള്ള സൂര്യപ്രകാശവും ആയിരിക്കും.
ലാ പാല്‍മയില്‍ അഭിഭാഷകനേക്കാള്‍ കൂടുതല്‍ വരുമാനം വാഴ കര്‍ഷകര്‍ നേടുന്നുവെന്ന് നാട്ടുകാര്‍ പറയുന്നത് കേള്‍ക്കുമ്പോള്‍ ആര്‍ക്കും കൗതുകം തോന്നും. ആയിരക്കണക്കിന് വാഴകള്‍ ഇവിടെ കണ്ണെത്താദൂരത്തോളം കുന്നുകള്‍ വരെ നീണ്ടുകിടക്കുന്നു. ഓരോന്നിനും ഏകദേശം 130 പഴങ്ങള്‍ വീതമുണ്ട്. എന്തുകൊണ്ടാണ് വാഴകൃഷി ഒരു ആകര്‍ഷകമായ തൊഴില്‍ ഓപ്ഷനാകുന്നതെന്ന് മനസ്സിലാക്കാന്‍ ഇതിനേക്കാള്‍ കൂടുതല്‍ ഒരു കാര്യവും വേണ്ട. സ്‌പെയിനിലെ കാനറി ദ്വീപുകളിലെ അഞ്ചാമത്തെ വലിയ ദ്വീപ് എല്ലാ വര്‍ഷവും സ്‌പെയിനിലെ മധുരമുള്ള മാമ്പഴങ്ങള്‍, അവോക്കാഡോകള്‍, പപ്പായ എന്നിവയ്ക്കൊപ്പം കയറ്റുമതി ചെയ്യുന്നു.
ഓരോ വര്‍ഷവും ഏകദേശം 150,000 വിനോദസഞ്ചാരികളാണ് ഈ ദ്വീപിലേക്ക് വരുന്നത്. രണ്ട് വര്‍ഷം മുമ്പ് 50 വര്‍ഷത്തിനിടെ ആദ്യമായി ദ്വീപില്‍ ഒരു അഗ്‌നിപര്‍വ്വതം പൊട്ടിത്തെറിച്ചു. അത് രണ്ട് മാസത്തേക്ക് സജീവമായി തുടരുകയും ചെയ്തു. ഇത് ചെറിയ ടൂറിസം മേഖലയെ സാമ്പത്തീകമായി തകര്‍ത്തിരുന്നു. ദ്വീപിന്റെ പടിഞ്ഞാറ് ഭാഗത്തേക്ക് നീങ്ങിയാല്‍, 2021-ല്‍ കംബ്രെ വിജ പര്‍വതത്തിലുണ്ടായ പൊട്ടിത്തെറി എങ്ങിനെയാണ് മേഖലയെ ബാധിച്ചതെന്നതിന്റെ ഒരു സൂചന കിട്ടും. 3000 കെട്ടിടങ്ങളാണ് അഗ്നിപര്‍വ്വത പൊട്ടിത്തെറിയില്‍ നശിച്ചത്.
85 ദിവസം നീണ്ട ദ്വീപ് കണ്ടിട്ടുള്ളതില്‍ വച്ച് ഏറ്റവും ദൈര്‍ഘ്യമേറിയ സ്‌ഫോടനമായി ഇത് മാറി. ചൂട് 25 ഡിഗ്രി സെല്‍ഷ്യസിലേക്ക് ഉയര്‍ന്നു. അതിശൈത്യമുള്ള ജനുവരിയില്‍ പോലും, ശരാശരി താപനില 20 ഡിഗ്രി സെല്‍ഷ്യസ് ആയി. ഒരു മാസത്തില്‍ 4 മില്ലിമീറ്ററില്‍ താഴെയാണ് ഇവിടെ മഴ പെയ്യുന്നത്. അതുകൊണ്ടു തന്നെ എപ്പോഴും മഹത്തായ നീലാകാശം ഉറപ്പ് നല്‍കുന്നു.
വാഴത്തോട്ടങ്ങളാലും നീലനിറത്താലും ചുറ്റപ്പെട്ട ഈ കുന്നി തെക്കേ ചെരുവിലുള്ള റോഡിലൂടെ ഏതാനും മൈലുകള്‍ മാത്രമേയുള്ള ഫ്യൂന്‍കാലിയന്റിലെ അഗ്‌നിപര്‍വ്വതത്തിലേക്ക്. കാല്‍നടയാത്രാ റൂട്ടുകള്‍ സ്വീകരിച്ചാല്‍ ദിവസങ്ങളോളം മനോഹരമായ കടല്‍ കാഴ്ചയുണ്ട്. ബസില്‍ ദ്വീപ് മുഴൂവന്‍ ചുറ്റിക്കാണിക്കുന്ന ഡേ ട്രിപ്പുമുണ്ട്. മലമുകളിലേക്കുള്ള നീണ്ട യാത്രയില്‍ ഉടനീളം കാറ്റ് പിന്തുടരും. തെളിഞ്ഞ ആകാശം നക്ഷത്രങ്ങളെയും ഏറ്റവും തിളക്കമുള്ളതായി കാണുന്നതിന് രാത്രി ഡ്രൈവിന് അനുയോജ്യമായ സ്ഥലമാക്കിയും മാറ്റുന്നു.
വടക്ക് കിഴക്കന്‍ ഭാഗത്തുള്ള സാന്‍ ആന്ദ്രെസില്‍ നിന്നും കാറുകള്‍ വാടകയ്ക്ക് കിട്ടും. ലാ പാല്‍മയില്‍ സ്പിരിറ്റ്് നികുതി രഹിതമായതിനാല്‍, നൂറുകണക്കിന് വര്‍ഷങ്ങളായി ദ്വീപിലെ കരിമ്പില്‍ നിന്ന് നിര്‍മ്മിച്ച റമ്മും ഇവിടെ കിട്ടും. ഇതിനൊപ്പം കാസ്‌കഡ ഡി ലോസ് തിലോസ് വെള്ളച്ചാട്ടം കാണാന്‍ മഴക്കാടുകളിലൂടെ ഒരു യാത്രയും ലാ പാല്‍മ വാഗ്ദാനം ചെയ്യുന്നു. മനോഹരമായ പൈന്‍ മരങ്ങക്കിടയിലൂടെയാണ് യാത്ര.
