യേശുവിന്റെ പൂര്‍വികര്‍ അടച്ചുപൂട്ടിയെന്ന് കരുതുന്ന ഒരു ദേവാലയം വര്‍ഷങ്ങള്‍ക്ക് ശേഷം കണ്ടെത്തി. ജറുസലേമിന്റെ പുരാതന ഹൃദയഭാഗത്ത് ഏകദേശം 3,000 വര്‍ഷം പഴക്കമുള്ള ആരാധനാലയമാണ് ഇത്. ടെമ്പിള്‍ മൗണ്ടിനടുത്തുള്ള പാറയില്‍ കൊത്തിയെടുത്ത ഈ ആരാധനാലയത്തില്‍ ഒരു ബലിപീഠം, പവിത്രമായ നില്‍ക്കുന്ന കല്ല്, ഒലിവ് ഓയിലും വീഞ്ഞും കൈകാര്യം ചെയ്യാനുള്ള സൗകര്യങ്ങളും എട്ടു മുറികളും ഉണ്ട്.
യേശുവിന്റെ പൂര്‍വ്വികരില്‍ ഒരാളായ ഹിസ്‌കീയാവുമായി ബന്ധപ്പെടുത്തിയാണ് കണ്ടെത്തല്‍. വിഗ്രഹാരാധനാകേന്ദ്രങ്ങള്‍ ഹിസ്‌കീയാവ് തകര്‍ത്തതെങ്ങനെയെന്ന് വിവരിക്കുന്ന ബൈബിളില്‍ അതിന്റെ നാശം ഉള്‍പ്പെടുത്തിയിരിക്കാമെന്ന് വിദഗ്ധര്‍ വിശ്വസിക്കുന്നു. ഇസ്രായേല്‍ ആന്റിക്വിറ്റീസ് അതോറിറ്റിയുടെ (ഐഎഎ) എക്സ്‌കവേഷന്‍ ഡയറക്ടര്‍ എലി ഷുക്രോണിന്റെ അഭിപ്രായത്തില്‍ ഹിസ്‌കിയ രാജാവിന്റെ ഭരണകാലത്ത് മതപരിഷ്‌ക്കരണത്തിന്റെ ഭാഗമായി ബിസി എട്ടാം നൂറ്റാണ്ടില്‍ ഈ ആരാധനാലയം പ്രവര്‍ത്തിക്കുന്നത് അവസാനിപ്പിച്ചിരിക്കാമെന്നും പറയുന്നു.
ബൈബിള്‍ അനുസരിച്ച്, യഹൂദയിലെ രണ്ട് രാജാക്കന്മാര്‍ ഹിസ്‌കിയയും ജോസിയയും കൊണ്ടുവന്ന മതപരമായ പരിഷ്‌ക്കാരത്തിന്റെ ഭാഗമായി യെരൂശലേമിലെ പ്രാര്‍ത്ഥനാലയത്തില്‍ ആരാധന കേന്ദ്രീകരിക്കുവാന്‍ വേണ്ടി രാജ്യത്തുടനീളം ചിതറിക്കിടക്കുന്ന മറ്റ് ആചാരപരമായ സ്ഥലങ്ങള്‍ അവര്‍ നിര്‍ത്തലാക്കി. മത്തായിയുടെ സുവിശേഷത്തില്‍ രണ്ട് രാജാക്കന്മാരും യേശുവിന്റെ പിതാമഹന്മാരായി തിരിച്ചറിയപ്പെടുന്നു.
എന്നാല്‍ സൈറ്റിലെ പവിത്രമായ നില്‍ക്കുന്ന കല്ല് ആക്രമണത്തെ അതിജീവിച്ചു. ഖനനത്തിലെ ഏറ്റവും നാടകീയവും പ്രധാനപ്പെട്ടതുമായ കണ്ടെത്തല്‍’ എന്നാണ് ഷുക്രോണ്‍ ഇതിനെ വിശേഷിപ്പിച്ചത്. മറ്റൊരു മുറിയില്‍ ഒരു ബലിപീഠത്തിന്റെ അവശിഷ്ടങ്ങള്‍ ഉണ്ടായിരുന്നു. സൈറ്റിന്റെ ഒരു ഭാഗത്ത്, നിഗൂഢമായ വി ആകൃതിയിലുള്ള കൊത്തുപണികള്‍ തറയില്‍ അടയാളപ്പെടുത്തിയിട്ടുണ്ട്. ഇതിനൊപ്പം ബിസി എട്ടാം നൂറ്റാണ്ടിലെ പുരാവസ്തുക്കളുടെ ഒരു ശേഖരവും കണ്ടെത്തിയിട്ടുണ്ട്.
പാചകം ചെയ്യുന്ന പാത്രങ്ങള്‍, പുരാതന എബ്രായ ലിഖിതങ്ങളുടെ ശകലങ്ങളുള്ള ഭരണികള്‍, തറി തൂക്കങ്ങള്‍, സ്‌കാര്‍ബുകള്‍, അലങ്കാര രൂപങ്ങളുള്ള മുദ്ര പതിപ്പിച്ച മുദ്രകള്‍, ധാന്യങ്ങള്‍ പൊടിക്കാന്‍ ഉപയോഗിക്കുന്ന കല്ലുകള്‍ എന്നിവ ഇതില്‍ ഉള്‍പ്പെടുന്നു. ജറുസലേമിന്റെ പുരാതന ഹൃദയഭാഗത്താണ് ഈ സൈറ്റ് സ്ഥിതിചെയ്യുന്നത് ടെമ്പിള്‍ മൗണ്ടില്‍ നിന്ന് നൂറ് മീറ്റര്‍ അകലെയാണ്.
