ലോകത്തെ അത്ഭുതങ്ങളുടെ കണക്കെടുത്താല് ഒരെണ്ണം ചൈനയില് ഇപ്പോഴുമുണ്ട്. ചൈനയുമായി ബന്ധപ്പെട്ട ലാന്റ്മാര്ക്ക് അടയാളപ്പെടുത്താന് പറഞ്ഞാല് ആദ്യം ഓര്മ്മയില് എത്തുന്നതാകട്ടെ വന്മതിലും. എന്തായാലും ചൈന മറ്റൊരു അത്ഭുതം കൂടി ലോകത്തിന് കാത്തുവെച്ചിരിക്കുകയാണ്. അവയില് ഒന്ന് നല്ല ഒഴുക്കുള്ള നദിക്ക് നടുവിലൂടെയുള്ള ഒന്നാന്തരം ഒരു വാഹനയാത്രയാണ്.
ചൈനയിലെ ക്വിംഗ്ജിയാങ് നദിയുടെ ഉപരിതലത്തിലൂടെ 400 മീറ്റര് വരുന്ന യാത്രാനുഭവമാണ്. ഇതിനായി അവര് ‘സ്വപ്നങ്ങളുടെ പാലം’ തുറന്നിരിക്കുകയാണ്. ‘ബ്രിഡ്ജ് ഓഫ് ഡ്രീംസ്’ എന്നറിയപ്പെടുന്ന ഷിസിഗുവാന് ഫ്ലോട്ടിംഗ് ബ്രിഡ്ജ് 2.8 ടണ് വരെ ഭാരമുള്ള കാറുകള്ക്ക് സഞ്ചരിക്കാന് അനുവദിക്കുന്നു. ഹുബെയ് പ്രവിശ്യയിലെ എന്ഷി പ്രിഫെക്ചറിലെ കാടുമൂടിയ മലനിരകള്ക്കിടയില് സ്ഥിതി ചെയ്യുന്ന ഷിസിഗുവാന് പ്രകൃതിരമണീയമായ സ്ഥലം ചൈനയിലെ ഏറ്റവും മനോഹരമായ പ്രകൃതിദത്ത ആകര്ഷണങ്ങളിലൊന്നാണ്.
മറ്റ് ആകര്ഷണീയമായ കാഴ്ചകളില് നിന്ന് ഇതിനെ വേര്തിരിക്കുന്നത് ഫ്ളോട്ടുകള് കൊണ്ട് നിര്മ്മിച്ച പാലത്തിലൂടെ വാഹനമോടിക്കുമ്പോള് മനോഹരമായ പ്രകൃതിദൃശ്യങ്ങള് ആസ്വദിക്കാനാകും. റോള്ഓവറുകള് തടയാന് ജര്മ്മന് സാങ്കേതികവിദ്യ ഉപയോഗിച്ച് നിര്മ്മിച്ച ഷിസിഗുവാന് ഫ്ലോട്ടിംഗ് ബ്രിഡ്ജ് വാഹന ഗതാഗതത്തിനും കാല്നടയാത്രക്കാര്ക്കുമായി 2016 മുതല് പ്രവര്ത്തനക്ഷമമാണ്. അധിക സ്ഥിരതയ്ക്കായി വെള്ളം നിറച്ച ഉയര്ന്ന സാന്ദ്രത പോളിയെത്തിലീന് ഫ്ലോട്ടുകളില് നിന്നാണ് പാലം നിര്മ്മിച്ചിരിക്കുന്നത്.
ഡ്രൈവര്മാര് 20 കി.മീ/മണിക്കൂര് എന്ന വേഗപരിധി പാലിക്കുന്നുണ്ടെങ്കില്, അവര്ക്ക് നദിയുടെ അടിയില് മൃദുലമായ ചലനം മാത്രമേ അനുഭവപ്പെടൂ. എട്ട് വര്ഷങ്ങള്ക്ക് മുമ്പ് തുറന്നത് മുതല്, ഷിസിഗുവാന് ഫ്ലോട്ടിംഗ് ബ്രിഡ്ജ് ഷിസിഗുവാന് അനുഭവിക്കാന് ധാവാളം പേര് ഇവിടെയെത്തുന്നു. പാലത്തില് വണ്വേ ഗതാഗതമാണ് അനുവദിച്ചിട്ടുള്ളത്. എന്നിരുന്നാലും അപകടങ്ങള് ഉണ്ടാകാറുണ്ട്. 2023 ല്, എട്ട് യാത്രക്കാരുമായി ഒരു മള്ട്ടി പര്പ്പസ് വാഹനം റെയിലിംഗിലൂടെ ഇടിച്ച് ക്വിംഗ്ജിയാങ് നദിയുടെ ആഴത്തിലുള്ള വെള്ളത്തിലേക്ക് വീഴുകയായിരുന്നു. അന്ന് അഞ്ച് പേര്ക്ക് ജീവന് നഷ്ടപ്പെട്ടപ്പോള് മൂന്ന് പേര്ക്ക് കാറില് നിന്ന് ഇറങ്ങി നീന്തി കരയിലെത്തി.