രാജ്യത്ത് കഴിഞ്ഞ ഏതാനും നാളുകളായി പെരുമ്പാമ്പുകളുടെ ശല്യം അതിരൂക്ഷമായി വർധിച്ചുകൊണ്ടിരിക്കുകയാണ്. കേരളത്തിൽ വനാതിർത്തിയോട് ചേർന്നുള്ള പല പ്രദേശങ്ങളിലും ഇവയെ കണ്ടെത്തിയതുമായി ബന്ധപ്പെട്ട് നിരവധി സംഭവങ്ങളാണ് റിപ്പോർട്ട്‌ ചെയ്തിട്ടുള്ളത്. ജനവാസമേഖലകളിൽ കടന്നുകയറി വളർത്തുമൃഗങ്ങളെയും മനുഷ്യനെയുംവരെ ഇവ വേട്ടയാടി തുടങ്ങിയിരിക്കുന്നു. ഏതായാലും കഴിഞ്ഞ ദിവസം പുറത്തുവന്ന ഒരു വിഡീയോ കാണികളെ അക്ഷരാർത്ഥത്തിൽ ഞെട്ടിച്ചു.
പശുകിടാവിനെ അതിവിദഗ്ധമായി വിഴുങ്ങാൻ ശ്രമിക്കുന്ന ഒരു പെരുമ്പാമ്പിന്റെ വീഡിയോയായിരുന്നു ഇത്. പെരുമ്പാമ്പ് പശുക്കിടാവിനെ മുഴുവനായി വിഴുങ്ങാൻ ശ്രമിച്ച നാടകീയ നിമിഷം ദൃക്‌സാക്ഷികളാണ് പകർത്തി സോഷ്യൽ മീഡിയയിൽ പങ്കുവെച്ചത്. എക്‌സ് പോലുള്ള പ്ലാറ്റ്‌ഫോമുകളിൽ വ്യാപകമായി പങ്കിട്ട വൈറൽ ഫൂട്ടേജിൽ തന്റെ താടിയെല്ലുകൾ കൊണ്ട് പ ശുകിടാവിനെ അകത്താക്കാൻ ശ്രമിക്കുന്ന പെരുമ്പാമ്പിനെയാണ് കാണുന്നത്.
അപൂർവവും അപകടകരവുമായ സംഭവത്തിൽ കാഴ്ചക്കാർ ഞെട്ടൽ പ്രകടിപ്പിച്ചതോടെ വീഡിയോ ഓൺലൈനിൽ നിരവധി പ്രതികരണങ്ങൾക്ക് കാരണമായി.
പെരുമ്പാമ്പിന്റെ മാരകമായ പിടിയിൽ നിന്ന് നിസ്സഹായയായ പശുക്കുട്ടിയെ രക്ഷിക്കാൻ ശ്രമിക്കുന്ന ദൃക്‌സാക്ഷികളെയും വീഡിയോയിൽ കാണാം. പാമ്പിന്റെ കോട്ടയിൽ നിന്ന് പശുക്കുട്ടിയെ പുറത്തെടുക്കുന്നത് എളുപ്പമുള്ള കാര്യമല്ല, കാരണം ഭീമാകാരമായ ഉരഗങ്ങൾ ഇരയെ ചുറ്റിപ്പിടിക്കുന്നതുകൊണ്ടുതന്നെ അവയെ രക്ഷപ്പെടുത്തുക വളരെ സാഹസമാണ്. ഇത്തരം സംഭവങ്ങൾ വളരെ അപൂർവമായേ ക്യാമറയിൽ പതിഞ്ഞിട്ടുള്ളൂ അതുകൊണ്ട് തന്നെ ഇത്തരം സംഭവങ്ങൾ ആശങ്കയും സൃഷ്ടിക്കുന്നുണ്ട്.
പാമ്പിന്റെ ശക്തിയിൽ ചിലർ ആശ്ചര്യപ്പെടുകയും പശുക്കുട്ടിയെ രക്ഷിക്കാൻ താൽപ്പര്യം പ്രകടിപ്പിക്കുകയും ചെയ്യുന്ന വീഡിയോ ഇന്റര്‍നെറ്റില്‍ ശ്രദ്ധനേടി. വന്യജീവികളോട് അടുത്ത് താമസിക്കുന്നതിന്റെ അപകടങ്ങൾ ഈ സംഭവം എടുത്തുകാണിക്കുന്നു, പ്രത്യേകിച്ച് പാമ്പുകളുമായും മറ്റ് അപകടകരമായ മൃഗങ്ങളുമായും ഏറ്റുമുട്ടാൻ സാധ്യതയുള്ള ഗ്രാമപ്രദേശങ്ങളിൽ.
