ഒഡിഷയിൽ പരീക്ഷയ്ക്കിടെ ഉറങ്ങിപ്പോയ വിദ്യാർത്ഥിയെ ഒരു അധ്യാപകൻ ഉണർത്തുന്ന വീഡിയോ ഇന്റർനെറ്റിന്റെ മനം കവർന്നു. ഈ നിമിഷം വളരെ ഹൃദയസ്പർശിയായതിനാൽ പല സോഷ്യൽ മീഡിയ ഉപയോക്താക്കളും ഇതിനെ “ഏറ്റവും മനോഹരമായ പരീക്ഷാ നിമിഷം” എന്ന് വിശേഷിപ്പിച്ചു.
പ്രഭാത് കുമാർ പ്രധാൻ ഇൻസ്റ്റാഗ്രാമിൽ പങ്കുവെച്ച ഈ വൈറൽ ക്ലിപ്പ് ദശലക്ഷക്കണക്കിന് ആളുകളാണ് കണ്ടത്.
തുടക്കത്തിൽ ഒരു വിദ്യാർത്ഥി തല മേശപ്പുറത്തുവച്ച് ഉറങ്ങുന്നതാണ് കാണുന്നത്. ഉത്തരക്കടലാസിനും ചോദ്യപേപ്പറിനും മുകളില് തലവച്ചാണ് ഉറക്കം. തൊടാതെ കിടക്കുന്നു. പ്രഭാത് കുമാർ അവന്റെ അടുത്തേക്ക് വന്ന് അവന്റെ പുറത്ത് തലോടി അവനെ മൃദുവായി ഉണർത്തുന്നു. ഞെട്ടി ഉണർന്ന കുട്ടി അത്ഭുതത്തോടെ തലയുയർത്തി നോക്കിയപ്പോൾ ക്ലാസിലെ കുട്ടികളും അധ്യാപകനും ചിരിക്കാൻ തുടങ്ങി.
ഹൃദയസ്പർശിയായ ഈ വീഡിയോയെ സോഷ്യൽ മീഡിയ ഉപയോക്താക്കൾ ഏറ്റെടുത്തു. “പഠനത്തിന്റെ സമ്മർദ്ദം + ഉറക്കത്തിന്റെ ആക്രമണം = ഏറ്റവും മനോഹരമായ പരീക്ഷാ നിമിഷം! അദ്ദേഹത്തെപ്പോലെ ഒരു അധ്യാപകൻ ഉണ്ടെങ്കിൽ എല്ലാം എളുപ്പത്തിൽ കൈകാര്യം ചെയ്യാനാകും,” ഒരു ഉപയോക്താവ് പറഞ്ഞു.
മറ്റൊരു ഉപയോക്താവ് കൂട്ടിച്ചേർത്തു, “സാറിന്റെ ചിരി മനോഹരമാണ്. ശാസിക്കുന്നതിന് പകരം അദ്ദേഹം ചിരിച്ചു, അത് വിദ്യാർത്ഥികൾക്ക് വലിയ മാറ്റമുണ്ടാക്കി.”
“അധ്യാപകർ നിങ്ങളെപ്പോലെയായിരിക്കണം,” മറ്റൊരു ഉപയോക്താവ് പറഞ്ഞു.
