‘തുടരും’ സിനിമയുടെ വന്വിജയം സൂപ്പര്സ്റ്റാര് മോഹന്ലാലിന്റെ തൊപ്പിയിലേക്ക് മറ്റൊരു തൂവല് കൂടി ചേര്ത്തിരിക്കുകയാണ്. തന്റെ ഏറ്റവും പുതിയ ചിത്രത്തിന്റെ വിജയത്തിന്റെ നന്ദിയായി മോഹന്ലാല് തമിഴ്നാട്ടിലെ തെങ്കാശി ജില്ലയിലെ തിരുമലൈ കുമാരസാമി ക്ഷേത്രത്തില് ദർശനം നടത്തി വഴിപാടായി ചെമ്പിൽ തീര്ത്ത വേല് സമർപ്പിച്ചു.
തുടരും’ സിനിമയില്, മോഹന്ലാലിന്റെ കഥാപാത്രം മുരുകന്റെ ഭക്തനായ ഷണ്മുഖനാണ്. അത് ജീവിതത്തില് തന്നെ നടന് അന്വര്ത്ഥമാക്കുകയായിരുന്നു. സിനിമയിലെ ‘കൊണ്ടാട്ടം’ പാട്ടിലും തിരുമല മുരുകനെക്കുറിച്ചുള്ള പരാമർശമുണ്ട്. ദക്ഷിണപഴനിയെന്നപേരിൽ അറിയപ്പെടുന്ന മുരുക ക്ഷേത്രമായ തിരുമലക്കോവിൽ വിശ്വാസികൾക്കും വിനോദസഞ്ചാരികൾക്കും പ്രിയപ്പെട്ട ഇടമാണ്. അല്ലു അർജുന്റെ പുഷ്പ സിനിമയടക്കം ഇവിടെ ചിത്രീകരിച്ചിട്ടുണ്ട്. 600 വര്ഷത്തിനപ്പുറമാണ് തിരുമലകോവിലിന്റെ പഴക്കം കണക്കാക്കുന്നത്.
ഹൃദയസ്പര്ശിയായ ഒരു കുറിപ്പില് തന്റെ ആരാധകരോടുള്ള സ്നേഹവും പിന്തുണയും മോഹന്ലാല് പ്രകടിപ്പിച്ചു. ആരാധകരുടെ സ്നേഹവും പിന്തുണയും തന്നെ എത്രമാത്രം ആഴത്തില് സ്പര്ശിച്ചുവെന്ന് മോഹന്ലാല് പ്രകടിപ്പിച്ചു. ”ഓരോ സന്ദേശവും ഓരോ അഭിനന്ദന വാക്കുകളും എനിക്ക് പൂര്ണ്ണമായി പ്രകടിപ്പിക്കാന് കഴിയാത്ത വിധത്തില് എന്നെ സ്പര്ശിച്ചു,” അദ്ദേഹം പങ്കുവെച്ചു.
‘തുടരും’ കേരള ബോക്സ് ഓഫീസ് ചരിത്രത്തിലെ പുതിയ പ്രതിഭാസമായി മാറിയിരുന്നു. കേരളത്തില് മാത്രം 100 കോടിയിലധികം കളക്ഷന് നേടിയ ചിത്രം ബോക്സ് ഓഫീസ് റെക്കോര്ഡുകള് തകര്ത്തു. 100 കോടി കേരള ഗ്രോസ്’ എന്ന് പ്രഖ്യാപിക്കുന്ന ഒരു പോസ്റ്ററോടെയാണ് മോഹന്ലാല് ഈ നാഴികക്കല്ല് അടയാളപ്പെടുത്താന് സോഷ്യല് മീഡിയയില് എത്തിയത്.
ഏകദേശം രണ്ട് പതിറ്റാണ്ടുകള്ക്ക് ശേഷം ശോഭന മോഹന്ലാലിനൊപ്പം തിരിച്ചുവരവ് നടത്തിയ സിനിമ കൂടിയായിരുന്നു. ‘മണിച്ചിത്രത്താഴ്’, ‘തേന്മാവിന് കൊമ്പത്ത്’, ‘മാമ്പഴക്കാലം’ തുടങ്ങിയ ക്ലാസിക്കുകള്ക്കായി ഒന്നിച്ച ഈ ജോഡി മലയാള സിനിമ യിലെ ഏറ്റവും വലിയ വിജയ ചിത്രങ്ങളാണ്. ഈ ഒത്തുചേരല് മോഹന്ലാലി ന്റെ 360-ാമത്തെ ചിത്രവും ശോഭനയ്ക്കൊപ്പമുള്ള അദ്ദേഹത്തിന്റെ 56-ാമത്തെ ചിത്രവുമായിരുന്നു.
