വര്ണ്ണവിവേചനകാലത്ത് കറുത്തവര്ഗ്ഗക്കാരെ വെടിവച്ചുകൊന്ന കൊലപാതകി തന്റെ തോക്കിനിരയാക്കിയത് 39 പേരെ. ‘വര്ണ്ണവിവേചന കൊലയാളി’ എന്ന് വിളിക്കപ്പെടുന്ന ഇയാളുടെ പല്ലുകള് നഷ്ടപ്പെട്ടു. ആരോഗ്യം ക്ഷയിച്ചു. ഹൃദയാഘാതത്തെത്തുടര്ന്ന്, രണ്ട് കാലുകളും അടുത്തിടെ മുറിച്ചുമാറ്റി, വീല്ചെയറിലാണ്. കാല് മുറിച്ചുമാറ്റുന്ന ശസ്ത്രക്രിയ സര്ജന് നടത്തിയപ്പോള്, വാന് ഷൂര് ജനറല് അനസ്തേഷ്യയ്ക്ക് പകരം ഒരു എപ്പിഡ്യൂറല് ആവശ്യപ്പെട്ടു. കാലുകള് മുറിച്ചുമാറ്റുന്നത് സ്വന്തം കണ്ണുകള് കൊണ്ടു കണ്ടു.
1980-കളില് രാജ്യത്തെ വംശീയ വര്ണ്ണവിവേചന വ്യവസ്ഥയ്ക്ക് കീഴില് മൂന്ന് വര്ഷം കൊണ്ട് വാന് ഷൂര് കൊന്നുകളഞ്ഞത് 39 പേരെയാണ്. ഇരകളെല്ലാം കറുത്ത വര്ഗക്കാരായിരുന്നു. ഇയാളുടെ ഏറ്റവും പ്രായം കുറഞ്ഞ ഇര ഒരു 12 വയസ്സുകാരനായിരുന്നു. ദക്ഷിണാഫ്രിക്കയിലെ ഈസ്റ്റേണ് കേപ്പിലെ ഈസ്റ്റ് ലണ്ടനിലായിരുന്നു ഇയാളുടെ കൊലപാതകങ്ങള് അത്രയും നടന്നത്.
വാന് ഷൂര് ഒരു സെക്യൂരിറ്റി ഗാര്ഡായിരുന്നു. വെള്ളക്കാരുടെ ഉടമസ്ഥതയിലുള്ള സ്ഥാപനങ്ങളില് അതിക്രമിച്ചു കടക്കുന്നവരെ കൈകാര്യം ചെയ്യാന് നിയോഗിക്കപ്പെട്ട സുരക്ഷാ ഉദ്യോഗസ്ഥന്. 70% ബിസിനസുകളെയും സംരക്ഷിക്കുന്നതിനുള്ള കരാര് സ്ഥാപനങ്ങളുമായി വാന്ഷൂര് ഒപ്പുവെച്ചിരുന്നു. അതിന്റെ മറവിലായിരുന്നു കൊലപാതകങ്ങള്. റസ്റ്റോറന്റുകള്, കടകള്, ഫാക്ടറികള്, സ്കൂളുകള് എന്നിവയെല്ലാം ഉള്പ്പെട്ടു. താന് കൊന്ന എല്ലാവരും ‘കുറ്റവാളികള്’ ആണെന്നും ഈ കെട്ടിടങ്ങളില് അതിക്രമിച്ചു കയറുന്നത് കയ്യോടെ പിടികൂടിയെന്നും അദ്ദേഹം വളരെക്കാലമായി അവകാശപ്പെട്ടിരുന്നു. വാന്ഷൂറിന്റെ ഇരകളെല്ലാം ഭക്ഷണം പോലെയുള്ള നിത്യവൃത്തിക്ക് വേണ്ടി മോഷണം നടത്തിയ നിസ്സാര കുറ്റവാളികള് ആയിരുന്നെന്ന് വാന് ഷൂറിന്റെ കേസ് അന്വേഷിക്കാന് 20 വര്ഷം ചെലവഴിച്ച ദക്ഷിണാഫ്രിക്കന് പത്രപ്രവര്ത്തകയും ചലച്ചിത്ര നിര്മ്മാതാവുമായ ഇസ ജേക്കബ്സണ് പറയുന്നു.
വാന് ഷൂറിന്റെ കൊലപാതകങ്ങള് കിഴക്കന് ലണ്ടനിലെ കറുത്തവര്ഗ്ഗക്കാരില് ഭീതി ഉളവാക്കി. രാത്രിയില് ആളുകളെ അപ്രത്യക്ഷരാക്കുന്ന ‘മീശക്കാര്’ എന്ന് വിളിപ്പേരുള്ള – ഒരു താടിക്കാരനെക്കുറിച്ചുള്ള കഥകള് നഗരത്തിലുടനീളം പരന്നു. 1986 നും 1989 നും ഇടയിലുള്ള എല്ലാ കൊലപാതകങ്ങളും വാന് ഷൂര് തന്നെയാണ് പോലീസില് റിപ്പോര്ട്ട് ചെയ്തത്. എന്നാല് 1990 ല് വര്ണ്ണവിവേചന വിരുദ്ധ നേതാവ് നെല്സണ് മണ്ടേല ജയിലില് നിന്ന് മോചിതനായതോറെ വാന്ഷൂര് കുടുങ്ങി. ആക്ടിവിസ്റ്റുകളുടെയും പത്രപ്രവര്ത്തകരുടെയും സമ്മര്ദ്ദത്തെത്തുടര്ന്ന്, 1991 ല് സുരക്ഷാ ഉദ്യോഗസ്ഥനെ അറസ്റ്റ് ചെയ്തു.
ദക്ഷിണാഫ്രിക്കയുടെ ചരിത്രത്തിലെ ഏറ്റവും വലിയ കൊലപാതക വിചാരണകളില് ഒന്നായിരുന്നു വാന് ഷൂറിന്റെ വിചാരണ, ഡസന് കണക്കിന് സാക്ഷികളും ആയിരക്കണക്കിന് പേജുകളുള്ള ഫോറന്സിക് തെളിവുകളും ഇതില് ഉള്പ്പെടുന്നു. എന്നിരുന്നാലും, അദ്ദേഹത്തിനെതിരായ കേസ് കോടതിയില് തോറ്റു. വിചാരണ സമയത്ത്, വര്ണ്ണവിവേചന വ്യവസ്ഥയുടെ ഒരു പ്രധാന ഘടകം ഇപ്പോഴും ജുഡീഷ്യറിക്കുള്ളിലായിരുന്നു. കുറഞ്ഞത് 39 പേരെയെങ്കിലും കൊന്നിട്ടുണ്ടെങ്കിലും, ഏഴ് കൊലപാതകങ്ങള്ക്ക് മാത്രമേ അദ്ദേഹം ശിക്ഷിക്കപ്പെട്ടിട്ടുള്ളൂ. തുടര്ന്ന് അദ്ദേഹം വെറും 12 വര്ഷം ജയില് ശിക്ഷ അനുഭവിച്ചു.
