ഒളിമ്പിക് മെഡല്‍ ജേതാവും ബോക്സിംഗ് ഐക്കണുമായ മേരി കോം ഭര്‍ത്താവുമായി വിവാഹമോചനം നേടിയതായി റിപ്പോര്‍ട്ട്. ബോക്സിംഗ് താരവും ഓണ്‍ലര്‍ എന്നറിയപ്പെടുന്ന ഭര്‍ത്താവ് കരുങ് ഓങ്കോളറും വേര്‍പിരിഞ്ഞതായി ഒന്നിലധികം ഉറവിടങ്ങള്‍ സ്ഥിരീകരിക്കുന്നു. എന്നാല്‍ വിവാഹമോചനത്തിനുള്ള നടപടികളൊന്നും ഇതുവരെ ആരംഭിച്ചിട്ടില്ലെന്നാണ് വൃത്തങ്ങള്‍ അവകാശപ്പെടുന്നത്.
സ്നേഹത്തിന്റെയും പിന്തുണയുടെയും സ്ഥായിയായ പ്രതീകമായി പലപ്പോഴും ആഘോഷിക്കപ്പെടുന്ന ഈ ദമ്പതികള്‍, 2022-ലെ മണിപ്പൂര്‍ നിയമസഭാ തെരഞ്ഞെടുപ്പില്‍ ഓണ്‍ലറുടെ ശ്രമം പരാജയപ്പെട്ടതിന് പിന്നാലെ മുതല്‍ വേര്‍പിരിഞ്ഞാണ് ജീവിക്കുന്നതെന്നാണ് റിപ്പോര്‍ട്ട്. മേരി അവരുടെ നാലു കുട്ടികളുമായി ഫരീദാബാദിലേക്ക് താമസം മാറ്റിയെന്നും ഒണ്‍ലര്‍ ചില കുടുംബാംഗങ്ങള്‍ക്കൊപ്പം ഡല്‍ഹിയില്‍ താമസം തുടരുന്നതായും ദമ്പതികളോട് അടുത്ത വൃത്തങ്ങള്‍ പറഞ്ഞതായി ഹിന്ദുസ്ഥാന്‍ ടൈംസാണ് റിപ്പോര്‍ട്ട് ചെയ്തിരിക്കുന്നത്.
തെരഞ്ഞെടുപ്പിന് ശേഷം അവരുടെ അഭിപ്രായവ്യത്യാസങ്ങള്‍ വര്‍ദ്ധിച്ചു. പ്രചാരണത്തിനിടെ ഉണ്ടായ ഏകദേശം 2-3 കോടി രൂപയോളം വരുന്ന സാമ്പത്തിക നഷ്ടത്തില്‍ മേരിക്ക് അതൃപ്തിയുണ്ടായെന്നാണ് വിവരം. ദമ്പതികള്‍ ഔദ്യോഗിക പ്രസ്താവനകളൊന്നും നടത്തിയിട്ടില്ലെങ്കിലും, ബോക്സിംഗ് കമ്മ്യൂണിറ്റിയിലെ നിരവധി ആളുകള്‍ മേരി മറ്റൊരു ബന്ധത്തിലാണെന്ന് സൂചന നല്‍കുന്നു. മക്കളെ കാണാന്‍ കഴിയാത്തത് ഓണ്‍ലറെയും വൈകാരികമായി ബാധിച്ചിട്ടുണ്ട്. അയാള്‍ എപ്പോഴും അര്‍പ്പണബോധമുള്ള ഒരു പിതാവായിരുന്നെന്നും മേരിയുടെ വളര്‍ച്ചയ്ക്കായി തന്റെ ഫുട്ബോള് കരിയര്‍ ഉപേക്ഷിച്ചയാളാണ് ഓണ്‍ലര്‍. 2000 ലാണ് ഇരുവരും പ്രണയബദ്ധരായത്.
ഡല്‍ഹി യൂണിവേഴ്സിറ്റിയിലെ ലോ ഫാക്കല്‍റ്റിയിലെ വിദ്യാര്‍ത്ഥിയായിരുന്ന ഒണ്‍ലര്‍, ഒരു മത്സരത്തിനിടെ തന്റെ ലഗേജ് നഷ്ടപ്പെട്ടപ്പോള്‍ മേരിയെ സഹായിച്ചതോടെയാണ് ഇരുവരും പരിചയപ്പെട്ടത്. അവര്‍ 2005-ല്‍ വിവാഹിതരായി, 2007-ല്‍ ഇരട്ട ആണ്‍മക്കളും 2013-ല്‍ മറ്റൊരു മകനും ജനിച്ചു. 2028-ല്‍ അവര്‍ ഒരു മകളെ ദത്തെടുത്തു. ഒരു ഫുട്ബോള് കളിക്കാരനായ ഒണ്‍ലര്‍, കുട്ടികളെ വളര്‍ത്താനും വീടു പരിപാലിക്കാനും തന്റെ കരിയര്‍ നിര്‍ത്തിവയ്ക്കാന്‍ തീരുമാനിച്ചു. ആറ് ലോക ചാമ്പ്യന്‍ഷിപ്പുകളും ഒരു ഒളിമ്പിക്‌സ് വെങ്കലവും നേടിയ മേരി രാജ്യത്തെ ഏറ്റവും മികച്ച പുഗിലിസ്റ്റുകളില്‍ ഒരാളാണ്. അവള്‍ പലപ്പോഴും ഓണ്‍ലറിനെ ‘ശക്തിയുടെ സ്തംഭം’ എന്ന് വിളിച്ചിട്ടുണ്ട്. ഇരുവരും ഇതുവരെ പ്രതികരിച്ചിട്ടില്ല.
