ചൈനയിലെ ചെങ്ഡുവിലെ തെരുവുകളില്‍ വിളമ്പുന്ന ഒരു പുതിയ ലഘുഭക്ഷണം കണ്ടാല്‍ സാധാരണക്കാര്‍ ഞെട്ടും. അസാധാരണമായ രൂപഭാവം കാരണം ഈ ഭക്ഷണം വളരെയധികം ശ്രദ്ധിക്കപ്പെടുകയാണ്. മനുഷ്യരുടെ നല്ല കറുകറുത്ത മുടി പോലെയിരിക്കുന്ന ഭക്ഷണം വളരെ ജനപ്രിയമായി മാറുകയും ചെയ്തിട്ടുണ്ട്.
ഫാ കായ് അല്ലെങ്കില്‍ ഫാറ്റ് ചോയ് വളരെക്കാലമായി ചൈനീസ് പാചകരീതിയുടെ ഭാഗമായ ഒരു തരം ഉണങ്ങിയ സൈനോബാക്ടീരിയമാണ്. ചൈനയിലെ ഗാന്‍സു, ഷാന്‍സി, ക്വിങ്ഹായ്, സിന്‍ജിയാങ്, ഇന്നര്‍ മംഗോളിയ തുടങ്ങിയ വരണ്ടതും തരിശായതുമായ മരുഭൂമിയിലാണ് ഇത് കൂടുതലായി വളരുന്നത്, വിളവെടുപ്പ് കഴിഞ്ഞയുടനെ വായുവില്‍ ഉണക്കി സംസ്‌കരിക്കുന്നു.
ഇരുണ്ട, ഫിലിഫോം ആകൃതി കാരണം, ഇത് സാധാരണയായി ‘ഹെയര്‍ വെജിറ്റബിള്‍’ എന്നറിയപ്പെടുന്നു. ഫാ കേ – നോസ്റ്റോക്ക് ഫ്‌ലാഗെല്ലിഫോം എന്ന ശാസ്ത്രീയ നാമം – മിക്കപ്പോഴും പലതരം ചാറുകളിലും സൂപ്പുകളിലും ബ്ലാക്ക് വെര്‍മിസെല്ലിയായി വിളമ്പുന്നു.
ഈ ഭക്ഷണം ഭാഗ്യം കൊണ്ടുവരുന്നു എന്ന വിശ്വാസത്തിന്റെ ഭാഗമായി പുതുവത്സരാഘോഷത്തിലും വിളമ്പുന്നു. കാരണം അതിന്റെ കന്റോണീസ് നാമം ‘റച്ച് ഇറ്റ് റിച്ച്’ എന്ന വാക്യവുമായി വളരെ സാമ്യമുള്ളതാണ്. എന്നിരുന്നാലും, നിങ്ങള്‍ മനുഷ്യന്റെ മുടി തിന്നുകയാണെന്ന് തോന്നിപ്പിക്കുന്ന ഒരു പുതിയ തെരുവ് ലഘുഭക്ഷണമായി ഡാര്‍ക്ക് ട്രീറ്റ് അടുത്തിടെ വൈറലായി.
