യുവാക്കളുടെ, പ്രത്യേകിച്ച് 15-24 വയസ് പ്രായമുള്ളവരുടെ മാനസികാരോഗ്യത്തിൽ കാലാവസ്ഥാ വ്യതിയാനം കാര്യമായ ആഘാതം സൃഷ്ടിക്കുന്നതായി ഏറ്റവും പുതിയ പഠനം. പ്രൈമസ് പാർട്‌ണേഴ്‌സിന്റെ “ദ കോസ്റ്റ് ഓഫ് ക്ലൈമറ്റ് ചേഞ്ച്‌ : യങ് വോയിസ് ഇൻ എ വാമിംഗ് വേൾഡ്” എന്ന ജേർണലിലാണ് ഇത് സംബന്ധിച്ച കണ്ടെത്തലുകൾ പ്രതിപാദിച്ചിരിക്കുന്നത്.
പഠനത്തിലെ പ്രധാന കണ്ടെത്തലുകളും ശുപാർശകളും ഇങ്ങനെയാണ്
ഇതിലൊന്ന് മാനസികാരോഗ്യപരമായി ഉണ്ടാകുന്ന ആഘാതങ്ങളാണ്. കാലാവസ്ഥാ വ്യതിയാനവുമായി ബന്ധപ്പെട്ട ഏറ്റവും സാധാരണമായ മാനസികാരോഗ്യ പ്രശ്‌നങ്ങളാണ് ഉത്കണ്ഠയും സമ്മർദ്ദവും. പഠനവുമായി ബന്ധപ്പെട്ട സർവേയിൽ പങ്കെടുത്ത 26% യുവാക്കളെ ഇത് ബാധിക്കുന്നതായി കണ്ടെത്തി.
46% യുവാക്കളും കാലാവസ്ഥാ വ്യതിയാനം മൂലം മാനസികാരോഗ്യ വെല്ലുവിളികൾ നേരിടുന്നതായി വെളിപ്പെടുത്തിയപ്പോൾ 33% പേർക്ക് മാത്രമാണ് കാലാവസ്ഥാ വ്യതിയാനം മൂലമുണ്ടാകുന്ന മാനസികാരോഗ്യ പ്രശ്നങ്ങളെ നേരിടാനുള്ള സേവനങ്ങളെക്കുറിച്ചുള്ള അറിവുണ്ടായിരുന്നത്.
മറ്റൊരു ഘടകമാണ് സാമ്പത്തിക ചെലവുകൾ. കാലാവസ്ഥാ വ്യതിയാനം മൂലം ഉണ്ടാകുന്ന യുവാക്കളിലെ മാനസികാരോഗ്യ പ്രശ്നങ്ങൾ
ഇന്ത്യയിൽ 13.7 ബില്യൺ യുഎസ് ഡോളറിൻ്റെ വാർഷിക സാമ്പത്തിക നഷ്ടം ഉണ്ടാക്കുന്നുണ്ട്. ഇത് രാജ്യത്തിന്റെ ജിഡിപിയുടെ 0.35% ആണ്. ജിഡിപിയിലെ 6% വരുന്ന ഈ കുറവ് കാലാവസ്ഥാ വ്യതിയാനം മൂലമുണ്ടാകുന്ന ആരോഗ്യപ്രശ്നങ്ങളെ തുടർന്നാണ്.
ആഗോള തലത്തിലെ ആരോഗ്യ ആശങ്കകൾ എന്തെല്ലാമെന്നാൽ ലോകാരോഗ്യ സംഘടന പറയുന്നതനുസരിച്ച് കാലാവസ്ഥാ വ്യതിയാനം 2030 നും 2050 നും ഇടയിൽ 250,000 മരണങ്ങൾക്ക് കാരണമാകുമെന്നാണ്. യുകെയിൽ നടത്തിയ ഒരു പഠനം അനുസരിച്ച്, 60% കുട്ടികളും കൗമാരക്കാരുമായ സൈക്യാട്രിസ്റ്റുകളും പാരിസ്ഥിതിക പ്രശ്‌നങ്ങളാൽ ബുദ്ധിമുട്ടുന്ന രോഗികളെ കണ്ടിട്ടുണ്ടെന്നാണ്.
കാലാവസ്ഥാ വ്യതിയാനം മാനസികാരോഗ്യത്തെ എങ്ങനെ ബാധിക്കുന്നുവെന്നതിനെക്കുറിച്ച് 56% കൗമാരക്കാരും (15-18 വയസ്സ്) 60% മുതിർന്ന യുവാക്കളും (19-24 വയസ്സ്) ബോധവാന്മാരാണ്. റിപ്പോർട്ടുകൾ പ്രകാരം 39% ചെറുപ്പക്കാരായ കൗമാരക്കാരും 44% പ്രായമായ കൗമാരക്കാരും കാലാവസ്ഥാ വ്യതിയാനത്തിൽ നിന്ന് കാര്യമായ മാനസിക ആരോഗ്യ ആഘാതം അനുഭവിക്കുന്നവരാണ്.
