ഭാര്യയുടെ അന്ത്യകര്മ്മങ്ങള് നടത്താന് ഇന്ത്യയില് എത്തിയ ഭര്ത്താവ് മടങ്ങുമ്പോള് വിമാനാപകടത്തിന് ഇരയായി. ലണ്ടനില് കുടുംബമായി താമസിക്കുന്ന അര്ജുന് പട്ടോളിയ വ്യാഴാഴ്ച അഹമ്മദാബാദില് തകര്ന്ന വിമാന ദുരന്തത്തില് കൊല്ലപ്പെടുകയായിരുന്നു.
ഭാര്യയുടെ അവസാന ആഗ്രഹം പൂര്ത്തിയാക്കി ലണ്ടനിലെ പെണ്മക്കളുടെ അരികിലേക്ക് മടങ്ങുമ്പോഴാണ് വിമാനാപകടം ഉണ്ടായി അര്ജുന് മരണമടഞ്ഞത്്. ഒരാഴ്ച മുമ്പാണ് മരണമടഞ്ഞ ഭാര്യ ഭാരതിബെന്നിന്റെ അന്തിമ ആഗ്രഹം നിറവേറ്റുന്നതിനായിട്ടാണ് പടോളിയ ഗുജറാത്തിലെ അമ്രേലി ജില്ലയിലേക്ക് വന്നത്. ചിതാഭസ്മം ജന്മഗ്രാമത്തില് നിമജ്ജനം ചെയ്യണമെന്നായിരുന്നു ഭാര്യയുടെ അവസാന അഭ്യര്ത്ഥന, പട്ടോളിയ ഭക്തിയോടെ ബഹുമാനിക്കുകയും ചടങ്ങ് നിര്വഹിക്കുകയും വിപുലമായ കുടുംബത്തോടൊപ്പം ചടങ്ങുകള് നടത്തുകയും ചെയ്തു.
ദിവസങ്ങള് നീണ്ട മതപരമായ ചടങ്ങുകള്ക്കു ശേഷമാണ് 38 കാരന് ലണ്ടനിലെ ഗാറ്റ്വിക്കില് മക്കളുടെ അരികിലേക്ക് പുറപ്പെട്ടത്. ഇയാളുടെ നാലും എട്ടും വയസ്സുള്ള പെണ്മക്കള് അച്ഛന് മടങ്ങിവരുമെന്ന് പ്രതീക്ഷിച്ച് കാത്തിരിക്കുകയാണ്. 53 ബ്രിട്ടീഷ് പൗരന്മാര് ഉള്പ്പെടെ 242 പേരുമായി വിമാനത്തിലുണ്ടായിരുന്ന ബോയിംഗ് 787 ഡ്രീംലൈനര് അഹമ്മദാബാദിലെ മേഘാനി നഗര് പരിസരത്ത് പ്രാദേശിക സമയം ഉച്ചയ്ക്ക് 1.40 ഓടെ, പറന്നുയര്ന്ന് മിനിറ്റുകള്ക്ക് ശേഷം തകര്ന്നുവീഴുകയായിരുന്നു.
