വാടകയ്ക്ക് എടുത്ത കാര്‍ ഡ്രൈവറെ സമ്പന്നനായ റീയല്‍ എസ്‌റ്റേറ്റുകാരനായി വേഷമിടുവിച്ച് വ്യാജമായി ബന്ധുക്കളില്‍ നിന്നും വന്‍തുക തട്ടിയെടുത്ത് യുവതി. തട്ടിപ്പ് നടത്താന്‍ വ്യാജ എസ്റ്റേറ്റ് മുതലാളിയുമായി തട്ടിപ്പ് കല്യാണവും നടത്തി. മെയിന്‍ ലാന്‍ഡ് സോഷ്യല്‍ മീഡിയയെ ഞെട്ടിച്ച ഒരു കഥയില്‍, മെങ് എന്ന് വിളിക്കപ്പെടുന്ന 40 കാരിയായ സ്ത്രീ തട്ടിപ്പ് നടത്തിയത്
ബന്ധുക്കള്‍ക്ക് കുറഞ്ഞവിലയില്‍ വസ്തുവകകള്‍ വാങ്ങാമെന്ന് വാഗ്ദാനം ചെയ്ത് വിശ്വസിപ്പിച്ച് അവരില്‍ നിന്ന് 12 ദശലക്ഷം യുവാന്‍ (1.6 ദശലക്ഷം യുഎസ് ഡോളര്‍) തട്ടിയെടുത്തെന്നാണ് ആരോപണം. 2014-ല്‍ താന്‍ നടത്തിയിരുന്ന പരാജയപ്പെട്ട ചെറിയ റിയല്‍ എസ്റ്റേറ്റ് ഏജന്‍സിയെയും തട്ടിപ്പിന് കരുവാക്കി. തന്റെ ബന്ധുക്കളെ ബോധ്യപ്പെടുത്തുന്നതിനായി. ഹിച്ച്‌ഹൈക്കിംഗിനിടെ കണ്ടുമുട്ടിയ ഒരു റാന്‍ഡം കാര്‍ ഡ്രൈവറെയാണ് റീയല്‍ എസ്റ്റേറ്റ് മാഗ്നറ്റായി തന്റെ കാമുകനായി ബന്ധുക്കള്‍ക്ക് മുന്നില്‍ അവതരിപ്പിച്ചത്.
ജിയാങ് എന്ന് പേരുള്ള വിവാഹിതനായ ഡ്രൈവറാണ് മിംഗിന്റെ തട്ടിപ്പിന് സമ്മതിച്ചത്. ഇവര്‍ വിവാഹിതരായെന്ന് വ്യാജരേഖ ഉണ്ടാക്കി. നിരവധി വന്‍കിട റിയല്‍ എസ്റ്റേറ്റ് പ്രോജക്റ്റുകളുടെ നിര്‍മ്മാണത്തിന്റെ ഉത്തരവാദിത്തം ജിയാങ്ങിനാണെന്നും പുതിയ പ്രോപ്പര്‍ട്ടികള്‍ കുറഞ്ഞ വിലയ്ക്ക് വാങ്ങാന്‍ അവരെ അനുവദിക്കുന്ന ബിസിനസ്സില്‍ ബന്ധങ്ങളുണ്ടെന്നും മെംഗ് അവളുടെ ബന്ധുക്കളോട് പറഞ്ഞു.
മെങ് പിന്നീട് ഒരു മില്യണ്‍ യുവാന്‍ (137,000 യുഎസ് ഡോളര്‍) വിലയുള്ള ഒരു ചെറിയ ഫ്ലാറ്റ് വാങ്ങി, അത് അവളുടെ ബന്ധുവിന് പകുതി വിലയ്ക്ക് വിറ്റു. മെംഗിനും ജിയാങ്ങിനും ബന്ധമുള്ളതിനാല്‍ പകുതി വില മാത്രമേ നല്‍കിയുള്ളൂവെന്ന് ബന്ധുക്കളോട് കള്ളം പറയാന്‍ അവള്‍ ആവശ്യപ്പെട്ടു. മെങ് അവളുടെ ബന്ധുക്കളെ പുതിയ റെസിഡന്‍ഷ്യല്‍ കോമ്പൗണ്ടുകളുടെ ഷോറൂമുകളിലേക്ക് കൊണ്ടുപോയി, കൂടാതെ യഥാര്‍ത്ഥ വിലയേക്കാള്‍ 20 ശതമാനം വിലക്കുറവില്‍ ഒരു ചതുരശ്ര മീറ്ററിന് 5,000 യുവാന്‍ കുറയ്ക്കാമെന്ന് അവരോട് പറഞ്ഞു.
കുറഞ്ഞത് അഞ്ച് ബന്ധുക്കളെങ്കിലും മെംഗിന്റെ കെണിയില്‍ വീഴുകയും അവള്‍ക്ക് ഫ്ലാറ്റുകള്‍ വാങ്ങാന്‍ വലിയ തുക നല്‍കുകയും ചെയ്തതായി റിപ്പോര്‍ട്ടുണ്ട്. ചിലര്‍ തങ്ങള്‍ താമസിച്ചിരുന്ന ഫ്‌ളാറ്റുകള്‍ വിറ്റ് മെച്ചപ്പെട്ട സ്വത്തിനുവേണ്ടി മാറ്റി. ക്രമീകരിക്കാന്‍ സമയമെടുക്കുമെന്ന് പറഞ്ഞ് ആദ്യം തട്ടിപ്പ് പറഞ്ഞു നിന്ന മെങ് 2018 ലും 2019 ലും അവള്‍ ആ ബന്ധുക്കള്‍ക്ക് ഫ്ലാറ്റുകള്‍ വാടകയ്‌ക്കെടുക്കുകയും അവര്‍ വാങ്ങിയ വസ്തുക്കളാണെന്ന് കള്ളം പറയുകയും ചെയ്തു.
ഡിസ്‌കൗണ്ട് പ്രോപ്പര്‍ട്ടികള്‍ക്ക് ഒരെണ്ണം ലഭിക്കുന്നത് ‘താല്‍ക്കാലികമായി അസാധ്യമാണ്’ എന്ന് പറഞ്ഞ് അവള്‍ അവര്‍ക്ക് പ്രോപ്പര്‍ട്ടി ഉടമസ്ഥാവകാശ സര്‍ട്ടിഫിക്കറ്റ് നല്‍കിയില്ല. ഇരകളിലൊരാള്‍ക്ക് എന്തോ കുഴപ്പമുണ്ടെന്ന് മനസ്സിലാക്കി, റിയല്‍ പ്രോപ്പര്‍ട്ടി ഡെവലപ്പറെ കാണാന്‍ പോയപ്പോഴാണ്, താന്‍ താമസിച്ചിരുന്ന ഫ്ലാറ്റ് തന്റേതല്ലെന്ന് അവള്‍ കണ്ടെത്തിയത്. മറ്റൊരു ഇരയായ മെംഗിന്റെ കസിന്‍, ഒരു വാടക ഫ്ലാറ്റ് അലങ്കരിക്കാനും സജ്ജീകരിക്കാനും 100,000 യുവാനിലധികം ചെലവഴിച്ചു.
കരാര്‍ തട്ടിപ്പിന് കോടതി മെംഗിനെ 12 വര്‍ഷവും ആറ് മാസവും തടവിന് ശിക്ഷിച്ചു. ഫ്‌ളാറ്റുകളുടെ യഥാര്‍ത്ഥ ഉടമകളുമായി വീട് വാടകയ്‌ക്കെടുക്കുന്നതിനുള്ള കരാറില്‍ ഒപ്പുവെച്ചത് കാരണം അവളുടെ വ്യാജ ഭര്‍ത്താവിന് ആറ് വര്‍ഷം ലഭിച്ചു. മറ്റ് ബന്ധുക്കളുടെ മുന്നില്‍ കള്ളം പറഞ്ഞ അവളുടെ ബന്ധുവിന് അഞ്ച് വര്‍ഷത്തെ തടവ് ശിക്ഷ ലഭിച്ചു.
