ഏത് കാലാവസ്ഥയിലും ആരോഗ്യത്തിന് ഗുണം നല്‍കുന്ന ഒന്നാണ് കരിക്ക്. ആരോഗ്യം മെച്ചപ്പെടുത്തുന്ന ഒരു സൂപ്പര്‍ ഡ്രിങ്കാണ് കരിക്ക് എന്ന് നിസംശയം പറയാം. പൊട്ടാസ്യം, മാംഗനീസ്, വിറ്റാമിന്‍ സി, കാത്സ്യം, ഫൈബറുകള്‍ എന്നിവ കൊണ്ട് സമ്പന്നമാണ് കരിക്കെന്ന് പറയാം. ധാരാളം ആന്റി ഓക്‌സിഡന്റ്‌സും ധാതുക്കളും അടങ്ങിയ കരിക്കിന്‍ വെള്ളം പല രോഗങ്ങള്‍ക്കും ഔഷധമാണ്. ഗര്‍ഭിണികള്‍ നിര്‍ബന്ധമായും കരിക്കിന്‍ വെള്ളം കുടിക്കണം. കരിക്കിന്‍ വെള്ളം ദിവസവും കുടിയ്ക്കുന്നത് ആരോഗ്യത്തിന് ഗുണങ്ങള്‍ നല്‍കുക മാത്രമല്ല, സൗന്ദര്യവും വര്‍ദ്ധിപ്പിക്കുന്നു. കരിക്കിന്‍ വെള്ളം കുടിയ്ക്കുന്നത് കൊണ്ട് ലഭിക്കുന്ന ആരോഗ്യഗുണങ്ങളെ കുറിച്ച് അറിയാം….
- കിഡ്നി ശുദ്ധീകരിക്കാന്‍ – കിഡ്നി ശുദ്ധീകരിക്കാന്‍ ഏറ്റവും നല്ലതാണ് കരിക്കിന്‍ വെള്ളം. മൂത്രസംബന്ധമായ പ്രശ്നങ്ങള് ഒഴിവാക്കാന്‍ സഹായകമാണ് കരിക്കിന്‍ വെള്ളം.
- മാനസിക സമ്മര്‍ദ്ദം കുറയ്ക്കാന്‍ – മാനസിക സമ്മര്‍ദ്ദം കുറയ്ക്കാന്‍ ഏറ്റവും നല്ലതാണ് കരിക്കിന്‍ വെള്ളം. തൈറോയ്ഡ് ഹോര്‍മോണുകള്‍ വര്‍ദ്ധിപ്പിക്കുന്നതിനും അവയുടെ പ്രവര്‍ത്തനം ത്വരിതപ്പെടുത്തുന്നതിനും കരിക്കിന്‍ വെള്ളം സഹായിക്കും.
- ദഹന സംന്ധമായ പ്രശ്നങ്ങള് ഒഴിവാക്കാന്‍ – ശരീരത്തിന്റെ ഉന്മേഷം തിരിച്ചെടുക്കാനും ക്ഷീണം മാറ്റാനും കഴിയുന്ന നല്ല എനര്‍ജി ഡ്രിങ്കാണിത്. ദഹന സംന്ധമായ പ്രശ്നങ്ങള് ഒഴിവാക്കാന്‍ കരിക്കിന്‍ വെള്ളം മികച്ചതാണ്.
- ശരീരഭാരം കുറയ്ക്കാന്‍ – കരിക്കിന്‍ വെള്ളത്തില്‍ അടങ്ങിയിരിക്കുന്ന ഫൈബര്‍ ശരീരഭാരം കുറയ്ക്കാനും വിശപ്പ് കൃത്യമാകാനും ശരീരത്തില്‍ അടങ്ങിയിരിക്കുന്ന കൊഴുപ്പ് ഇല്ലാതാകാനും സഹായിക്കും. മലബന്ധം അകറ്റാന്‍ ഏറ്റവും നല്ലതാണ് കരിക്കിന്‍ വെള്ളം.
- മുഖം കൂടുതല്‍ തിളക്കമുള്ളതാക്കാന്‍ – കരിക്കിന്‍ വെള്ളം ഉപയോഗിച്ച് മുഖം കഴുകുന്നത് മുഖം കൂടുതല്‍ തിളക്കമുള്ളതാക്കാന്‍ സഹായിക്കുന്നു.
- ത്വക്ക് രോഗങ്ങള്‍ വരാതിരിക്കാന്‍ – ത്വക്ക് രോഗങ്ങള്‍ വരാതിരിക്കാന്‍ ഏറ്റവും നല്ലതാണ് കരിക്കിന്‍ വെള്ളം. വരണ്ട ചര്‍മ്മം, മുഖത്തെ ചുളിവുകള്‍, മുഖക്കുരു എന്നിവ ഇല്ലാതാക്കാന്‍ ഇത് സഹായിക്കും.
- ദന്ത പ്രശ്നങ്ങള് തടയാന്‍ – ദന്ത പ്രശ്നങ്ങള് തടയാന്‍ കരിക്കിന്‍ വെള്ളം മികച്ചതാണ്. മോണകളെയും പല്ലുകളെയും അണുബാധകളില്‍ നിന്ന് സംരക്ഷിക്കാന്‍ ഇത് സഹായിക്കും.
- രോഗപ്രതിരോധശേഷി വര്‍ദ്ധിപ്പിക്കാന്‍ – രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുകയും ശരീരത്തിലെ ജലാംശം നിലനിര്‍ത്തുകയും ചെയ്യും. മലബന്ധം, നെഞ്ചെരിച്ചില്‍ എന്നിവയ്ക്ക് ആശ്വാസം ലഭിക്കും.
