ആഞ്ജലീന ജോളിയും ബ്രാഡ് പിറ്റും വേര്‍പിരിഞ്ഞത് ആരാധകരെ ചെറുതായിട്ടൊന്നുമല്ല ഞെട്ടിച്ചത്. പിന്നാലെ കുട്ടികളുടെ സംരക്ഷണയെ ചൊല്ലി ആഴ്ചകളും മാസങ്ങളും കുറ്റപ്പെടുത്തലുകളും ചെളിവാരിയെറിയലും നടത്തുകയും ചെയ്തു. ഇപ്പോള്‍ ബ്രാഡ്പിറ്റ് കാരണം എ ലിസ്റ്റ് നടി ഹോളിവുഡ് തന്നെ വിടാന്‍ സാധ്യതയുണ്ടെന്നാണ് പുതിയ റിപ്പോര്‍ട്ട്.
ബ്രാഡ്പിറ്റുമായുള്ള വിഷയത്തില്‍ തന്നെ മോശം വ്യക്തിയായി ചിത്രീകരിക്കപ്പെടുന്നതില്‍ ജോളി മടുത്തിരിക്കുകയാണെന്നും ഇതാണ് നടിയെക്കൊണ്ട് ഇങ്ങിനെ ചിന്തിപ്പിക്കുന്നതെന്നുമാണ് കേള്‍ക്കുന്നത്. ”വസ്തുതകളും തെളിവുകളും ഉണ്ടായിട്ടും തങ്ങളുടെ സമകാലീനരായ പലരും ബ്രാഡ്പിറ്റിന്റെ പക്ഷം ചേര്‍ന്ന് തന്നെ കുറ്റപ്പെടുത്തുന്നത് നടിയെ ചെറുതായിട്ടൊന്നുമല്ല വേദനിപ്പിക്കുന്നത്. ഹോളിവുഡിലെ ആളുകള്‍ ഇത്തരത്തില്‍ കാപട്യമുള്ളവരാകുന്നത് അവളെ വേദനിപ്പിക്കുന്നു. അവര്‍ ലോസ് ഏഞ്ചല്‍സില്‍ തുടരാന്‍ പോലും നടി ആഗ്രഹിക്കുന്നില്ല.
മക്കളെല്ലാം പ്രായപൂര്‍ത്തിയായ സാഹചര്യത്തില്‍ കംബോഡിയയിലേക്ക് മാറാനാണ് നടി പദ്ധതിയിടുന്നത്. കംബോഡിയയിലെ അവളുടെ വീട്ടില്‍ അഭയാര്‍ത്ഥികളോടൊപ്പം കഴിയുന്നതാണ് നടി ആഗ്രഹിക്കുന്നത്. തന്റെ മുന്‍ ഭാര്യ ആഞ്ജലീന ജോളി ഫ്രഞ്ച് മുന്തിരിത്തോട്ടത്തിലെ തന്റെ 50 ശതമാനം ഓഹരികള്‍ ‘വിഷകരമായ കൂട്ടുകെട്ടുകളും ഉദ്ദേശ്യങ്ങളും’ ഉള്ള ഒരു റഷ്യന്‍ പ്രഭുവിന് വിറ്റുകൊണ്ട് തന്നെ ‘ദ്രോഹിക്കാന്‍’ ശ്രമിച്ചുവെന്ന് ബ്രാഡ് പിറ്റ് ആരോപിച്ചിരുന്നു.
ചാറ്റോ മിറാവലിന്റെ വില്‍പ്പനയുമായി ബന്ധപ്പെട്ട് ജോളിക്കെതിരായ പിറ്റിന്റെ കേസിന്റെ ഭാഗമായി പുതിയ കോടതി ഫയലിംഗുകളില്‍ ഉന്നയിച്ച ആരോപണങ്ങള്‍, 2016 ല്‍ വിവാഹമോചനത്തിന് അപേക്ഷിച്ച മുന്‍ ഹോളിവുഡ് പവര്‍ ദമ്പതികള്‍ തമ്മിലുള്ള കടുത്ത നിയമ പോരാട്ടത്തിലെ ഒരു ഏട്് മാത്രമാണ്. റഷ്യയില്‍ ജനിച്ച ശതകോടീശ്വരനായ യൂറി ഷെഫ്ലറുടെ ഡ്രിങ്ക്സ് കമ്പനിയുടെ അനുബന്ധ സ്ഥാപനമായ ടെനുട്ട് ഡെല്‍ മോണ്ടോയ്ക്ക് ജോളി തന്റെയും പിറ്റിന്റെയും വിവാഹം നടന്ന തെക്കന്‍ ഫ്രാന്‍സിലെ മുന്തിരിത്തോട്ടത്തിന്റെ തന്റെ ഓഹരി വിറ്റിരുന്നു.
മറ്റുള്ളവരുടെ സമ്മതമില്ലാതെ തങ്ങളുടെ താല്‍പ്പര്യങ്ങള്‍ ഒരിക്കലും വില്‍ക്കില്ലെന്ന് ദമ്പതികള്‍ മുമ്പ് സമ്മതിച്ചുവെന്നും ജോളി ‘ആദായമില്ലാത്ത’ ലാഭം തേടിയെന്നും ആരോപിച്ച് പിറ്റ് അവള്‍ക്കെതിരെ കേസെടുത്തിരുന്നു.
