ബോളിവുഡ് താരം രൺവീർ സിംഗിനൊപ്പമുള്ള പഴയൊരു ഗ്ലാമറസ് ഫോട്ടോഷൂട്ടിന്റെ ഓർമ്മകൾ പങ്കുവെച്ചിരിക്കുകയാണ് നടിയും മോഡലുമായ സൊണാലി റൗത്ത്. 2014-ൽ ‘ദി എക്സ്പോസ്’ എന്ന സിനിമയിലൂടെയും ബിഗ് ബോസ് സീസൺ 8-ലൂടെയും ശ്രദ്ധേയയായ സൊണാലി, നിലവിൽ ബിഗ് ബോസ് മറാത്തി സീസൺ 6-ന്റെ ഭാഗമാണ്.
വർഷങ്ങൾക്ക് മുമ്പ് ഒരു മാഗസിൻ കവറിന് വേണ്ടി നടത്തിയ ബിക്കിനി ഷൂട്ടിനിടെ രൺവീർ സിംഗ് അതീവ ലജ്ജാലുവായിരുന്നു എന്ന് സൊണാലി വെളിപ്പെടുത്തി. “ഇന്ന് കാണുന്നതുപോലെ അമിത ഊർജ്ജസ്വലനായ വ്യക്തിയായിരുന്നില്ല അന്ന് രൺവീർ. വളരെ മാന്യനും എന്നാൽ ലജ്ജയുള്ളവനുമായിരുന്നു അദ്ദേഹം.
ഒരു പെൺകുട്ടി ബിക്കിനി ധരിച്ചുനിൽക്കുന്ന ഇത്രയും ബോൾഡ് ആയ ഫോട്ടോഷൂട്ട് തന്റെ ജീവിതത്തിൽ ആദ്യമാണെന്ന് അദ്ദേഹം എന്നോട് പറഞ്ഞു. രൺവീർ പതറുന്നുണ്ടെന്ന് കണ്ട ഫോട്ടോഗ്രാഫർ പോലും എന്നോട് വന്ന് അദ്ദേഹത്തെ ഒന്ന് കംഫർട്ടബിൾ ആക്കാൻ ആവശ്യപ്പെട്ടു,” സൊണാലി ഓർക്കുന്നു. അന്ന് തങ്ങൾ ചെയ്ത അതേ പോസ് പിന്നീട് രൺവീർ ‘ബേഫിക്രെ’ എന്ന സിനിമയിൽ വാണി കപൂറിനൊപ്പം ആവർത്തിച്ചതായും സൊണാലി കൂട്ടിച്ചേർത്തു.
അതേസമയം, രൺവീർ സിംഗിന്റെ ഏറ്റവും പുതിയ ചിത്രം ‘ധുരന്ധർ 2’ ബോക്സ് ഓഫീസിൽ ചരിത്രം കുറിച്ചുകൊണ്ടിരിക്കുകയാണ്. ആദിത്യ ധർ സംവിധാനം ചെയ്ത ഈ ചിത്രം ലോകമെമ്പാടുനിന്നുമായി ഇതുവരെ 1,727.93 കോടി രൂപയാണ് നേടിയത്. ഇതോടെ ധുരന്ധർ ഫ്രാഞ്ചൈസി ആകെ 3,019.35 കോടി രൂപ കളക്ട് ചെയ്ത്, ഇന്ത്യൻ സിനിമയിൽ 3,000 കോടി ക്ലബ്ബിൽ ഇടംപിടിക്കുന്ന ആദ്യ ഫ്രാഞ്ചൈസിയായി മാറി. പാകിസ്ഥാനിലേക്ക് ചാരനായി കടന്നുചെല്ലുന്ന ഹംസ അലി മസാരി എന്ന കഥാപാത്രത്തെയാണ് രൺവീർ ഈ ചിത്രത്തിൽ അവതരിപ്പിച്ചിരിക്കുന്നത്. അർജുൻ രാംപാൽ, സഞ്ജയ് ദത്ത്, ആർ. മാധവൻ എന്നിവരാണ് ചിത്രത്തിലെ മറ്റ് പ്രധാന താരങ്ങൾ.
