Oddly News

പ്രളയ ഭീതിക്കിടെ പടുകൂറ്റന്‍ പെരുമ്പാമ്പുകളും; വെള്ളം കയറിയ റോഡില്‍ കിടക്കുന്ന കൂറ്റന്‍ പാമ്പ്

തായ്‌ലന്‍ഡില്‍ പേമാരി സൃഷ്ടിച്ച പ്രളയത്തിന്റെയും നാശത്തിന്റെയും വീഡിയോകള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്. എന്നാല്‍ വെള്ളംകയറിയ റോഡിന് നടുവില്‍ പൊങ്ങിക്കിടക്കുന്ന വമ്പന്‍ പെരുമ്പാമ്പിന്റെ നട്ടെല്ലില്‍ വിറയല്‍ ഉണ്ടാക്കുന്ന വീഡിയോ വൈറലാകുന്നു. എക്‌സില്‍ പങ്കിട്ടിട്ടുള്ള വീഡിയോയ്ക്ക് ഇതുവരെ 11.5 ദശലക്ഷത്തിലധികം കാഴ്ചകളാണ് കിട്ടിയിരിക്കുന്നത്.

വീഡിയോ എക്സില്‍ വൈറലാണ്. പെരുമ്പാമ്പ് വെള്ളത്തില്‍ പൊങ്ങിക്കിടക്കുന്നതാണ് വീഡിയോ. അതിന്റെ വയര്‍ വീര്‍ത്തിരിക്കുന്നതില്‍ നിന്നും പെരുമ്പാമ്പ് നേരത്തെ നായയെ ഭക്ഷിച്ചിരുന്നതായി റിപ്പോര്‍ട്ടുകള്‍ സൂചിപ്പിക്കുന്നു. ആളുകള്‍ വ്യത്യസ്തമായ അഭിപ്രായങ്ങള്‍ പോസ്റ്റ് ചെയ്തിട്ടുണ്ട്.

വീഡിയോയില്‍ പതിഞ്ഞിരിക്കുന്ന പാമ്പ് ലോകത്തിലെ ഏറ്റവും വലിയ പാമ്പുകളില്‍ ഒന്നായ റെറ്റിക്യുലേറ്റഡ് പെരുമ്പാമ്പാണെന്നാണ് പലരും അനുമാനിക്കുന്നത്. അറ്റ്‌ലാന്റ മൃഗശാലയുടെ അഭിപ്രായത്തില്‍, ഇവയ്ക്ക് 20 അടിയിലധികം നീളത്തില്‍ വളരാന്‍ കഴിയും. ഇതിന്റെ പുറത്ത് സങ്കീര്‍ണ്ണമായ, വജ്രത്തിന്റെ ആകൃതിയിലുള്ള പാറ്റേണുകള്‍ ഉണ്ട്. പൈത്തണുകള്‍ക്ക് മൂര്‍ച്ചയുള്ളതും ആവര്‍ത്തിച്ചുള്ളതുമായ പല്ലുകളുടെ ഒന്നിലധികം നിരകളുമുള്ളതായി മൃഗശാലയിലെ വിദഗ്ദ്ധര്‍ പറയുന്നു.

തായ്‌ലന്‍ഡില്‍ ഈയിടെ പേമാരി നാശംവിതച്ചിരുന്നു, അനന്തമായി പെയ്യുന്ന മഴ നാശം വിതച്ചു. തായ്‌ലന്‍ഡിലെ ഡിപ്പാര്‍ട്ട്മെന്റ് ഓഫ് ഡിസാസ്റ്റര്‍ പ്രിവന്‍ഷന്‍ ആന്‍ഡ് മിറ്റിഗേഷന്‍ റിപ്പോര്‍ട്ട് ചെയ്തിരിക്കുന്നത് ഏകദേശം 25 പേര്‍ക്ക് ജീവന്‍ നഷ്ടപ്പെടുകയും 30,000-ത്തിലധികം ആളുകള്‍ക്ക് അവരുടെ വീടുകള്‍ വിട്ടുപോകാന്‍ നിര്‍ബന്ധിതരാവുകയും ചെയ്തിട്ടുണ്ടെന്നാണ്.