ചെന്നൈ: കുടുംബസ്വത്ത് ഭാഗിച്ചതില്‍ അതൃപ്തി പൂണ്ട മകന്‍ പിതാവിനെ മര്‍ദ്ദിച്ചു കൊലപ്പെടുത്തി. സംഭവത്തിന്റെ ഞെട്ടിക്കുന്ന വീഡിയോ പുറത്തുവന്നിട്ടുണ്ട്. തമിഴ്നാട്ടിലെ പേരാമ്പ്രയില്‍ നടന്ന സംഭവത്തില്‍ 65കാരന്‍ കുളന്തൈവേലുവിനെയാണ് മകന്‍ ഇടിച്ചു കൊലപ്പെടുത്തിയത്. മകന്‍ സന്തോഷിന്റെ മര്‍ദ്ദനമേറ്റ് പരിക്കേറ്റ പിതാവ് ദിവസങ്ങള്‍ക്ക് ശേഷം ഏപ്രില്‍ 18നാണ് മരിച്ചത്.
അന്വേഷണത്തിനിടെ പുറത്തുവന്ന സിസിടിവി ദൃശ്യങ്ങളില്‍ നിന്ന് സന്തോഷ് പിതാവിന്റെ മുഖത്ത് ആവര്‍ത്തിച്ച് അടിക്കുന്നതും കുളന്തൈവേലു രക്തം വാര്‍ന്ന് കുഴഞ്ഞുവീഴുന്നതും കാണാം. മര്‍ദ്ദനമേറ്റത് കണ്ട് മറ്റ് കുടുംബാംഗങ്ങള്‍ ഇടപെട്ട് സന്തോഷിനെ തടഞ്ഞു. എന്നാല്‍ ദേഷ്യം സഹിക്കാന്‍ കഴിയാതെ പ്രത്യക്ഷത്തില്‍ കോപാകുലനായ സന്തോഷ് ആക്രമണം തുടരാന്‍ ശ്രമിക്കുന്നത് കാണാം.
ഒരു സ്വകാര്യ കമ്പനി ഉടമയായ കുലന്തൈവേലുവിന്റെ മരണശേഷം, അദ്ദേഹത്തിന്റെ കുടുംബം പരാതി നല്‍കുകയും അന്വേഷണം ആരംഭിക്കുകയും ചെയ്തു. കുളന്തൈവേലുവിനെ ആശുപത്രിയില്‍ പ്രവേശിപ്പിച്ചതിന് പിന്നാലെ ആക്രമണത്തില്‍ നേരത്തെ കേസെടുത്തിരുന്നെങ്കിലും പിന്നീട് പിന്‍വലിച്ചിരുന്നു. പിന്നീട് കേസ് രജിസ്റ്റര്‍ ചെയ്യുകയും സന്തോഷിനെ പിന്നീട് പിടികൂടുകയും ചെയ്തു.
ഇന്ത്യന്‍ ശിക്ഷാ നിയമത്തിലെ (ഐപിസി) 323 (സ്വമേധയാ മുറിവേല്‍പ്പിക്കുക), 324 (അപകടകരമായ മാര്‍ഗങ്ങളിലൂടെ സ്വമേധയാ മുറിവേല്‍പ്പിക്കുക), 506 (ക്രിമിനല്‍ ഭീഷണിപ്പെടുത്തല്‍) എന്നിവ പ്രകാരമാണ് കേസെടുത്തിരിക്കുന്നത്.
