ദേശീയ അവാര്‍ഡ് നേടിയ ചിത്രം കസ്തൂരി നവംബര്‍ 3 ന് തിയേറ്ററുകളില്‍ റിലീസ് ചെയ്യും. വിദ്യാഭ്യാസത്തിനായി പരിശ്രമിക്കുന്ന ഒരു ചെറുപ്പക്കാരന്റെ ഹൃദയസ്പര്‍ശിയായ കഥയാണ് ചിത്രം പറയുന്നത്. 2019-ലെ മികച്ച കുട്ടികളുടെ ചിത്രത്തിനുള്ള ദേശീയ അവാര്‍ഡ് നേടിയ ചിത്രം അനുരാഗ് കാശ്യപും നാഗരാജ് മഞ്ജുളെയുമാണ് നിര്‍മിക്കുന്നത്.
സിനി പോളിസ് ഡിസ്ട്രിബ്യൂഷന്‍ ടീം ആണ് ചിത്രം വിതരണം ചെയ്യുന്നത്. തോട്ടിപ്പണിയും പോസ്റ്റ്‌മോര്‍ട്ടവും ചെയ്യുന്ന 14 വയസുള്ള ആണ്‍കുട്ടിയുടെ കഥയാണ് ചിത്രം പറയുന്നത്. അവന്‍ വിദ്യാഭ്യാസം നേടുന്നതാണ് ചിത്രത്തിന്റെ കഥ.
ഞങ്ങള്‍ ചെയ്തത് പോലെ പ്രേക്ഷകരും സിനിമയെ സ്‌നേഹിക്കുമെന്ന് ഉറപ്പുണ്ട് എന്ന് സംവിധായകന്‍ പറയുന്നു. തോട്ടിപ്പണിക്കാരുടെ മക്കള്‍ നേരിടുന്ന ബുദ്ധിമുട്ടികളും സാഹചര്യങ്ങളും അറിയാവന്ന സിനിമാക്കാരന്‍ പറയുന്ന യഥാര്‍ത്ഥ കഥയാണ് കസ്തൂരി. ഈ കഥ പ്രേക്ഷകര്‍ക്ക് ഇഷ്ടമാകുമെന്ന് ഞങ്ങള്‍ക്ക് ഉറപ്പുണ്ട് എന്ന് കസ്തൂരിയുടെ നിര്‍മാതാക്കള്‍ പറയുന്നു.
