വാഷിങ്ടണ്: ഏറ്റവും പ്രായം കുറഞ്ഞ ‘സ്വയം നിര്മിത ശതകോടീശ്വരന്’ പട്ടം ഫെയ്സ്ബുക്ക് സ്ഥാപകന് എലോണ് മസ്കിനു നഷ്ടം. സിലിക്കണ് വാലിയുടെ വലിയ ലാബുകള്ക്കായി എഐ മോഡല് പരിശീലനം നല്കുന്ന, അതിവേഗം വളരുന്ന റിക്രൂട്ട്മെന്റ് സ്റ്റാര്ട്ടപ്പ് ആയ മെര്സറാണു മൂന്ന് പുതിയ ശതകോടീശ്വരരെ സൃഷ്ടിച്ചത്.
22 വയസ്സുള്ള മെര്സറിന്റെ മൂന്ന് സഹസ്ഥാപകരാണു കോടീശ്വര പട്ടികയിലെ പുതുമുഖങ്ങള്. ഇന്ത്യന് വംശജരായ ആദര്ശ് ഹിരേമഠ്, സൂര്യ മിധ എന്നിവരും ബണ്ടന് ഫൂഡിയുമാണു പട്ടികയില് ഇടംപിടിച്ചത്. സാന് ഫ്രാന്സിസ്കോ ആസ്ഥാനമായുള്ള അവരുടെ കമ്പനിക്ക് 35 കോടി ഡോളറിന്റെ നിക്ഷേപമാണു ലഭിച്ചത്. ആ ഇടപാടിലൂടെ മെര്സറിനു 100 കോടി ഡോളര് മൂല്യം ലഭിച്ചു. ഫോര്ബ്സ് റിപ്പോര്ട്ട് അനുസരിച്ച് കമ്പനിയില് അവര് ഓരോരുത്തര്ക്കും ഏകദേശം 22% ഓഹരിയുണ്ട്.
ഈ മൂന്ന് പേരും മുന്പ് ബേ ഏരിയ ഹൈസ്കൂളിലെ ഡിബേറ്റ് ടീമില് അംഗങ്ങളായിരുന്നു. ആ സൗഹൃദമാണു മെര്സറിലേക്കു നയിച്ചത്. ഹാര്വാര്ഡ് സര്വകലാശാലയില് മൂന്നു പേരും ചേര്ന്നെങ്കിലും രണ്ടാം വര്ഷത്തിനു ശേഷം പഠനം ഉപേക്ഷിക്കുകയായിരുന്നു.
