ആഭ്യന്തരക്രിക്കറ്റില്‍ തന്നെ വളര്‍ത്തിയെടുത്ത മുംബൈയില്‍ നിന്നും ഗോവയിലേക്ക് മാറാനുള്ള യുവ ഇന്ത്യന്‍ ഓപ്പണര്‍ യശസ്വി ജയ്സ്വാളിന്റെ തീരുമാനത്തിന് വ്യക്തി പരം എന്നാണ് അദ്ദേഹം നല്‍കിയിരിക്കുന്ന വിശദീകരണം. എന്നാല്‍ യുവതാരം മുംബൈ വിടുന്നതിന് പിന്നില്‍ മാനേജ്‌മെന്റുമായുള്ള അതൃപ്തിയാണെന്ന് സൂചനകള്‍.
കഴിഞ്ഞ സീസണില്‍ ജെ & കെയ്ക്കെതിരായ മത്സരത്തില്‍, രണ്ടാം ഇന്നിംഗ്സില്‍ ജയ്സ്വാളിന്റെ ഷോട്ട് സെലക്ഷന്‍ ചോദ്യം ചെയ്തതിനെത്തുടര്‍ന്ന് ടീമിലെ ഒരു മുതിര്‍ന്ന അംഗവുമായി താരത്തിന് അഭിപ്രായ വ്യത്യാസം ഉണ്ടായിരുന്നു. മുംബൈ ഗെയിം രക്ഷിക്കാന്‍ പോരാടുമ്പോള്‍, ജയ്സ്വാള്‍ ആദ്യ ഇന്നിംഗ്സിലെ തന്റെ ഷോട്ട് ചോദ്യം ചെയ്ത സീനിയറുമായി ഇടഞ്ഞിരുന്നു.
2022 സെപ്റ്റംബറില്‍ സൗത്ത് സോണിനെതിരായ ദുലീപ് ട്രോഫി ഫൈനലിനിടെ വെസ്റ്റ് സോണ്‍ ക്യാപ്റ്റന്‍ അജിങ്ക്യ രഹാനെ അച്ചടക്ക കാരണങ്ങളാല്‍ ജയ്സ്വാളിനെ കളത്തി ല്‍ നിന്ന് പുറത്താക്കിയിരുന്നു. രണ്ടാം ഇന്നിംഗ്സില്‍ 323 പന്തില്‍ 30 ഫോറും നാല് സിക്സും സഹിതം 265 റണ്‍സെടുത്ത ജയ്സ്വാള്‍ ഇരട്ട സെഞ്ച്വറി നേടിയിരുന്നു, എന്നാല്‍ മത്സര ത്തിന്റെ അവസാന ദിനത്തില്‍ ദക്ഷിണ മേഖലാ ബാറ്റ്സ്മാന്‍ രവി തേജയെ അമിതമാ യി സ്ലെഡ്ജ് ചെയ്തതിന് വെസ്റ്റ് സോണ്‍ ക്യാപ്റ്റന്‍ അദ്ദേഹത്തെ കളത്തില്‍ നിന്ന് പുറത്താ ക്കി.
ബാറ്ററിനടുത്ത് ഫീല്‍ഡ് ചെയ്യുന്നതിനിടെ, തേജയ്ക്ക് നേരെ ജെയ്‌സ്വാള്‍ വാക്കാലുള്ള വെടിയുതിര്‍ത്തതായി റിപ്പോര്‍ട്ടുണ്ട്. 57-ാം ഓവറില്‍, ഓണ്‍-ഫീല്‍ഡ് അമ്പയര്‍മാരില്‍ ഒരാള്‍ തന്റെ സ്ലെഡ്ജിംഗിനെക്കുറിച്ച് ജയ്സ്വാളുമായി സംസാരിച്ചു, തുടര്‍ന്ന് ഫീല്‍ഡ് വിടുന്നതിന് മുമ്പ് ജയ്സ്വാളിനെ രഹാനെ ശാസിച്ചിരുന്നു.
മുംബൈയില്‍ നിന്ന് ഗോവയിലേക്ക് പോകാനുള്ള ആഗ്രഹം പ്രകടിപ്പിച്ച് ജയ്സ്വാള്‍ ചൊവ്വാഴ്ചയാണ് മുംബൈ ക്രിക്കറ്റ് അസോസിയേഷന് കത്തെഴുതിയത്. ഭരണസമിതി അദ്ദേഹത്തിന്റെ അഭ്യര്‍ത്ഥന വേഗത്തില്‍ അംഗീകരിച്ചു. അതേസമയം ജയ്സ്വാളി ന്റെ ഞെട്ടിക്കുന്ന നീക്കം മുംബൈ ആരാധകരെ ഞെട്ടിച്ചിട്ടുണ്ട്. 2025-26 സീസണ്‍ മുതല്‍ ഇടംകയ്യന്‍ ബാറ്ററെ ഗോവയ്ക്കായി കളിക്കുന്നത് കാണാനാകും. അതേസമയം തിരക്കുകള്‍ നിറഞ്ഞ അന്താരാഷ്ട്ര കലണ്ടര്‍ അനുസരിച്ച് സംസ്ഥാന ടീമിന് വേണ്ടി എത്ര കളികള്‍ താരത്തിന് കളിക്കാനാകുമെന്നത് കണ്ടറിയേണ്ടതുണ്ട്. ഉത്തര്‍പ്രദേശു കാരനാണെങ്കിലും ജെയ്‌സ്വാളിനെ വളര്‍ത്തിയത് മുംബൈ ആയിരുന്നു.
12-ാം വയസ്സില്‍ ഉത്തര്‍പ്രദേശിലെ ബദോഹിയില്‍ നിന്ന് തന്റെ ക്രിക്കറ്റ് സ്വപ്നം പിന്തുട രാന്‍ മുംബൈയിലേക്ക് കുടിയേറിയതാണ് അദ്ദേഹവും കുടുംബവും. നിരവധി കഠിന മായ ജീവിതസാഹചര്യത്തെ മറികടന്നാണ് താരം ഇന്ത്യന്‍ ടീമിലെത്തിയത്.
”ഇത് എന്നെ സംബന്ധിച്ചിടത്തോളം വളരെ കഠിനമായ തീരുമാനമായിരുന്നു. ഇന്ന് ഞാന്‍ എന്തായിരിക്കുന്നുവോ അതിന് കാരണം മുംബൈയാണ്. ജീവിതകാലം മുഴുവന്‍ ഞാന്‍ എംസിഎയോട് കടപ്പെട്ടിരിക്കും.” ജയ്സ്വാള്‍ പറഞ്ഞു. ”ഗോവ ഒരു പുതിയ അവ സരം എറിഞ്ഞു. അത് എനിക്ക് നേതൃത്വപരമായ റോള്‍ വാഗ്ദാനം ചെയ്തു. എന്റെ ആദ്യ ലക്ഷ്യം ഇന്ത്യയ്ക്ക് വേണ്ടി മികച്ച പ്രകടനം നടത്തുക എന്നതാണ്, ദേശീയ ഡ്യൂട്ടിയില്‍ ഇല്ലാത്തപ്പോഴെല്ലാം ഞാന്‍ ഗോവയ്ക്കായി കളിക്കുകയും അവരെ ടൂര്‍ണമെന്റിലേക്ക് ഏറ്റവും മുകളിലേക്ക് എത്തിക്കാന്‍ ശ്രമിക്കുകയും ചെയ്യും. ഇത് എനിക്ക് ലഭിച്ച ഒരു അവസരമായിരുന്നു, ഞാന്‍ അത് സ്വീകരിച്ചു.” താരം പറഞ്ഞു.
