കഴിവുകെട്ടവനെന്നും ഒന്നിനും കൊള്ളാത്തവനെന്നും സ്വന്തം പിതാവ് പരിഹസിച്ചയാള് ഇന്ന് ലോകത്തെ ഏറ്റവും വലിയ പണക്കാരന്. ചെറുപ്പകാലത്ത് പിതാവിന്റെ നിന്ദയും പരിഹാസവും പീഡനവും ഏല്ക്കേണ്ടി വന്നയാള് ഇപ്പോള് 342 ബില്യണ് ഡോളറിന്റെ സ്വത്തുടമയാണ്. പിതാവിന് തീരെ ഇഷ്ടമില്ലാതിരുന്ന ഈ മകന് ബാല്യത്തിലെ ഏറെ വേദനാജനകമായ ഓര്മ്മകളുണ്ടെങ്കിലും തന്നെ രൂപപ്പെടുത്തുന്നതില് പിതാവ് വഹിച്ച പങ്കിനെ അവഗണിക്കാനാകില്ലെന്ന് ഇദ്ദേഹം പറയുന്നു.
പറഞ്ഞുവരുന്നത് ലോകത്തിലെ ഏറ്റവും ധനികനായ എലോണ് മസ്കിനെക്കുറിച്ചാണ്. ചെറിയ പ്രതിസന്ധി വന്നാല് പോലും തളര്ന്നു പോകുന്ന അനേകര്ക്ക് പ്രചോദനമാണ് എലോണ് മസ്ക്കിന്റെ കഥ. ഏറെ ദുരിതപൂര്ണ്ണമായിരുന്നു മസ്ക്കിന്റെ ബാല്യകാലം. ഒരിക്കല് സ്കൂള് കാലഘട്ടത്തിലെ ഒരു സംഭവത്തിന്റെ പേരില് എലോണ് മസ്കിനെ അദ്ദേഹത്തിന്റെ പിതാവ് വളരെ മോശമായി വഴക്ക് പറഞ്ഞിരുന്നു എന്നത് വളരെ കുറച്ച് ആളുകള്ക്ക് മാത്രമേ അറിയൂ. ഈ കഥ 1980-കളില് എലോണിന്റെ മാതാപിതാക്കള് വിവാഹമോചനം നേടിയ സമയത്തേതാണ്.
വേര്പിരിയലിനുശേഷം, എലോണ് തന്റെ പിതാവ് എറോള് മസ്കിനൊപ്പം ജീവിക്കാന് തീരുമാനിച്ചു. ആ സമയത്ത്, എലോണ് നഗരത്തില് നിന്ന് വളരെ അകലെയുള്ള ഒരു ‘വിള്ഡേര്നെസ് സ്കൂളില്’ പഠിക്കുകയായിരുന്നു. ഒരു ദിവസം, ഒരു സഹപാഠിയുമായി അദ്ദേഹം വഴക്കിട്ടു. വഴക്ക് അക്രമാസക്തമാവുകയും എലോണിനെ പടികളിലൂടെ താഴേക്ക് തള്ളിയിട്ട് ക്രൂരമായി മര്ദ്ദിക്കുകയും ചെയ്തു. ഗുരുതരമായി പരിക്കേറ്റ അദ്ദേഹത്തെ ചികിത്സയ്ക്കായി ആശുപത്രിയില് പ്രവേശിപ്പിക്കേണ്ടി വന്നു.
സ്കൂളിലെ ഒരു പ്രഭാത അസംബ്ലിയില്, സുഹൃത്തുക്കളോടൊപ്പം നടക്കുമ്പോള് എലോണ് മസ്ക് അബദ്ധത്തില് ഒരു കുട്ടിയെ തട്ടി. ആ കുട്ടി തിരികെ തള്ളി, ഇത് പിന്നീട് പ്രശ്നങ്ങള്ക്ക് കാരണമായി. ഉച്ചഭക്ഷണ സമയത്ത്, ആ കുട്ടിയും അവന്റെ സംഘവും എലോണ് ഭക്ഷണം കഴിക്കുമ്പോള്, പിന്നിലൂടെ വന്ന് ആക്രമിച്ചു, തലയ്ക്ക് ചവിട്ടുകയും പടികളിലൂടെ താഴേക്ക് തള്ളിയിടുകയും ചെയ്തു.
ഈ ആക്രമണത്തില് മസ്കിന്റെ മുഖം നീരുവെച്ച് വീര്ത്തു. കണ്ണുകള് കഷ്ടിച്ച് മാത്രമേ കാണാന് കഴിയുമായിരുന്നുള്ളൂ. അദ്ദേഹത്തെ ഉടന് തന്നെ ആശുപത്രിയില് എത്തിച്ചു, ഒരാഴ്ചത്തേക്ക് സ്കൂളില് പോകാന് കഴിഞ്ഞില്ല. വര്ഷങ്ങള്ക്ക് ശേഷം, മൂക്കിനുള്ളിലെ കേടുവന്ന കോശങ്ങള് ശരിയാക്കാന് അദ്ദേഹത്തിന് ശസ്ത്രക്രിയ പോലും വേണ്ടിവന്നു.
എന്നാല് ഈ ശാരീരിക വേദനയൊന്നും അദ്ദേഹത്തിന്റെ പിതാവ് എറോള് മസ്ക് വരുത്തിവെച്ച മാനസിക വേദനയുമായി താരതമ്യം ചെയ്യുമ്പോള് ഒന്നുമല്ലായിരുന്നു. വഴക്കില് മകനെ പിന്തുണയ്ക്കുന്നതിനു പകരം, എറോള് അവനെ കുറ്റപ്പെടുത്തി. വേദനയോടെ ആശുപത്രിയില് നിന്ന് വീട്ടിലെത്തിയപ്പോള്, പിതാവ് മര്ദ്ദിച്ച കുട്ടികളുടെപക്ഷം ചേരുകയും മണിക്കൂറുകളോളം വഴക്ക് പറയുകയും ഒരിടത്ത് തന്നെ ദീര്ഘനേരം നിര്ത്തിക്കുകയും ചെയ്തെന്ന് മസ്ക്ക് പിന്നീട് പറഞ്ഞു.
അക്കാലത്ത് കടുത്ത മാനസീകപീഡനം ഏല്ക്കേണ്ടി വന്നു. രണ്ടാനമ്മയുടെ മകള് ജാന ബെസുയിഡെന്ഹൗട്ടില് തന്റെ പിതാവിന് രണ്ട് കുട്ടികളുണ്ടെന്ന് അറിഞ്ഞപ്പോള് മസ്ക് ഞെട്ടിപ്പോയിരുന്നു. എലോണ് വഴക്കിട്ട കുട്ടി ഒരു കഠിനമായ സാഹചര്യത്തിലൂടെയാണ് കടന്നുപോയിരുന്നത് എന്ന് ഒരിക്കല് പിതാവ് വിശദീകരിച്ചു. വാസ്തവത്തില്, ആ കുട്ടിയുടെ പിതാവ് ആത്മഹത്യ ചെയ്തിരുന്നു. ഇത് സാഹചര്യം കൂടുതല് സെന്സിറ്റീവാക്കി, അതിന്റെ ഗൗരവം എലോണ് മനസ്സിലാക്കണമെന്ന് എറോള് ആഗ്രഹിച്ചു.
തന്റെ പിതാവ് എറോള് മസ്കിനെക്കുറിച്ച് വേദനാജനകമായ ഓര്മ്മകളുണ്ടെ ങ്കിലും, തന്നെ രൂപപ്പെടുത്തുന്നതില് പിതാവ് വഹിച്ച പ്രധാന പങ്ക് അദ്ദേഹം അവഗണിക്കുന്നില്ല. ഭൗതികശാസ്ത്രം, എഞ്ചിനീയറിംഗ്, നിര്മ്മാണം എന്നിവ യുടെ അടിസ്ഥാനകാര്യങ്ങള് അദ്ദേഹത്തിന് പരിചയപ്പെടുത്തിയത് എറോള് ആയിരുന്നു. ഈ ആദ്യകാല പാഠങ്ങളാണ് മസ്ക് പിന്നീട് ടെസ്ല, സ്പേസ്എക്സ് പോലുള്ള വിപ്ലവകരമായ കമ്പനികള് നിര്മ്മിച്ചതിനുള്ള അടിത്തറയായി മാറിയത്.
