ചൈനയില്‍ 27 വയസ്സുള്ള തന്റെ മകന് അനുയോജ്യമായ ഭാര്യയായി വളര്‍ത്താന്‍ പദ്ധതിയിട്ട് 11 വയസ്സുകാരിയെ സ്ത്രീ തട്ടിക്കൊണ്ടുപോയി. കഴിഞ്ഞ ഫെബ്രുവരിയില്‍ നടന്ന സംഭവത്തില്‍ സ്ത്രീയ്ക്ക് മൂന്നവര്‍ഷത്തെ തടവിന് ശിക്ഷിച്ചു. ചൈനയിലെ തെക്കുപടിഞ്ഞാറന്‍ പ്രവിശ്യയായ ഗ്വിഷോവിലെ ലിയുപാന്‍ഷുയി സിറ്റിയിലെ ഗ്രാമത്തിലായിരുന്നു സംഭവം. യാങ്ങ് എന്ന സ്ത്രീയ്ക്കാണ് ശിക്ഷ കിട്ടിയത്.
ഗ്രാമം സന്ദര്‍ശിക്കുന്നതിനിടെയാണ് യാങ് പെണ്‍കുട്ടിയെ കണ്ടുമുട്ടിയത്. തന്റെ വളരെ മുതിര്‍ന്ന മകന് ഇവളെ ഒരു വധുവാക്കണമെന്ന് കരുതിയ അവള്‍ യുനാന്‍ പ്രവിശ്യയിലെ ക്യുജിംഗ് സിറ്റിയിലേക്ക് അവളെ കൊണ്ടുപോകാന്‍ അനുവദിക്കുമോ എന്ന് പെണ്‍കുട്ടിയുടെ മാതാപിതാക്കളോട് ചോദിച്ചു. പെണ്‍കുട്ടിയുടെ പിതാവ് ഈ നിര്‍ദ്ദേശം നിരസിച്ചതാണ് തട്ടിക്കൊണ്ടുപോകല്‍ ആലോചനയിലേക്ക് നയിച്ചത്.
പെണ്‍കുട്ടിയെ തട്ടിക്കൊണ്ടുപോകാന്‍ അവള്‍ 27 വയസ്സുള്ള മകനുമായി ഗൂഢാലോചന നടത്തി 2023 ഫെബ്രുവരി 14 ന് പെണ്‍കുട്ടി വീട്ടില്‍ തനിച്ചായപ്പോള്‍ അവളെ തട്ടിക്കൊണ്ടുപോയി. എന്നാല്‍ യുനാനിലെ അവളുടെ വീട്ടിലേക്ക് കൊണ്ടുപോയി വെറും ആറ് ദിവസത്തിന് ശേഷം, യാങ് അറസ്റ്റിലായി, നാല് ദിവസത്തിന് ശേഷം അവളുടെ മകനും. യാങ്ങിന് രണ്ട് വര്‍ഷവും അവളുടെ മകന് ഏഴ് മാസവും തടവ് കിട്ടി.
പെണ്‍കുട്ടിയും സ്ത്രീയുടെ മകനും തമ്മിലുള്ള പ്രായവ്യത്യാസത്തെക്കുറിച്ച് ചിലര്‍ അഭിപ്രായപ്പെട്ടിട്ടുണ്ടെങ്കിലും, ചൈനയില്‍ ബാല വധുക്കളുടെ ഒരു പുരാതന പാരമ്പര്യമുണ്ടെന്നത് ശ്രദ്ധേയമാണ്. കൗമാരത്തിന് മുമ്പുള്ള പെണ്‍കുട്ടികളെ കുടുംബങ്ങള്‍ അവരുടെ ആണ്‍മക്കളുടെ ഭാവി വധുക്കളാക്കി വളര്‍ത്തുന്നരീതിയുണ്ട്. 1950-ല്‍ ഈ ആചാരം നിരോധിച്ചെങ്കിലും ചില ഗ്രാമങ്ങളില്‍ ഇത് ഇപ്പോഴും തുടരുന്നുണ്ട്.
