ലോകത്തുടനീളം സിനിമാപ്രേമികളെ ഞെട്ടിച്ചു കൊണ്ട് പണം വാരിയ സിനിമയാണ് ‘ദി നണ്‍’. എന്നാല്‍ സിനിമയിലെ പ്രേതം നേരിട്ട് മുന്നില്‍ പ്രത്യക്ഷപ്പെട്ടാല്‍ എന്തുചെയ്യും? നണ്‍ സിനിമയിലെ വില്ലത്തി പ്രേതം ഡല്‍ഹിയിലെ തെരുവുകളില്‍ നേരിട്ട് പ്രത്യക്ഷപ്പെട്ട് ആള്‍ക്കാരെ ഞെട്ടിക്കുന്ന വീഡിയോ വൈറലായിരിക്കുകയാണ്. ഇതിനകം ഏഴു ദശലക്ഷം വ്യൂവേഴ്‌സാണ് വീഡിയോയ്ക്ക് കിട്ടിയിരിക്കുന്നത്.
ഒരു കാറിന്റെ വിന്‍ഡോയില്‍ നിന്ന് പുറത്തേക്ക് നോക്കുകയും തെരുവില്‍ ഇറങ്ങുകയും ചെയ്ത കന്യാസ്ത്രീയുടെ പ്രേതമായത് മേക്കപ്പ് ആര്‍ടിസ്റ്റായ ഇസ സെറ്റിയ ആയിരുന്നു. ജനപ്രിയ ഹൊറര്‍ ചിത്രമായ നണ്ണിലെ കന്യാസ്ത്രീയുടെ വിചിത്ര കഥാപാത്രമായി മാറിക്കൊണ്ട് അവര്‍ ആള്‍ക്കാരെ ഭയപ്പെടുത്തിയപ്പോള്‍ ആറു ലക്ഷത്തിലധികം ലൈക്കാണ് വീഡിയോയ്ക്ക് കിട്ടിയത്. ഇവരുടെ കഴിവിനെ മേക്കപ്പ് പ്രേമികളും പ്രൊഫഷണലുകളും ഒരുപോലെ അഭിനന്ദിച്ചുകൊണ്ട് രംഗത്ത് വരികയും ചെയ്തു.
വീഡിയോ ആദ്യം ഇന്‍സ്റ്റാഗ്രാമില്‍ ഇസ സെറ്റിയ തന്നെ പങ്കിട്ടു. വീഡിയോയില്‍, സെറ്റിയ ഒരു കാറിന്റെ വിന്‍ഡോയില്‍ നിന്ന് പുറത്തേക്ക് നോക്കുന്നത് കാണാം. തുടര്‍ന്ന് തെരുവിലൂടെ ഇറങ്ങിനടന്നപ്പോള്‍ ആള്‍ക്കാര്‍ ആദ്യമൊന്ന് ഭയന്നുപോകുന്നതും ആള്‍ക്കാര്‍ ഓടി മാറുന്നതും കാണാം. എന്നാല്‍ തങ്ങള്‍ ഒരു തമാശയുടെ ഭാഗമായി എന്ന് മനസ്സിലാക്കുന്നവര്‍ ആശ്വാസം കൊള്ളുന്നതും ചിരിക്കുന്നതും വീഡിയോയിലുണ്ട്്
ഡെല്‍ഹിയിലെ കൗതുകമുണര്‍ത്തുന്ന നിവാസികള്‍ക്കൊപ്പം ചിത്രങ്ങള്‍ക്ക് പോസ് ചെയ്യുന്നുമുണ്ട്. തന്റെ മേക്കപ്പ് ആര്‍ടിസ്റ്റ് എന്ന നിലയിലുള്ള തന്റെ കഴിവിന്റെ പ്രദര്‍ശനം കൂടിയാക്കി അവള്‍ അതിനെ മാറ്റി.
തമാശ നിറഞ്ഞ ഒരു പ്രായോഗിക തമാശയുടെ ഭാഗമാണ് തങ്ങള്‍ എന്ന് വ്യക്തികള്‍ തിരിച്ചറിയുമ്പോള്‍ ചിരി നിറയും. സോഷ്യല്‍ മീഡിയയില്‍ അനേകരാണ് പ്രതികരിച്ചിരിക്കുന്നത്. ‘ഇന്ന് ഞാന്‍ ഇന്റര്‍നെറ്റില്‍ കണ്ടതില്‍ ഏറ്റവും മികച്ചത്’ എന്നാണ് ഒരാള്‍ കുറിച്ചത്. ‘കൊള്ളാം എന്നാല്‍ അക്ഷരാര്‍ത്ഥത്തില്‍ ആ നോട്ടം ആരെയും ഭയപ്പെടുത്തും… ദയവായി ഭാഗം 2 വേണം’ മറ്റൊരാള്‍ എഴുതി.
https://www.instagram.com/reel/CyGSuvVvoBf/?utm_source=ig_web_copy_link&igshid=MzRlODBiNWFlZA==
